有冇人有驚恐症(圍爐）

六年前第一次驚恐症發作，事源係睇過一篇文話夜瞓嘅人會容易捽死，所以我12點前就會瞓覺，但一瞓唔著個人就會開始驚死，然後第一次嘅驚恐症就發作，個陣以為自己有心臟病，發作病徵係 隻手麻脾，個身不自覺地震，有時心口唔舒服，同暈暈地

中間有段時間大約一，兩年係無發作過，但自從疫情要谷針後又發作打完針直頭係驚到瞓唔到，發作嘅頻率越嚟越多，可以玩玩下手機就發作，特別係好靜嘅環境，但我知道係心理作用，又唔會死，所以我都盡量去控制自己。講真如果我真係physically有病，六年前一早瓜咗，所以都盡量同自己講唔會死，不過有時真係好難控制

發作最恐怖就係有種抽離感，個身突然發熱，好似去咗一個emergency 嘅狀態，超唔好受有時又成日忍唔住check自己心跳，真係好煩，宜家已經戒緊

我覺得個啲成日講點點點又會有咩病咁樣嘅文章，係真係好誤導人，又唔講係長年累月，好極端咁做某樣野先會有病

推

推

其實我覺得呢種病係要有嘢Trigger到先會發作，不過好好彩Trigger到我嘅嘢我已經一世都唔會再遇到，希望樓豬早日好返

另外我以前有食鎮定劑(Flupine)，食完感覺真係好好多，但當藥效一過，Panic Attack就會更嚴重，所以建議未到頂唔順都唔好食主

祝福樓豬

我覺得生活環境個種壓抑都好影響，有能力真係好想移民

推

希望樓主快啲好返

有時真係忍唔住好想睇醫生

真心唔應該睇咁多呢啲文章

我都明，但好多時控制唔到
啱啱肚腩有少少刺痛又驚

我以前都睇，但宜家都睇少好多

有，尤其最近轉工，標晒冷汗

以為自己開post同我以前一撚樣
果陣差唔多每兩個星期就睇一次醫生 睇撚到個醫生都話我其實唔洗成日檢查
成日一心跳快就好想call 白車
試過食食下飯都黎料忍唔住call 左白車 一上白車就冷靜番無事
其實樓主知唔知係心理問題（壓力之類） 定真係random 無原因
如果係後者又好影響生活可以去搵醫生做心臟導管消融

第一次發作係有原因，之後個啲應該係random

原來你無睇醫生
不如去睇醫生聽下佢有咩建議比到你
睇下藥物可唔可以減少你嘅痛苦
我諗靠自己好返有相當嘅難度

因為我發作原因主要都係亂諗嘢，控制到應該就得

你收撚皮啦

完全明啊, 又係因為谷針搞到情緒好唔穩定, 但未去到樓主咁嚴重訓唔著

除咗睇情緒科醫生開藥食+心理輔導, 令我好D既方法係同屋企人講個感受/情緒, 講出黎令我平靜咗

我試過俾隔離屋個阿嬋拍我門
佢話好驚咁我開門睇下乜事啦
佢衝左入黎我間屋
我叫佢坐低先唔使驚幫緊你
問佢乜事
佢又係話好驚
再問佢驚乜
佢話唔知總之係好驚
我見佢面都青埋就幫佢 call 白車
我諗呢D就係驚恐症
然後十年八年之後到我
感冒期間突然又係唔知驚乜咁好驚
維持左十五分鐘左右
好在之後飲杯水定一定神就無左
之後都無再發生過
我應該算係明依個病個感覺係乜