嚴選三十大考古娛樂雜誌暗名爆料

8）「瘦平」暗交「大細路」

【03/10/2012】

「瘦平」入行多年，一向有同性緣，反而無乜異性嘅緋聞。不過，最近有二五向媽咪姐爆料話好多嘢唔好睇表面，其實 「瘦平」都有結交男性好朋友㗎！好似同一唱片公司嘅「大細路」就係嘞。

話說有次二五見天朗氣清，就晨早起身去西貢行山啦。點知喺花花草草之間，竟然都俾㑌撞到星！仲要係戴晒眼鏡戴晒帽嘅「瘦平」后「大細路」喎。

佢哋咁鬼出名，二五話就算嗰日啱啱瞓醒，都唔會認唔出囉。不過，奇怪嘅係，明明兩個人健健康康去行山，但包到冚之餘，仲特登將架車泊到有咁遠得咁遠，好似驚死俾人發現咁。嗯，孤男寡女，荒山野嶺，又真係有啲耐人尋味..…

馬明？

長頸鹿

邊個大大眼

9）「大笑公」「韓語」暗地翻撻

【11/28/2012】

媽咪姐收到料，話大氣電波紅人「大笑公」最近同「韓語」又黐番埋一齊，因為有人喺「大笑公」嘅騷度見到「韓語」鬼祟撐場。

其實「韓語」出道至今，唱極唔起，後來黐咗「大笑公」後，無論上電視節目、抑或大氣電波開咪，「大笑公」多數預埋「韓語」。

佢哋兩個拖拖拉拉都維持咗幾年，後尾有人唔抵得，向「大笑公」老婆報寸，兩個先至斬纜咋。最近佢哋再暗地裏又翻撻，聽講「大笑公」個老婆收到風，仲同朋友呻，話懷疑「大笑公」同「韓語」又有景矗。男嘅有老婆仔女
仲要沙沙滾，女嘅就樂於做二奶，cheap到痺。媽咪姐最睇唔起呢類人㗎。

10）「講唔正」「鼻高高」為上位姊妹決裂

【06/21/2013】

唔講大家可能唔知，公仔箱入面嘅「講唔正」同「鼻高高」曾經好 friend㗎！你問點解？咪因為佢哋都唔妥某「數字高層」，覺得人哋錫晒花旦「鴨仔」，俾晒啲獎佢。大家有共同嘅敵人咯，自然就變咗老友啦。呢兩位呷醋姐仔仲試過喺一班相熟傳媒面前大數「數字高層」，同仇敵愾，數得幾興奮呀！嗰時「講唔正」仲同「鼻高高」約定，大家都唔續約，一齊向外闖。
 
之但係，娛樂圈入面嘅友誼，好多時都好脆弱嘅！無幾耐，「鼻高高」同公司又傾得成約，仲傾埋個獎返嚟㖭。因妒成恨，姊妹決裂，就梗㗎啦！依家兩個人無偈傾㗎！「鼻高高」上咗位，而唔聽話、做戲又唔係掂嘅「講唔正」呢，喺公司無乜人理。好彩，佢有個有米嘅另一半，咪繼續扮唔志在續約，實情就想扭計攞獎囉。

伊沙貝拉？

我聽果個版本係仲有句，
「我都未走，你走咩」

係咪叫關仁隱事

11）「矮仔」眼紅「俊男」 搵人出氣

【05/29/2015】

媽咪姐成日都話性格決定命運，啱啱又聽到一個例子喇！話說有個朋友仔做開明星助手，佢同媽咪姐 tea一 tea嘅時候，就講起歌手「矮仔」係佢哋嗰行「知名」嘅煩人！

有一次，都好似幾多年前，「矮仔」同拍開戲嘅「俊男」去東南亞登台，做完嘢之後，就拉大隊去 spa度疏乎吓。咁「俊男」有名你叫，真係高大靚仔，自然好受嗰度嘅員工歡迎，爭住影合照咁樣。唔知係咪因為無乜人搵「矮仔」影合照佢塊面愈嚟愈黑，坐坐吓，仲忽然大鬧斟茶俾佢嗰位員工，係無理取鬧，癲咗想打人嗰隻喎。嘩，嚇到人哋手騰腳震，猛 say sorry。

好在「俊男」喺側邊見到咁嘅情形，即刻拉住「矮仔」話：「你傻咗咩！做乜無啦啦鬧人啫？」跟住同班助手、工作人員夾手夾腳拉走「矮仔」，仲同無辜被鬧嘅員工講唔好意思。

嗱，人品呢啲嘢，真係喺日常生活就睇出㗎喇！今時今日，「矮仔」事業停滯不前，「俊男」就愈做愈好，家庭美滿。都係嗰句，性格決定命運囉！

邊個係「矮仔」？
1.歌唱比賽出身，唱得唔錯㗎。
2.同圈中女強人拍咗好多年拖，後尾散咗，至今都係「散餐」

邊個係「俊男」？
1.成日都演型佬角色，男人味滿瀉。
2.以前玩車多，依家俾個囡囡玩多。

又邊個？

12）「乖乖」愛靚仔特別服務有優惠

【02/27/2015】

睇開「揞名爆」呢個專欄嘅，應該都知娛樂圈唔少女星都有提供特別服務。不過，話晒係明星喎！佢哋收費除咗萬萬聲，仲有唔少特別規條㗎。

好似電視小花「乖乖」咁，你睇佢個樣咁純品，絕對估唔到佢係有提供特別服務嘅！有圈中二五仲話，「乖乖」 每次收費3萬，不過見到合眼缘嘅，係有折㗎！收少幾千都冇所謂咁話。

嗯…今時今日咁嘅「服務態度」，證明「乖乖」 查實唔係極度等錢使之外，仲唔多憂做㖭！

邊個係「乖乖」？
•高高瘦瘦。
•感情專一到有啲驚㗎！你語好矛盾？
娛樂圈，係咁奇㗎啦。

13）「啦啦」澳門賭廳陪坐

【09/02/2015】

呢期媽咪姐同一班姊妹全程跟進澳門猛人洗米華大婆同小三 Mandy Lieu鬥法，真係好睇過大台膠劇多多聲。淨係 Mandy Lieu喺賭廳做人肉坐墊，陪洗米華賭錢呢幕，已經夠爆炸。

話時話，澳門賭廳查實都係個睇星好地方嚟㗎。有二五啱啱就同媽咪姐講，佢過大海玩兩手，撞到性感靚女「啦啦」呀！估唔到嘅係，喺賭枱一手揸啤牌，一手攬到「啦啦」實一實嘅係富豪人夫「大鼻」囉。

據二五所講，佢哋坐到好似連體嬰咁，旁若無人㗎！明知賭廳入面啲賭客望實佢哋都唔介意，照攬照摸。 Well，搵到咁大個碼頭，難怪「啦啦」又話搞生意咯！

邊個係「啦啦」？
1.眼大大。
2.拍戲㗎。

邊個係「大鼻」？
1.平時同正印出嚟，好恩愛㗎。
2.富豪嚟講，都算後生。

可唔可以次次講到最後，俾啲hints

14）「魚仔」狂躁又冇品

【08/23/2013】

媽咪姐成日教阿女，唔係唔俾你揀靚仔，反正靚唔靚仔都一樣會花心㗎嘞，但無品嗰啲呢，就一定送都唔好要！免得激心又俾人笑呀。

好似影圈小生「魚仔」咁，表面睇嚟高大靚仔又有米，好多囡囡黐埋去㗎！之但係有次佢同好拍檔「化姐」為個時裝活動做嘉賓時，咁啱有啲事故，令活動延遲開始。難得嗰次無遲到嘅「魚仔」，喺後台等咗半個鐘，已經唔耐煩黑晒面！成班工作人員嚇到猛 say sorry。 Well，估唔到嘅係，平日擺出一副型男款嘅「魚仔」，仲忽然一腳踢向地上一堆衣架。嘩！啲衣架好似「仙女散花」咁，飛到四圍都係。在場人士見到呢個黐鬼線嘅場面，真係除咗 O嘴，都只能 O嘴！

好在見慣世面嘅「化姐」即刻出嚟打圓場，安撫呢位狂躁爆發嘅……明星喎！結果，終於捱到活動開始，一班面都青埋嘅 PR先鬆一口氣。做男人做到好似「魚仔」咁，唔該返去讀多兩年書，學吓乜嘢叫禮貌先啦！型……男喎。

邊個係「魚仔」？
1.有正印時，有緋聞。無正印時，仲多緋聞！
2.有運動底

邊個係「化姐」
1.大情大性
2.有正印時，零緋聞。無正印時，都唔多緋聞。

男嘅畫到咁都唔使估啦

餐檯鹽真係幾有創意

15）「拉拉」床片流出

【04/16/2013】

女明星收錢為客人提供「特別服務」，早就唔係新聞。一買一賣，現金交易，唔少女星都覺得呢啲快錢好易賺。唉……之但係世事邊有咁簡單！賺呢啲錢，查實好大風險㗎。

好似最近有圈中人就同媽咪姐爆料，話有次食飯見到一位江湖大佬，大家幾杯到肚之後，阿大佬就笑騎騎攞部手機出嚟話：「醒啲正嘢你睇吖！」圈中人一望，嘩！竟然係江湖大佬同性感女神「拉拉」嘅床片！

畫面所見，「拉拉」明顯唔情願嘅，但江湖大佬喎！佢又點敢 say no。唉……所以話，呢個世界做乜嘢都係有代價嘅，睇怕事業愈嚟愈好嘅「拉拉」，依家勁驚條片唔知幾時會流出市面，一世都有陰影囉。

邊個係「拉拉」？
1 Model出身。
2 有身材又有腦袋㗎。

出埋看圖攻略,一定過到關。

點解會叫鹽

16）「泥豬」點人唔使本

【09/25/2013】

「泥豬」喺公仔箱做阿姐嗰時，出咗名無乜時間觀念，遲係一定嘅！只係估唔到佢嫁咗入豪門，印印腳湊小朋友做少奶奶，都一樣冇變過啫！

即係咁，做咗阿太嘅「泥豬」依然貪靚嘅，不過為免被狗仔隊影到，通常 call人去佢間豪宅同佢做美容呀按摩呀，足不出戶。之不過，呢位過氣阿姐個鐘仲係有「時差」，好似明明約人下午三點，但就會喺兩點半嗰時打俾人，叫人哋兩點九前好去到喎。嘩，你估坐火箭咩？而且有錢人梗係住喺啲鳥語花香、渺無人煙嘅地方，即係遠囉！咁咪等於迫人飛的士，仲要喪跑先趕得切。


咁都算嘞，最慘係「泥豬」周不時會喺約定時間前十分鐘，先打電話同人講自己突然有事，唔要 service咯喎。嘩！人哋都差唔多去到門口啦。唉，搵兩餐啫，咁又蝕咗半日，再蝕埋車錢俾你咯！好心「泥豬」就體諒吓人，有錢唔係大晒嘅。 

醫神
富家女咪何超

死啦，我睇唔出