良心AA 您問我答 35

係
工作量大，但真係0收成
因為好多同我睇樓嘅客，我都刻意壓住佢地
除非你係換樓一換一，否則真係等一等，唔爭在果一星期

佢真係轉向的話，可能市場會即時轉風流唔出奇
到時可能真係要買家追一口價
但呢一口價可以令你見到明確方向Signal，當買個保險無壞


希望我宜家㩒住佢地，佢地唔好中途走左去搵其他Agent

晉海我都聽講過有人話佢係新鴻基出品入面，較為多瑕疵果個
但我都覺得佢好過其他好多

其實依家都已經流出左消息？
放寬印花稅，但只限黎香港定居一定年數嘅專才受惠
唔全面取消嘅話就唔會突然湧出一大班大陸人落黎買

係唔知佢仲有無其他招
我覺得放寬印花稅其實意義其實唔算十分大

如果照佢流出嘅講法
個概念其實有D似先買後賣，都係要先課金，到期再拎返
你話佢有無幫助？有嘅，但未必想像中咁大囉
有幾多個會肯咁樣先拎筆錢出黎責幾年後先拎返？
（當然，呢個只係根據流出講法嘅推測，如果佢唔同玩法，出黎結果又可能唔同）

老實講
其實政府真係好pk
樣樣都可以跌
點解樓價就唔可以跌
一跌少少就要放寛
仲要係特定專才
香港人個個都有住屋問題
憑咩要益外人

因為令市民身上一堆負債有利政府統治
唔聽話就令你無份工 call你loan
不過香港既息口唔係政府話事 係鮑威爾

政府角度，賣地收入佔嘅比重太大，係佢地主要收入來源
變相樓價係香港其中一個經濟系統入面，其中一個超級關鍵超級核心
所以乜都可以死，乜都可以斷，但樓價唔可以冧

原本BSD係自由市場就唔應該存在…依家只係部份還原番正常市場，仲有其他特別印花稅存在。不過呢個時勢放寬BSD，都未必可以推升樓市，頂多減慢跌勢。

其實比起完全撤銷bsd,
淨係對專才放寬個影響其實已經細好多,
起碼唔會有批唔係住香港嘅大陸人黎掃貨
對政府黎緊呢個方法又可以吸引到人才, 補充到缺失嘅勞動力

但其實佢所謂嘅專才，其實都只係大陸人
我真係好少見外國人過黎香港人做野會買樓
佢地絕大多數都係租D 地花天花特色單位

對比上海好好多架啦，有好多上海人想落香港做野，你經歷過上海封城就知有幾撚痴線

大陸人貪香港passport 出入境冇問題 轉錢走冇問題 同埋稅低方便儲錢 當跳板咁
有啲 nds 都同我講香港起碼冇大陸咁多限制 國際化啲

真 但係唔取消 ssd 似驚19 20年業主集體出貨

巴打果然有良心
應該唔少aa 有生意就成交咗佢算 唔諗後市

樓市對任何一個經濟都係重中之重，尤其香港同大陸呢類極度倚靠賣地收入嘅政府。樓價跌得太多會對經濟面對好大威脅：

- 政府賣地收入減少，赤字增加；
- 失去財富效應，市民減少消費，影響經濟；
- 抵押左比銀行嘅樓嘅value減少，影響銀行同金融穩定，好多企業尤其中小企係好依靠物業黎融資，樓價跌到銀行真係call loan嘅話中小企一定係第一批頂唔住。

香港依家已經分左兩類住屋問題，樓係比高收入嘅人去買，低收入嘅難聽d講句樓價跌左佢地都冇錢買，政府嘅strategy係靠增加公營房屋幫低收入個批，靠穩樓價去維持高收入個批嘅財富效應，所以政府係唔會用樓價跌黎解決房屋問題。

明白

我朋友親口講之前上海做嘢，有日同老婆行商場，突然間要圍封檢測，結果原地係商場隔離左兩日兩夜

前幾日同上海同事開video con佢先呻仲封緊城

我覺得應該唔止放寬bsd呢招

巴打果然係良心agent，下次買或換樓搵你幫手。

我估30/35歲以下大幅減低avd

一星期後知派彩