嚴選三十大考古娛樂雜誌暗名爆料

忽然一周名物媽咪姐！
我覺得樓主保育緊非遺

馬明

拉拉就估到
上面個啦啦係邊個

23）「衰多口」借醉行兇

【09/28/2012】

老實講，呢幾年「衰多口」已經收斂咗唔少，無以前咁囂張亂噏當秘笈！近期搞電影都有好成績，又成日講佛，成個人好似唔同咗。

之但係，有幕後friend就同媽咪姐講：「嘿，你哋唔知佢以前啲衰嘢啫！我就覺得唔可以睇表面囉。」原來呢個公仔箱幕後人員，以前同「衰多口」一齊喺二奶台做過，有次成班台前幕後約埋幾個記者去唱 K聯誼吓。𠴱晚好熱鬧呀，「殭屍先生」同性感亞姐「喉沙沙」都有出席，仲同班記者玩得好 happy。

當時仲末紅嘅「衰多口」話咁快飲到面紅紅，大家都有啲怕咗佢。不過，最過分嘅係，有個入行無耐嘅靚女記者，啱啱去完 toilet，開門行出兩步，就俾「預先埋伏」嘅「衰多口」好大力咁推埋牆，仲伸頭想咀落去。嘩嘩嘩，癲㗎！好彩隔籬有人即刻拉住「衰多口」，嗰位靚女記者先幸免於難，但已經嚇到面青青。

就咁嘅，「衰多口」事後有say sorry，又話自己飲醉咗喎！媽咪姐呢，就從來只信「酒醉三分醒」，大家話係咪先？

24）「變臉王子」「燉刺蝟」有女兩份溝

【10/05/2012】

要喺娛樂圈生存，人脈關係一向緊要，好似近年喺作曲界產量唔少嘅「燉刺蝟」咁，好識冧啲高層，自然唔愁無人用佢啲歌啦！而且，呢位音樂人仲有一個絕招，就係成日傍住啲星去夜蒲溝女，蒲到 friend咗，咪又搵佢作埋曲囉。

大婆台嘅「變臉王子」係「燉刺蝟」嘅蒲腳平日一得閒，「燉刺蝟」就會搵定地方，call定啲靚女 friend，等呢位人氣小生一收工可以即刻去蒲，保證唔會空手而回。不過，有時候情況都會掉轉㗎！話說有次「燉刺蝟」同「變臉王子」搭口上緊間夜場，眼利嘅佢，好快就𥄫中同口嘅幾位妹妹仔，即時問人哋攞電話。

噢，但佢畢竟係幕後人，仲要瘦蜢蜢兼乸乸哋，人哋一句就質埋去：「吓？你係咪搞錯咗性別呀？」俾人噴到一面屁，「燉刺蝟」梗係谷到一肚氣啦，但唔緊要！原來佢同班妹妹仔咁啱去埋同一間 bar，後來佢咪叫同行嘅「變臉王子」幫手「抄牌」囉。well，叫得「變臉王子」，變咗咁多次臉，梗靚仔啦！「抄牌」當然話咁易，至於攞咗嗰幾個電話號碼點分配呢？唉，是但啦！玩吓啫，你唔係認真呀嘛？

D a
D a

朝偉？
好好笑係鄭中基？

拍行運超人

25）「五蚊眼」「大鼻仔」有愛無性

【11/23/2012】

圈中情侶最鍾意拖拖拉拉，好似「五蚊眼」同「大鼻仔」拍拖嗰陣，一時公開打情罵俏，一時又扮唔熟。好啦，大家睇得多，以為呢啲係佢哋拍拖嘅 style，又以為佢哋應該會就咁行落去，點知呢 pair影壇情侶忽然又話分手嘞！唔經唔覺，又分咗幾年咯。

嗱，最近有圈中二五同媽咪姐講：「你知唔知佢哋點解分手吖？其中一個原因，咪就係有愛無性囉！」話說「五蚊眼」同「大鼻仔」拍拖後期，女方話男友成日偷食，好污糟！所以有好長一段時間都唔俾「大鼻仔」掂佢，就算共
處一室，都眼看手勿動㗎。血氣方剛嘅「大鼻仔」就同班friend呻，話拍拖拍成咁，好灰喎！但佢哋又唔係完全唔愛噃，都揼咗好長一段時間先真正分開。

不過媽咪姐就覺得分手原因，可以用3個字講晒，未玩夠！

早咗

女嗰個都好似

26）「學生王子」扮型又無品

【04/26/2013】

做娛樂圈呢行嘅，個個都想走喺時代嘅尖端，但真係做到嘅，無幾多個囉！懶型嘅，就數都數唔晒。

嗱，又係咁意舉個例，讀書時已經做歌手嘅「學生王子」，沉寂過一輪，早幾年又翻生！咁翻生原本唔係問題嘅，問題係佢自信返晒嚟之餘，仲以為自己好潮嗰吓弊！有一次，呢位大眼歌手行入一間潮服店，指住幾對便服鞋話要試。好啦，咁店員咪拎俾佢。

點知……阿「學生王子」竟然將對對鞋都踩踭，然後喺塊鏡度左照右照，睇到班店員眼都凸埋！係，嗰排有某潮鞋係興踩踭去着，但唔係款款鞋都要咁着囉。同埋踩之前，係咪都要問吓人呢？唉，人哋見佢係星，俾兩分薄面，忍住唔出聲，跟佢去嘅助手就滴晒汗。

最後「學生王子」將人哋舖頭啲鞋嘅踭鄀踩勻踩扁，但就一對都無買喎！話晒都讀過大學吖，估唔到連「將心比己」四個字都唔識囉。

比比鳥？

27）「雞仔聲」又要偷食又要驚

【06/29/2012】

上期媽咪姐同大家舉咗個「又要威又要戴頭盔」嘅圈中實例，今期呢，又有新嘢學嘞！首先要recall番大家嘅記憶先，仲記得有樣無胸嘅「雞仔聲」同寶島男星「高高大」曾經俾人影到喺的士激咀嘛？

𠴱時雙方都例牌話係角度問題，堅稱大家係朋友喎！不過時間總會證明一切嘅，最近之嘛，有寶島幕後好友嚟咗香港，搵媽咪姐飲吓茶，傾傾吓又有料爆。話說「高高大」有次飲咗兩杯，忍唔住同個圈中女性朋友訴苦，話佢之前同「雞仔聲」係嚟真㗎！嗰時女方成日去寶島做嘢，次次嚟親都會上男方屋企。又問做乜？咪做情侶間會做嘅事囉！

之但係，「雞仔聲」原來有一個正印喺香港嘅，「高高大」亦知道呢件事，但就甘願做女方嘅秘密情人。不過，自從出咗嗰張的士激咀相，「雞仔聲」非常驚青，即時同「高高大」斬䌫，唔聽電話唔覆message，總之就玩失
蹤，搞到呢位突然被飛嘅寶島型男hurt到爆！

唉，不過偷食斷正嘅「雞仔聲」最後咪一樣俾正印飛起，仲 dry到依家！呢個世界，有借有還嘅。

28）「厚唇」姣記者工心計

【05/31/2013】

喺公仔箱入面，港姐出身嘅「厚唇」出名姣，成日同拍檔傳緋聞之餘，有時又同啲大人物拉上關係，仲愈住愈豪！
 
不過咁，呢位阿姐都好博愛嘅，會照顧埋啲男記者呀男攝影師呀，一見到佢哋，就笑到瞇晒眼，把聲突然好似食咗十擔蜜糖，個人又好似中咗化骨綿掌，挨落啲攝影師嘅手臂度，話要睇吓影得佢靚唔靚喎！ Well，你問點解特別注明係男攝影師同男記者？

哦……係咁嘅，「厚唇」對女記者女攝影師就忽然好矜持㗎。語氣同身體語言都 cool好多，有時佢覺得某女記者寫得佢唔好，仲會特登向其他男記者訴苦兼投訴，叫人哋幫佢「教吓」個女記者囉。嗯，阿「厚唇」咁目標為本，永無嗲錯人！佢嘅「電能」效益真係高嘞。

做乜唔排名呀

一入黎就韓紅大伏

兆尊？

估唔到

仲未有希哥

蕃邦係 god save the king

29）「高瘦平」又打又拎

【07/13/2012】

自從成功私有化咗遊戲人間嘅「小飛俠」之後，「高瘦平」呢幾年已經處於半退休狀態，好少拍戲拍劇，兩個人得閒就打機或者去旅行。當然，唔少得嘅，仲有打羽毛球！你打個波過去，我又打番個波過嚟，一來一往，幾溫
馨呀！

但係講開打波，最近又有圈中二五爆料，話「高瘦平」原來鍾意又打又拎喎。話說呢位靚女都打咗幾多年羽毛球，定期會同一班波友聚吓，有一排仲同無拍戲好耐嘅「新龍女」friend咗，得閒就切磋㖭。不過，有次大班波友如常約埋去練波，玩咗 2個鐘，個個都嗌「夠皮」，就陸續去更衣室沖涼換衫。突然，有人就喺球場邊大嗌：「咦？我新買嗰塊拍呢？之前明明放喺度㗎！」於是大家幫手四圍搵，又打開自己個袋check吓，睇睇有無攞錯。平時聲大大嘅「高瘦平」呢個時候竟然無乜出聲，又無打開自己個袋去check。

明眼人都覺得有啲奇怪，但大家係成年人，又成日一齊打波，打埋算盤亦算係friend，又點好意思講啲乜呢。最後，失主都決定唔再搵，當自己「黑仔」算數！不過，有位波友事後講番，話見到「高瘦平」將人哋塊拍放入
袋，佢初時以為呢位女明星咁好人，幫人執埋拍，誰知佢係拎完扮無嘢，咁鬼無品！哎呀，媽咪姐聽到呢度都嚇咗一跳，惟有祝「小飛俠」好運啦。

大哥同512？

30）「好怕貓」癮起㩒唔住

【05/25/2012】

唔少靚太朋友曾經問過媽咪姐，「好怕貓」不嬲都唱得吖，點解始終上唔到更高位，近年唱現場又好似差咗咁嘅？

唉，呢個世界邊有死錯人㗎！唔少圈中人都知，「好怕貓」喺多年前已經鍾意做啲好傷身嘅「課外活動」，只要癮起，就一定要攞啲嘢出嚟止癮，否則成個人會落晒形，目光呆滯，鼻水都出埋嚟。本來，媽咪姐以為呢位施主年紀開始大，會識諗戒癮啦！

點知最近有幕後二五就玩踢爆：「嘩！唔覺佢戒咗喎，有時吊癮起上嚟，仲唔揀地方『開餐』㖭！原來話說兩年前，「好怕貓」同幾個台前幕後friend，上咗佐敦山林道某樓上吧。大家飲咗兩round，都開始high high哋，然後「好怕貓」突然喺袋度拎嘢出嚟，擺好個陣，就公然喺班friend面前進行「課外活動」，倜樣仲欲仙欲死咁款！講真，話係樓上吧啫，但始終係公眾地方，人多口雜，仲周不時有警察查牌㗎嘛。有咩事，真係「一鑊熟」㗎，大佬！

唉，無㗎嘞，惟有希望佢依家同「神女」一齊，會俾女友感化，真真正正搣甩鋪癮，重新做人啦。

出完

大眼方便麵太有畫面