有冇人有間歇性抑鬱病？

係呢個po見你地分享
見你地都仲會努力生活覺得好好

好奇大定係咪都曾經一啲事令你有抑鬱
之後件事擺脫咗 慢慢好返
自後就會間歇性會唔開心
好似個腦自動提你要唔開心咁

多謝你咁長嘅回覆

字眼上，改善或者推動你覺得用得唔好，咁係大家用詞習慣，我都冇咩好討論

情緒病同精神病好似傷風感冒甚至其他嚴重疾病，都係病嘅一種，有啲時候唔係單單靠意志可以好，我想提出嘅係，唔好標籤藥物

1. 藥物有副作用，每一隻都有，但唔一定係令人痴呆同hang 機，你朋友嘅經驗，唔等於所有人

2.藥物係輔助，但有啲抑鬱症患者，可以食半年已經唔使食藥好返，有啲可能需要長期食再加心理治療同界入，人人唔同

3. 治療情緒病唔係網上講兩句就會好返，病向淺中醫，如果拒絕尋求專業人士介入，病情惡化咁好咩？

4. ssri 令人重拾動力嘅例子好普遍，但有動力使唔係會去行山去做其他活動，的確好睇人，所以我從來冇話藥係唯一，要加埋心理治療，朋友，家人關懷，只係想大家唔好當藥係毒品

至於你用興奮劑做例子，sorry，興奮劑唔會用作治療情緒病，抗抑鬱藥唔係興奮劑，呢點請你搞清楚，連用咩藥治療，有咩療效都唔清楚，就話將治療用嘅藥同毒品或者其他藥擺埋一齊，咁太武斷

最後，我舉例要食抗抑鬱20年大有人在，係想帶出復元嘅個概念，復元唔係復原，學習與情緒病共存，學習與負面情緒相處，並接受有需要藥物輔助，過自己嘅人生而唔係自我標籤

或者網上比建議教人，好似做他人嘅人生導師好有成功感，但有啲情況，唔係就咁講兩句就要解決到個情況，三思

另外回覆埋

唔係藥物推大病人嘅動力，藥物只係改變佢哋嘅身體物質狀態，降低左佢哋一啲腦內物質，以生物科學嘅角度去企圖平衡返腦內物質，企圖用呢種手法令一個人「回復正常」
但正常動力係來自人嘅內在


SSRI唔會降低病人嘅神經遞質，相反係令到血清素（神經遞質）嘅濃度增加，再準確啲嚟講唔係增加分泌添，係減少再吸收。

我哋對精神病同情緒病嘅認知都係基於科學（心理治療，認知行為治療都係科學）
你所講嘅正常動力係來自人嘅內在我同意，但抑鬱症患者完全失去動力你見過未？冇動力到自理都成問題，唔通單靠口講兩句就會有返動力？

至於對藥物嘅期望，呢點好多醫生都冇講清楚係真，抗抑鬱藥唔係興奮劑，唔會令人開心！請緊記。

佢會我哋俗稱推高病人嘅動力，而唔係情緒。一般要連續食2至3星期，每日準時食先會開始有效，效果唔係即時。

中間食吓唔食吓，效果會差

我諗討論藥前，有一啲基礎都想你知道

的確，網上比建議教人，好似做他人嘅人生導師好有成功感，但有啲情況，唔係就咁講兩句就要解決到個情況，三思

所以講野之前最好諗清楚，
同埋唔好只以自己角度去睇事情

「我哋對精神病同情緒病嘅認知都係基於科學（心理治療，認知行為治療都係科學）
你所講嘅正常動力係來自人嘅內在我同意，但抑鬱症患者完全失去動力你見過未？冇動力到自理都成問題，唔通單靠口講兩句就會有返動力？
至於對藥物嘅期望，呢點好多醫生都冇講清楚係真，抗抑鬱藥唔係興奮劑，唔會令人開心！請緊記。
佢會我哋俗稱推高病人嘅動力，而唔係情緒。一般要連續食2至3星期，每日準時食先會開始有效，效果唔係即時。
中間食吓唔食吓，效果會差」


你自己對精神病同埋情緒病嘅認知限於 現代科學，
但唔等於其他人都係

作為一個有一定程度抑鬱症過來人，
淨係見到你而家不停咁支持食藥
又話藥物係可以推大病人嘅動力等等……
「但抑鬱症患者完全失去動力你見過未？冇動力到自理都成問題，唔通單靠口講兩句就會有返動力？」
*直頭長時間體驗
其實有冇諗過你咁樣表達出嚟，
你本身對於抑鬱症呢樣嘢存有高度嘅情緒反應？
呢度好似冇人講過單靠口講兩句就會有返動力，
點解你會有呢種諗法？

同埋我冇話興奮劑係對醫生會處方對治抑鬱症嘅藥物
只係純粹想表達出個核心
當然或者你get唔到，冇問題
又或者我嘗試諗下可以轉另一個例子，
減低他人對當中嘅誤會


我上面曾經講過有需要例如控制唔到自己，
咁真係有需要用藥物去處理.
但唔係叫人中間食下唔食下
唔知點解你會有呢種諗法從來都冇鼓吹呢樣嘢
如果講一句說話，可以令你聯想到去另一句說話，
咁真係唔好意思

食藥係其中一種選項
需唔需要食，係醫生同病人嘅共同決定

如果治療冇科學基礎，不如我哋返返去求神問卜？

對抑鬱症存在高度情緒反應....呢句語意不明，或者係你嘅自我投射？

如果你正經歷長期抑鬱，鼓勵你尋求專業協助，當然如果你認為現況ok, 維持現況都係個人選擇

保重

我明白你嘅角度，
因為曾經我都係一個支持食藥嘅人

同埋如果你有睇我之前嘅留言，應該都知道我有鼓勵有需要嘅人可以尋求專業協助，無論係睇吓輔導或者做催眠都好，最緊要係自己感覺舒服

我睇返你曾經出個post，原來你都係一個過去有情緒病嘅巴打 希望你而家已經冇俾情緒嘅問題受影響，可以生活開開心心
根據你嘅經驗，
過去可能你的確靠藥物幫左你好多，
不過唔係個個人都真係可以靠藥物舒緩到個情況或者改變到個情況

科學有好多嘢都係從驗證開始，然後就研究
我哋可以選擇將自己嘅眼界規限喺現代科學範疇，
但都可以選擇將自己嘅眼界擴闊去其他範疇，唔係即刻叫你去試，但你可以選擇開始留意吓，做吓資料蒐集，參考吓其他人嘅做法，自己去分析判斷

再講，唔知你有冇留意，求神問卜/宗教真係可以協助到唔少人嘅心靈需要 有啲人係可以祈禱一邊講一邊喊，但係佢哋喊完之後個心舒服咗好多，屈住屈住嘅嘢都叫做舒緩左，而且佢哋嘅朋友係會願意傾聽，接納佢哋嘅不安恐懼，陪伴佢哋一齊面對內心嘅需要 人間有愛


有啲嘢觀察到再講出嚟，唔一定係自我投射
每個人都會有屬於自己嘅時機 去面對自己內在嘅問題
BTW thanks for sharing

係唔係又點啊九唔搭八 係囡就留個tg比你dm定點撚樣

1 3 4 5一樣
咁係咪證明我都係白卡仔？

咁嘅人你仲接受到嗎