嚴選三十大考古娛樂雜誌暗名爆料

17）「好好笑」「萬人迷」玩兩皇三后

【08/09/2013】

媽咪姐搭的士嗰時最鍾意同司機大佬傾吓偈，仲聽埋聽埋唔少勁料㖭！好似最近就有個司機哥哥爆咗單料，聽到媽咪姐眼都大埋。
 
話說好幾年前，司機哥哥收到的士台 order，去中環接客。當兩男三女上車坐定定，司機哥哥望一望，嘩！不得了！唱得演得嘅「好好笑」坐喺車頭位，而眼神殺晒嘅「萬人迷」就同三位講普通話嘅佳麗身貼身逼晒喺後座，好鬼親熱。


好明顯，呢兩位影壇小生已經醉咗，「好好笑」全程不斷撩司機哥哥講嘢，口水橫飛，而「萬人迷」呢，原本眼神已經夠犀利，嗰刻就更加迷離，電到三個北方佳麗不斷黐住佢，連體嬰一樣！


Well，大家係咪好想知佢哋最尾去咗邊呢？唏，月黑風高，夜闌人靜，梗係返屋企啦！佢哋仲要一行五人返晒「好好笑」間豪宅㖭。「兩皇三后」做咩好？哦……可能睇吓粵語長片研究演技，或者捉吓棋，嚟場中港大戰啩……
 
邊個係「好好笑」？

1.新聞多，有啲仲大大鑊！
2.傷透女人心，但近年結咗婚乖咗！
 
邊個係「萬人迷」？

1.電視出身
2.都唱過歌㗎！

似大哥？

鼻高=楊怡？
講唔正是誰

18）「紙板」妄想被害勁小家

【06/21/2013】

媽咪姐成日同啲世姪女講，做女仔嘅，樣靚固然係 good！但其實個格仲緊要囉。
 
好似最近就聽到單八卦料，話說有記者朋友有次奉公司之命，搵影視女藝人「紙板」問回應。點知都未開口講第一句說話，呢位出名麻煩嘅姐仔已經好惡咁話：「你唔係搞我呀嘛？」然後就怒啤嗰位記者仔。嘩！使唔使咁快起晒槓先，查實記者又唔係撩啲乜嘢緋聞。

好嘞，當「紙板」聽完問題，知道都係啲正常嘢，終於唧番兩粒笑容出嚟，真係唔該晒！

不過呢，個故事未完㗎噃，記者朋友問完回應，返公司坐低唔夠兩個鐘，電話就響嘞！一睇，竟然係一個十年唔聯絡、同「紙板」相熟嘅記者行家。大家問候兩句之後，行家就入「正題」，不斷旁敲側擊、反覆追問記者朋友點解搵「紙板」問回應，又問打算做乜嘢題目？ Well，結果梗係乜都問唔到，無功而回啦！洩露「公司機密」？博炒咩？

嗱，媽咪姐只想講，做人最緊要大大方方，背後做咁多小動作，只會令人諗到三個字：身有屎囉！
 
邊個係「紙板」？

1.唱過歌㗎！但難聽
2.試過同前度互數

睇圖似肥9

江？

那誰？

19）「好好笑」「細細粒」為$200炒大鑊

【08/03/2012】

大家見到呢條題目，係咪都有啲R頭，唔明兩個明星點解為區區＄200而嘈交呢？呢個世界，咪就係愈有錢嘅人愈緊張啲錢囉！

好似「好好笑」同「細細粒」呢單料咁，其實發生佢哋仲係情侶嘅時候。嗰時「好好笑」喺影壇已經獨當一面，套套戲都大收，但「細細粒」呢，只係入行幾年，憑住嬌俏樣同逼爆身材，殺出條血路，但搵得唔係多。所以兩個人
因拍戲撻着之後，女方就成日住喺男方屋企，既可以keep住見，又可以慳番啲燈油火蠟錢，good啦！

之不過，唔知係咪住到熟咗，有一日「細細粒」見自己銀包無錢，咁啱男友又出咗去開工，就好順手喺「好好笑」屋企擸咗$200走。噢，咁就出事嘞！大家都知「好好笑」出名睇錢最大，屋企無啦啦無咗＄200，佢一返
嚟就發現，仲即時捉咗屋企個「賓賓」嚟審問。可憐嘅「賓賓」喊晒口話唔關佢事，仲嚇到騰騰震。

最後，以「好好笑」咁精明嘅頭腦，當然搵到「真兇」！佢即刻打電話去狂鬧「細細粒」成半個鐘，自此對呢位索女友嘅印象亦大打折扣，無幾耐就分埋手㖭。係，你可以話「好好笑」孤寒，無咗＄200都咁緊張！但媽咪姐覺
得「細細粒」唔聲唔聲喺人哋屋企攞錢又真係唔啱喎。拍拖還拍拖，做人處事，幾時都係均真啲好！

大廚係邊個

至尊寶？

20）「勤力王」手指撩牙嚇窒你

【11/09/2012】

媽咪姐成日同啲妹妹仔講，明星偶像喺電視雜誌睇就好嘞，千萬不要近距離接觸。因為失望係一定嘅，分分鐘仲會嚇鬼死你！


求其舉個例吖，迷倒萬千熟女少女嘅大明星「勤力王」睇嚟型英帥靚正，但有次佢同幾個名人齊齊去富貴飯堂開餐，真係令人大開眼界！首先當人人用刀叉慢慢切開隻4頭鮑品嚐嗰時，佢一手拮起隻鮑魚，就原隻擺入口，再猛力吞嚥。然後，一碗天九翅送到，「勤力王」呢次仲勁，「sir sir聲」扒晒入口，唔知仲以為佢喺街邊食緊車仔麵，驚走鬼㖭。


不過，好戲永遠在後頭嘅！嗱，以「勤力王」呢個劃時代嘅食嘢速度，當然話咁快食完餐飯，跟住佢就好自然咁伸出嗰隻平日揸咪揸槍揸筷子嘅右手，插入牙縫中間，好熟手咁撩番啲殘餘嘅鮑參翅肚出嚟。


Oh！My God!大家要知道，呢位萬人迷係喺無遮無掩、眾目睽睽之下做出呢個動作㗎。而同枱嘅名人可以點呢？咪扮睇唔到囉。順帶一提，出名自律嘅「勤力王」好有「手尾」㗎！撩完牙，就順手將指甲上嘅食物殘渣抹喺枱底。噢！媽咪姐忽然無晒胃口食飯㖭。 

咪真係大廚

妍

唔通係朱茵

暴龍？

咁快開估唔好玩

21）晨早搞「蒲友」「小甜甜」假純情

【03/08/2012】

近年樂壇無乜睇得吓又唱得吓嘅新人，所以「小甜甜」都算幾快上到位。人紅咗自然想繼續紅落去，所以佢對感情事好小心，成日話無拖拍，免得啲男 fans呷醋嘛！不過咁，早前「小甜甜」就俾人影到同「蒲友」拖晒手返香
閨，無得再抵賴。跟住佢哋就對外話大家撻着無耐囉，但實情呢，有圈中二五爆料，幾年前佢哋就巳經搞埋咗，仲搞到差唔多全世界都知㖭！

話說嗰時「小甜甜」做緊「小虎眉」助手，不時要陪老細出入排舞室練舞，咁「蒲友」嗰時又練緊舞等出道。嫩男少女，眉來眼去，一拍即合，不時夜媽媽兩個人留喺排舞室談心。但估唔到嘅係，「小甜甜」同「蒲友」搞埋無
耐，大家就喺排舞室嘅垃圾桶有大發現，就係用過嘅避孕套嘞！

查實呢啲咁污糟嘅嘢，大家都唔係有心要睇，只係咁啱個垃圾桶係無蓋嘅，而呢對「乾柴烈火」又鬼咁無手尾，紙巾都無包一張，求其將個用過避孕套丟喺垃圾上面。

唉，平日見「小甜甜」好純咁，真係諗唔到係咁 open。唉，始終係女仔人家，俾人唱就唔好，希望佢依家識檢點啲啦！

無人估嘅

張圖畫到咁好難認唔出

22）「六港星」吸毒實錄

【04/24/2011】

1.女星 A：毒水壺隨身寶

女星A係出名毒后，佢誇張到喺片場度，將毒品溝水放入水壺嚟飲，而且男女關係都亂七八糟，當年佢同奀星拍拖，去酒吧貴賓房消遣，撞到女星A好仰慕嘅當紅男星喺隔籬房，女星A趁男友行開即刻去搵 high緊大麻同K仔嘅男星，女星A唔只食埋一份，仲情不自禁咀起嚟，奀星見到咁情況梗係即場同女星A分手啦！


2.男歌手 B：狂索粉流鼻血

幾年前有一位花弗男歌手B本想開演唱會，但結果當個騷樣樣嘢都籌備得七七八八嗰陣，就臨時取消咗，好多人唔明點解個演唱會要取消，但據知情人士爆料，原來取消嘅原因係男歌手B吸食可卡因過量，令到佢嘅鼻內膜傷晒，成日流鼻血，把聲都唔掂，結果佢公司就只好取消幫佢開演唱會。


3.男歌手 C：大麻香玩遊戲

有位已婚曾紅過嘅男歌手C，咪睇佢平時唔聲唔聲，真係嚇你一驚，原來佢喺屋企收埋咗好多大麻，有次朋友上佢屋企玩，佢提議玩遊戲，呢個遊戲需要燒香，但佢屋企又冇香男歌手C竟然攞咗一個大木盒出嚟，裏面裝住成盒大麻，然後用張白紙嚟捲大麻當香用，就係咁佢一晚就燒幾支大麻香。


4.影帝 D：住家淫亂派對

影帝D上咗毒癮後，佢成日請好多朋友返屋企開毒P，佢同女友每次都準備大堆大麻、 K仔同開心果去招呼朋友，仲溝埋威士忌一齊 high，次次成班友都嘈到拆天，搞到鄰居怨聲載道，但佢依然懶理，得閒就請埋幾個二、三線明星朋友喺屋企「開飯」，有時神志迷迷糊糊時，仲玩調轉情侶嚟親熱，男女關係搞到一團糟。


5.電視小生 E：警局附近開餐

電視小生E原來都沉迷毒品，好多圈中人見過佢 high嘢，索 K、冰乜都有，有次佢去公開活動，鼻哥仲留有白色粉末，可想而知佢吸得幾犀利。電視小生E專去朋友開嘅餐廳私竇 VIP房吸毒，一來有熟人把風，二來呢間餐廳嘅所在地竟然喺正差館附近，人哋話最危險嘅地方就係最安全嘅地方，電視小生都算沙膽啦。

牛華？出名勤力

擺明係條撚樣，都唔知佢成日仲留係cctvb做乜9