良心AA 您問我答 35

除非好想要個露台

好似都係望將南個便既單位 唔係山景個便 優質單位從來都係硬

山景反而差啲咩？ 唔係山景先硬？

望將南方向可以望埋海+少少綠化
維景個山景個人覺得望出去有d悶
但有個別山景單位既露台好似都望到海

如果係好近既純山景 的確係有啲悶/壓迫感

如果見唔到天嘅近山景，其實唔係想像中咁好

又有白撞 AA 打黎問我跑道新盤

要谷啦，d蟹貨盤愈積愈多

果個新盤好似係向海？
係嘅話，反應應該會好小小

聽到個發展商個名就唔開胃

諗住租住先睇下體驗如何再買
短租6個月左右難唔難搵
大a係咪唔做

短租難搵
大舖都會做，問題係有無盤

你要預左好殘，條件好差嘅業主先會考慮短租

因為正常業主投入左翻新成本，俾你一份短租住殘佢
佢無理由短租完再執咁on9

其實呢排發展商想出貨平左好多，我啱啱入左件，都想聽下意見，雖然已經沒分別

佢普遍嘅一手貨尾減完都仲係好貴
係連天台嘅特色單位個價相對合理小小
不過叫做payment terms果邊多野玩，就到買家

其實發展商都keep住出到貨，最近一個月都有四、五件貨尾賣左

枕住有貨出到，成績好過好多一手貨尾
Btw恭喜巴打買到心頭好
宜家Gym Rm好似加左價？

呢排減價先買，仲未入伙，唔熟gym rm收費

好奇想知點解會想搬去觀塘 全港數一數二垃圾廢老區

一、屋企有BB需要我父母幫手照顧，BB太細個信唔過菲傭，而父母本身住觀塘，你可以當係觀塘嘅分支家庭。二、觀塘地鐵返工都好方便，中環港島東九龍東嘅辦公室都好快到。三、本身揸車，觀塘其實揸車去邊都好快。四、觀塘越來越多商廈、商場，觀塘重建第四區第五區有二百幾萬商場加辦公室，巧明街98號又有多一百幾萬呎商場加辦公室，如果呎價合適長遠有一定嘅升值潛力，而且因為有好多人租跌市防守力會好啲。五、作為社畜唔係返工就放工，放假又揸車周圍去，其實觀塘區多唔多廢老對我冇乜影響。最衰係觀塘校網唔夠好。結論係百貨應百客

三 我有D保留，觀塘老母就大家都非常了解
渣車人士住觀塘應該係惡夢

反而係D人話返工收工時間地鐵多人
我想講…
人地落車去觀塘返工時，你上車離開觀塘
人地收工離開觀塘時，你收工返觀塘
根本完全唔會影響你返工放工
其實觀塘上下班多人，對呢區住客先最無影響

其他點基本同意

我理解觀塘應該係工廠區商業區嗰邊會塞車啲，繁忙時間凱匯停車場出嚟個位好似還好吧

迴旋處果個位一到繁忙時間都係塞

地鐵多人唔緊要 觀塘d街真係逼到。。。逼過旺角 你放工番屋企有時都要去超市/店度買野 咁逼人都癲