有冇人有驚恐症(圍爐）

好多google文章講任何痛症/唔舒服/症狀都會拉到去cancer到，其實只係一門生意，目的係想你畀錢去body check。

太驚可以去睇信得過嘅家庭醫生先，醫生建議你去body check先去，信醫生好過信google

有冇見過臨床心理學家
驚恐症算係治療效果比較明顯嘅心理病

過程真係下一秒就有人拍醒你？

排公立精神科啦，預咗排好耐但係好多醫生或者臨床心理學家都唔差

再唔係自己search 下點醫...
簡單嚟講驚恐症係每次身體唔對路就緊張，越緊張就越唔對路，變咗惡性巡環
你要做嘅係明白呢個係心理作用，練習下迫自己心跳同呼吸加速（例如用飲管呼吸，做劇烈運動，做啲令自己緊張嘅嘢）同時練習放鬆
練得多習慣咗嘅話，下次身體再唔對路嘅時候你都可以放鬆個人

前題係check 咗知道自己唔係其他生理上嘅病

我都有但慣左就由自己攤喺床，同自己講「要死就死」

另外急症室醫生轉介左我睇政府既精神科
跟住既地區去分 我派左去青山醫院
睇戲睇得多 現實入到去只係普通診所咁
有好多人等緊睇/拎藥
第一次去係問下你狀況 同埋排期
我等左三個月先正式第一次見醫生

好處係平 學生可以試下呢個方法
壞處係等好耐先排到期 你要捱到有得睇(有藥食)
同埋半年左右(?)先覆一次診
冇得因應你情況去調節藥量

私家就貴 但快 診金$1000起 藥就睇你食幾多種而計價錢
兩/三星期覆一次診 對你情況跟得貼啲
但精神科醫生只會開藥
如果想傾計個種要搵臨床心理學家
又或者其他機構都有類似服務

有試過 賽馬會情緒gps心理支援計劃
係靠你自己練習+學習同情緒病共處
大家可以睇睇

每個人都唔同 睇你情況嚴唔嚴重
一開始每日食四次藥 每次有五粒左右
到而家每日食三次 每次兩粒

我自身嘅經驗係
腸胃唔好都可能係同情緒或者壓力有關
例如係去到新環境/有啲難以面對嘅情緒/壓力大
腸胃就會開始唔舒服 會有好多氣
又會有好多胃酸 冇胃口食嘢 仲會反胃作嘔
只能夠食容易吞嘅嘢果腹 餓唔死就算
最極端嗰陣 仲會有腸易激
啱啱食完野 幾個鐘頭之後就會肚瀉

因為自己成長嘅經驗 我好容易驚同擔心
亦會有panic attack同唔同嘅anxiety
一直以來身體都成日有啲輕微程度嘅唔舒服
我以為係我個人身子弱 又冇好好照顧自己
但到近年先了解到
可能呢啲都係一啲身心症反應

早兩年有焦慮加驚恐，個排壓力有啲大，生活又唔健康唔夠瞓，之後頂唔順睇咗醫生食咗一年藥好咗好多以為自己好返晒，但之後停咗藥一年啲感覺開始返嚟。

之後我上網睇咗好多相關資料就明白其實藥物都只係輔助，最後要真正好返其實都要靠你自己。咁當然如果你真係好唔舒服我都建議你去睇醫生因為食咗藥真係會好好多，起碼唔會再惡化，煞停咗你個病情先。冇乜嘢做嘅話介紹你睇本書《精神焦慮症的自救》好野嚟！

我成日會冇啦啦panic attack ，但係冇原因
我早幾日返去公立覆診嗰陣我有問個醫生我係咪panic disorder

結果比個醫生diu 冇原因係唔會有panic disorder
但係我自己都搵唔到原因

巴打 我明白發作時嘅感受
其他人未試過好難明白
利申：患上呢個病差不多一年 穩定康復中

我都有，幾年前病發，依家已經好返好多
依家睇返發作時最緊要控制好呼吸個規律
避免過度換氣，同埋話畀自己聽都係假象
如果真係有事就唔會有機會比你擔心，
亦都可以話要直視死亡唔好驚咗佢
巴絲們共勉之，大家都唔係孤獨㗎

杞人係咪驚恐症嘅第一個病例

樓主我兩年前喺巴士上邊第一次驚恐症發作，本身㗎巴士好多人，我無端端有一個諗法就係自己會暈低然後開始全身發熱以為自己心臟病發作然後突如其來一個超驚恐嘅感覺。落巴士之後以為自己真係心臟病之後去body check。
好彩個心冇事，之後做啲research就知道係Panic attack。
之前有一晚瞓喺度扎住隻手睇戲，隻手開始麻痹又以為自己係個身體有事，之後又tigger到。
驚恐症真係試過嘅人先知咩事嗰種感覺恐怖到阿媽都唔認得

有咁多時間亂諗野不如拎啲時間去搵錢
祝你早日離開香港 個病不藥而癒