連登都有好多好有愛嘅巴打絲打
有時回覆人哋嘅情況，
都係自我成長/反思嘅一個途徑，
又可以睇多d人地諗野嘅角度，
真係利人利己
好欣賞你呀巴打
「我成日覺得人最緊要搵到自己嘅使命，之後喺嗰個領域發光發亮，過好自己嘅人生，唔一定對世界好有貢獻，但唔好傷害人同地球先」
真係講得好好！ 好欣賞你 同 贊成你！
有d感動見到有人講呢番說話
內心有d觸動。
所以巴打明明對自己生命咁有熱誠，
應該多d欣賞自己一直以黎ge努力同成長，
感謝自己有呢d諗法
希望依家嘅你搵到自己嘅使命
努力實踐緊
—————————————-
「愛情友情呢啲就順其自然，唔會特登追求，都唔會擺太多時間喺上面。」
「所以而家一有少少感情煩惱，就覺得自己好無用，明明一直相信嗰套係感情唔重要，唔應該係生活重心，但偏偏情緒就好俾感情生活左右。」
每樣嘢都會有個starting point,
就好似bb一開始學行路咁，
都會碰碰跌跌，
過程中會練習同學識唔同嘅野，
例如平衡感、全身肌力發展、方向感、手腳協調等等
咁巴打一直以黎努力專注係其他範疇，
時間同注意力投資左係使命上
冇踏足過感情事，
對感情事冇經驗同知識，
就好似bb仔學行路咁，
會為此而煩惱咁都好正常呀～～～
你嘅努力成就今日嘅你呀
好叻仔架啦！
多d客觀去睇自己啦
我覺得你好有用
食飯你覺得重唔重要？
你唔食飯係會肚餓，個肚會咕咕聲
咁都係會影響到你嘅生活，
咁你係唔係又會覺得自己好冇用
食飯又真係 唔係生活重心，
不過係你生命嘅一部份，會影響到你日常生活
甚至有啲人會因為肚餓而發脾氣添
感情事係生活嘅一部分，
你覺得佢重要，咁就自然重要，
你覺得佢唔重要，咁就自然唔重要。
依家你嘅以往信念係：
感情唔應該生活重心，一啲都唔重要，更加唔應該影響到情緒。
換言之，
你比自己嘅信念限制咗
冇容許自己更新信念
因為而家事實上你的確為咗感情事而煩惱，當然都有為工作而煩惱。
但係主要問題係，
呢啲新接觸嘅嘢會令到你煩惱，
而且係同過往嘅信念有所違背，
就覺得自己好冇用，
對自己作出一啲主觀性批評/批擊，
咁樣係自我毁滅嘅一種
又如何發光發亮呢？
唔容許自己當下嘅生活 同 過往信念 有所違反，但 事實係你真係care感情嘅事，證明係時候對自己嘅價值觀/信念/思維作出更新
萬事萬物每一刻都變緊，咁你仲捉住舊嘅信念價值觀 去面對眼前嘅生活做咩呢？ 應該係迎合將要改變嘅全新嘅自己
—————————————
「不過佢份人收得好埋，我又唔會問太多人哋啲嘢，不竟佢唔係我女朋友，無權過問，都想尊重佢嘅空間同私隱。
如果佢鐘意嗰個男仔，希望佢會幸福不過我暗地裏會覺得自己好無用，我諗呢個係我焦慮其中一個原因」
有少少唔明白點解佢鍾意個男仔，
就會令你覺得自己冇用
係因為認為個女仔會鍾意個男仔係因為佢工作上表現得好？所以自己未能得到佢嘅歡心，代表自己工作上表現就係唔好？
—————————————
「4. 我諗自己算比較自卑？應該係童年環境造成，就算自己客觀上唔錯，有努力過，都成日覺得好多人好過自己，所以會成日迫自己，因為我知道自己要進步。
進步唔一定係搵更多錢，可以係眼界同知識嘅增長，我會擺好多時間喺呢啲嘢度，好怕自己進度太慢，唔夠人哋快」
巴打，
人比人比死人呀
以前經常有人批評你，話其他人做得好過你？
你知道自己要進步，
咁你行動上努力進步，
抱持努力向上嘅心態，
有呢種種嘅表現已經好好啦
見到你咁樣話自己…….
要自卑嘅人係我
要反省嘅人都係我
你迫自己，就可以進步得快啲？
你迫自己，就可以距離目標更進一步？
你知唔知依家啲家長要啲小朋友學習好多好多嘢，
就係為咗佢哋以後嘅生活可以好，
物質上可以豐盛，可以唔使做窮人，
可以唔使做社會上資本家嘅奴隸 等等
但問題係，有冇問過小朋友係唔係真係開心？
或者客觀啲嚟睇，
佢哋嘅技能同埋學識真係幫助到佢哋進步，
不停咁邁向目標
要做得比人好，要做得比人快，要快啲出人頭地
過程當中，
已經遺忘咗學習嘅樂趣，
忽略咗自己嘅心靈需要，
唔記得咗所謂嘅好同埋進步，
應該係要包括埋自己嘅內心是否感到開心，是否圓滿，內心是否成長當中，生活是否幸福美滿
所以，有好多人都以物質作為目標，
一味求進步，忽視左內心需要，
社會上充斥着各種嘅情緒健康問題，
呢啲嘅問題更加製造左一個惡性循環，
更甚成日都有人自殺.
進步當然唔一定係搵更多錢，
眼界 同 知識嘅增長 真係好好，
擺時間喺呢啲嘢度亦都冇問題，
不過，
點解自己嘅核心，
要放喺好怕自己進度太慢，唔夠人哋快？
懷抱着恐懼去迫自己前進，你開心嗎？
咁樣會變成身心唔平衡
要自己好似人哋咁快做咩？
進度慢，就會比人哋拋離？
你嘅人生路線，同人地嘅人生路線係一樣？

不過我暗地裏會覺得自己好無用，我諗呢個係我焦慮其中一個原因
