媽咪發現膀胱癌有腫瘤，但今日醫生話係轉移癌

媽咪早前發現膀胱有腫瘤，立刻入院切除加抽組織化驗。今日睇病理報告，醫生話個膀胱既腫瘤唔係原生既，可能係第二度轉移過來，而家轉介左去婦科再驗子宮。

手術前做CT Scan醫生話未有擴散…但係而家個腫瘤病理報告又咁樣，咁即係點…情況係咪會更差…好驚….

我應該去搵咩醫生俾佢睇…如果係轉移即係咪已經擴散…

屋企得我同老母相依為命，好無助，我好想幫佢，佢辛苦一世養大我，我唔想佢辛苦。而家佢日日個樣都好苦，佢一定會諗好多野，會好唔開心，但我唔識點安慰佢開解佢。

頭先我好L冇用，忍唔住講講下野响佢面前喊左出來，我好怕影響到佢，我想佢知我好愛佢好支持佢，但係又怕佢會為左我而太大壓力。

而家返工都集中唔到，一諗起以後既路眼淚都標出來，但又要死忍住，等放工立刻趕返屋企。

除左睇醫生，暫時我開始响食方面著手，係咁搵食咩有助抗癌，買蟲草俾佢增強抵抗力。

我睇話保持心境開朗可增強免疫力，有助抗癌，不過呢方面我唔識點開解佢。

求救各位我應該點做好….仲有冇咩我應該要去做

樓主你要頂住

蟲草

如果真係4期醫生都話希望唔大嘅話
就帶佢周圍去啦
同埋都要睇佢意願想唔想醫
有時等佢冇咁辛苦都係一件好事

唔會有用
留返啲錢睇醫生好過

唔好晒太多錢比咩中醫，自然療法
9 成9 都係呃人，無證據
佢地說服人既理據係一d唔存在既人，話用完好左
你諗下一隻抗癌藥要經過幾十過committee，十鳩幾個study，又要FDA approval 先出到市場，出完仲要review 一排先叫多人用
呢d撚屌巫醫，求其鳩up兩句收人十幾廿萬
有錢拎黎同佢去旅行 過開心既生活
都唔好晒錢比呢d仆街

老母話佢想煲下一條條真既蟲草，所以我都買左

其實有冇話要照全身
睇下咩位置有事

而家連源頭都未知，仲要左驗右驗，好驚咁樣拖住時間。
如果之後要做化療電療，我都好怕佢辛苦過唔做。

做pet ct 先再諗，我寫左我呀爸既大腸癌經歷出黎，你可以睇下，and most importantly, hug and all the best to you and your family

病理報告話要排除左係唔係婦科既癌問題先，話要搵到源頭先點醫，其實係唔係咁架

巴打頂著

應該照pet ct scan 顯影 ，見醫生寫轉介信出去照， 幾日有結果，睇下邊到安全唔安全（佢個邊有report 比返公院醫生）

點解人要經歷咁多苦難

照pet ct後會知結果
就咁聽你講個情況都唔太好
盡量珍惜每一天 有咩想做記得做左先

有啲中醫係出名睇癌，但用勁多錢 ，預約條隊好長，普通人負擔唔起㗎

加油

應該係病理科醫生
喺顯微鏡下做咗各種染色
睇落個癌細胞係婦科器官到黎

應該要盡快比婦科醫生睇，公立應該都唔會太耐
婦科一係子宮頸癌，一係子宮癌，一係卵巢癌
多數臨床檢查抽組織超聲波都見到
真係心急嘅可以睇私家

醫生點會唔叫你做pet scan?

你睇公立的話叫佢幫你開張轉介信照pet ct搵左身體仲有咩位有異樣 政府轉介就平d咁（好似8千幾左右？）

如果你比得起錢就聽日打定去d診所約照pet ct 唔好等覆診先開轉介信

呢個病就唔等得 你愈拖個康復機會愈細
搵個病源頭好過食蟲草喇

多謝你，我睇左你個post，而家你老豆點呀？
我媽就係睇駐院醫生，就係照左內窺鏡同埋CT就去做左手術…而家拎左個腫瘤出來就話居然唔係响膀胱原發…

係 唔同癌症既治療方法都唔同
即使擴散左都要搵返最初既位置
有機會要活體抽組織去驗類型

其實未必洗照住，而家係要搵咗primary 先，婦科好多臨床診斷到

之後先慢慢照PET睇吓有冇其他器官擴散

第一時間做PET 睇下有冇擴散 先再諗點醫

照全身pet ct有癌d位會全部show出黎
你下下抽組織 見醫生 覆診 你諗下最快要幾耐？