嚴選三十大考古娛樂雜誌暗名爆料

排名不分先後
先貼韓紅許志安激咀圖

呢啲叫實名爆

英開始識玩

1）「V字手」淫賤真面目

【04/12/2004】

好多人話娛樂圈係個大染缸，除咗吸毒風盛外，仲有不道德交易，女明星要犧牲色相先有發展機會，尤其係「蕃邦」旗下班女藝人，佢唔單止要陪老闆，仲要服侍埋老闆朋友。

二五有個「皇氣」朋友爆料，佢話早前有人打電話去999報案中心，報稱九龍塘某幢大宅發生打鬥事件，差人到場後，開門竟然係「V字手」，呢個時候，突然有個剝光豬女仔「V字手」身後竄過，「V字手」即時大喝一聲：「匿咩！係人都知你係雞啦！」當時班差人睇到目瞪口呆，因為個冇衫女仔就係「餐檯鹽」。

「V字手」向來衰鹹濕就係人都知，呢劑搞到有差人上門，好明顯係畀人大整蠱，不過「餐檯鹽」就慘咯！本來行乖乖女形象，自從發生呢單，成個警界都知佢扮玉女，仲要比「V字手」當場落面，真係乜尊嚴都冇晒。

咁勤力嘅吖英你

2）「大大眼」成頸「咖喱雞」任人睇

【08/22/2014】

呢排娛樂圈陸續有淫片流出，好多靚太 friend都話該煨無眼睇。唉，查實呢個圈真係乜人都有，媽咪姐睇化晒咯。好似啱啱同啲幕後人 high tea，大家傾傾下，講起上咗岸嘅影壇靚女「大大眼」，話佢 13、 4歲出道已經「一鳴驚人」喇！嗱，話說「大大眼」有次去 casting，個樣靚靚女女，好 OK㗎，但大家一望落佢條頸……嘩！乜咁多「咖喱雞」！

Well，當全世界望住「大大眼」， O晒嘴嘅時候，人哋妹妹仔不知幾咁輕鬆，完全唔當一回事，仲猛咁照鏡㖭！後生可「畏」，咪呢啲囉。

邊個係「大大眼」？
1.鬼鬼哋㗎。
2.演技 OK嘅。

今日一開波就韓紅，想呃正評？

早咗

3）「阿Ba」女神變神女

【03/27/2011】

媽咪姐有個大廚朋友，一直喺一間著名嘅食府做大廚，舊年就被上海一間食府挖咗去做總廚。早前佢返香港度假，就八咗單料俾媽咪姐聽。

話說大廚雖然大男人一個，但竟然係走純情女歌星路線嘅「阿 Ba」嘅 fans。有一日，佢收到風「阿 Ba」同埋佢公司嘅女藝人呢晚會嚟同一班商家佬食飯，大廚就預備定相機，諗住有機會同「阿 Ba」合照。當晚酒過三巡，大廚就入房同呢班客人打招呼，見到班商家佬同啲女藝人玩到興高采烈。

最嚇佢一驚嘅係，其中一個肥嘟嘟嘅男人，竟然不理有旁人喺度，大施祿山之爪揸落「阿 Ba」個胸度。嗱，「阿 Ba」向來出名係飛機場，個肥佬果然好樣衰咁話：「冇嘢揸手嘅！」大廚正為「阿 Ba」難堪時，點知「阿 Ba」面不改容，好風騷咁笑住寸個肥佬：「咁你又揸到唔捨得放手！」

大廚當堂跌爛眼鏡，心都碎埋。心目中嘅女神，原來係咁豪放嘅神女嚟！

見到韓紅已經唔使睇其他

小心畀人扑頭

未入已經知有韓紅

Live左

4）「好唱得」背妻攬女

【05/17/2013】

可能媽咪姐年紀大嘞（大少少咋），有時真係覺得圈中嘅男女感情，仲複雜過水蛇春咁長嘅報稅表囉。

啱啱啫，又有幕後線人同我講，話喺一個一般人勁難入嘅秘竇入面，見到平日以好好先生形象示人嘅「好唱得」玩得勁high，左擁右抱卜卜脆嘅妺妺仔，仲愈夜愈狂野㖭！值得一提嘅係，同場仲有同「好唱得」嘅另一半勁friend
嘅「富家女」喎。而呢位圈中人妻似乎對「好唱得」嘅攬女行為見慣不怪，自顧自同其他人猜拳劈酒，一樣 happy !

諗真啲，又係嘅，「好唱得」嘅另一半咪一樣會同其他男人出出入入。呢啲，唔通就係現代男女關係之……各有各玩？都係嗰句，媽咪姐老咯，接受唔到囉！

賭J一定有韓紅

又鹽又ba

第一層就有

5）「小山」竟然食豬扒

【09/14/2012】

近期幾位電視小生逐一被爆「雜食」，形象分跌完再跌，好多女 fans都話接受唔到喎。唉，真係傻豬嚟嘅！男人，有邊個唔鹹濕吖？好似「小山」咁，佢嘅口味仲闊到你唔信㖭 ！

有位成日去蒲嘅姊妹爆料，話有次去某私人會所式嘅夜場玩，坐咗無耐，赫然見到成日喺公仔箱擺 pose扮情深嘅「小山」出現。嘩嘩嘩，明星喎！大家梗係即刻 𥄫到實啦，而呢位紅小生用佢嘅電眼掃視咗全場一周之後，就同班friend坐咗喺一枱全女班嘅隔籬。當然，異性相吸係非常之咁正常，佢同班friend後來跟大班女仔玩埋一齊亦係意料中事。值得講嘅係，「小山」係揀咗坐喺一位噸位有番咁上下嘅女仔隔籬噃！佢用電眼狂電對方，隻手又由膊頭開始掃落條腰（嗯，即係嗰圈「水泡」啦！）仲頭貼頭影合照好 sweet㗎。

噢，不過同枱其他樣靚身材正嘅女仔就睇到有啲眼火爆，諗極都唔明自己點解會輸俾「豬扒」囉。唏，都話人哋係「雜食類」咯，耐唔耐要轉吓口味！你問佢哋有無下文？二五話嗰度好黑，轉頭就唔見咗佢哋，大家自己諗啦！

依PART一定係邊睇邊痾屎邊諗
之後痾完出嚟同屋企人討論

屌個富家女畫到一模一樣

6）「乖仔」原來好爛口

【03/22/2013】

嗱，媽咪姐同大家講過好多次，人不可以貌相，好多嘢要用時間去證明。依家，要再修正一下！原來好多嘢係要用好多好多時間，先可以略知一二咋。講緊嘅，係公仔箱小生「乖仔」！

聽個名，大家都知佢形象有幾好，入行多年負面新聞都無一單咁滯。俾人嘅印象，就係知書識禮，斯文靚仔。所以近年好多圈中姐仔「猴」住佢㗎！

不過前排坊間傳出 「乖仔」連溝兩女嘅緋聞，令呢位人氣小生嬲到出煙，仲喺朋友面前爆晒粗，連環「問候」記者。嘩！媽咪姐聽到呢度都有啲愕然！後尾再八吓，先知道「乖仔」原來一向爛口，只係平時做嘢都忍得住，但對住熟朋友就粗口橫飛，差啲仲勁過地盤咕喱㖭。嗯……果然一百歲唔死都有新聞聽呀！

屌你講粗口都寫到好似仆街咁大件事

啲插圖都算畫出腸

7）「魚仔」 暗交「海皮」

【10/05/2012】

「魚仔」係圈中有數嘅高大靚仔演員，不過佢自從同女歌手「大眼方便麵」分咗手之後，都無其他公開嘅女友，係前排俾個 𡃁模爆料，搞到有啲麻煩咁啦！

講真吖，以「魚仔」嘅外貌，仲要拍戲搵落唔少，點會無女埋身呢？而貓又點會唔食魚先？最近媽咪姐就收到單料，原來「魚仔」曾經撻着過雞仔聲歌手「海皮」㗎！嘩，呢兩個人好似風馬牛不相及，但大概七、八年前，「魚仔」仲出緊碟，梗有機會喺啲公開場合見到啱啱紅咗嘅「海皮」，你知啦，呢個圈嘅男女，感情好豐富㗎嘛，見多兩面就搞掂咗！

之不過，「魚仔」當時其實同「大眼方便麵」拍緊拖，所以佢好小心㗎，差唔多無同「海皮」出過街，次次都禁室談情，只係同圍内幾個 friend晒過命，話自己冧掂兩女話咁易。

咁「魚仔」同「海皮」呢段孽緣又keep到幾耐呢？咪又係幾個月貨仔！男嘅四圍雜食之時，女嘅電力都唔弱㗎嘛，話咁快就撻着合作拍戲嘅「大鼻」啦。所以話呢，大家睇圈中戀情真係唔好咁認真嘞！搵食男女，各取所需啦。

Sa？