媽咪發現膀胱癌有腫瘤，但今日醫生話係轉移癌

家人都有過癌症
你盡快去私院照ct scan睇清所有癌細胞係邊
再等私人醫生意見
癌症一定要係私院做手術 快好多同準好多

「手術前做CT Scan醫生話未有擴散…但係而家個腫瘤病理報告又咁樣」

其實唔係咩矛盾。之前做CT 淨係照膀胱，見到個瘤就切除加化驗。化驗結果咁即係代表其他位都有瘤。咁醫生就建議睇下係咪子宮，到時揾到咪睇下係咪都可以手術切除

癌恊有一大堆小冊子。去讀吓

明白晒，收到！

巴打
第一件事 你唔開心 唔識反應
然後一片空白 係好好好正常你人黎架嘛
你錫媽咪 你愛佢 你重視佢 所以你唔開心係自然反應
如果係媽咪面前忍唔住喊 咪喊囉
之後攬返佢 同佢講 一齊面對etc

第二
可以的話 經濟承擔到的話去私家
點都要搵多個醫生做第二報告
睇下可以點樣處理
如果要化療 排公立應該就等唔切的
你可以頭2針 搵私家先 之後等到先入返公立完成治療

第三
有空間 可以搵下啲癌協 組織
理論上佢哋會教到你可以唔同step 你可以點去做
同會有啲唔同嘅營養奶etc嘅 優惠

第四
唔好一個人面對 真係要有信任嘅人去陪你一齊行
可以的話 同下親戚講 (如果係close個種)
唔係想要經濟援助 而係之後嘅後期復元
都會需要親人幫手


兩母子 面對依種問題 係好好好好撚痛同難受
但你真係要慢慢學習練大心臟
包容到你媽媽嘅痛時
都要學習到點去成長 點去經歷依啲痛
(無人想面對 但人生就係咁多苦痛)
但真係要有信心 你會捱得過的

隔空拍拍你膀頭

第1唔好信中醫
第2 4期而有番咁上下年紀既話機會好微 帶佢周圍食玩算
第3 轉移好似係擴散....
最後 樓主加油

點解會有咁多人要受咁嘅苦難
呢半年我媽媽都同癌症搏鬥緊
一照CT照到幾個地方著燈
術前做咗一堆電療化療同檢查
而家又話推遲手術 所有野都好複雜

同你一樣 放工就仆返屋企 見到幾多得幾多
斷哂社交 屋企得返我一個做野
就頂唔順

你都加油呀！面對住自己最親既人受苦，真係好冇助

唔少病人會飲加力康
唔記得係咪呢個名
可以補充到營養
如果有需要可以去基金會登記
會平好多
要頂住呀 有唔開心要搵人傾訴
有冇信仰都可以祈禱

嗰個CT係照成個下腹部袐尿系統，咁即係唔好子宮嗰d….？

可以睇下五恆蔬菜湯，可以抗癌，上網有啲現成一包包可以訂，一包加水煲就ok
我屋企人以前有cancer都係咁飲，好似普通雜菜湯咁，無中藥，唔怕對個肝唔好，樓豬加油

屌你老母，講埋啲歪理，有幾多7頭信撚左呢啲咁嘅說法有得救都變無得救，癌症起因都未識咪撚出黎扮野啦

CT會見到膀胱子宮大腸等等
不過CT多數無咁清楚，如果癌唔係太大可能睇唔到

明白你感受。
我都經歷過...你冇野做到
去私家照，快d知結果，
安撫媽咪等佢唔使太驚，保持心情好...
你都會好大壓力，記得搵朋友或者信得過既人傾，
唔好壓抑。

我就係咁而家周身病痛，你要加油

如果有西醫治療方案，而係有副作用，不妨睇埋醫院中醫，用黎調理身體減輕副作用

幫推加油

見到你呢段野我又喊L左，多謝晒你

調理比個nobel prize比你

係…點解要父母受呢d苦難，好傷心。
點解要推遲手術既？你响公立定私家睇呀？
我都係得一個做野，真係好大壓力。

人人病情唔同，經濟情況唔同
中醫西醫政府私家，我都試過
我只有一個建議俾你，經濟情況許可的話
睇多個醫生，聽多個意見
私家醫生做手術好貴，你唔係私家醫院做手術或者進行治療，但係你可以搵佢地診症，相信負擔得到嘅

其他嘅嘢，將來再講

希望無事

其實