閃避球依個導演態度我鍾意
夠坦白
「說實話,年代不同,當導演門檻可能稍為降低了一點,或者我們這代就是當代影視業的「既得利益者」。從前幻想當導演是多麼的花枝招展,意氣風發,現實是卑微得有點瞧不起自己,連加多兩個臨時演員都要碌爆卡,拍多兩個景又要畀人Cut多兩組,然後始終不是大片,想叫多幾個演員,謝多幾場票,都要擔心夠唔夠車坐。(明顯畀說話啲Crew同監製聽
)
《深宵閃避球》一路走來,「閃又閃過,避又避過,硬食、跌低、起身、再跌低,有時揸下流攤,有時又有一兩下神來之筆」,過程痛苦極,但到最近訪問有人問我最難忘是甚麼,卻頓時一片空白,那時候最在乎,到將近電影上映之日,其實Fucking Care,當下最Care的還是票房好不好,大家喜不喜歡,就是那麼直白和膚淺。
看了不少優先場的影評,總括來說,作品帶點甩甩漏漏,樣樣都有啲嘢麻麻地,但加埋又好似OK。對於這樣的評價,其實我真係幾開心,因為所有評價同我本人完全吻合,意味著作品非常代表到自己;作為作品的靈魂等同於作品的老豆,聽到就等於「BB一出世,啲人話個仔似老豆」,未至於眼濕濕,又其實好安慰。
但放心!雖然「躺平」係我夢想,不過我都會繼續進步。
最近Marketing成日問我,你套戲的賣點是甚麼?要我諗一樣。結果,我好認真好認真咁諗,真係諗唔到「一樣」!
結論係,
《深宵閃避球》係我,我就係《深宵閃避球》,帶點無聊,帶點熱血,帶點老土,帶點搞笑,如果引發到你的共鳴,可能,還會帶點勵志。」
https://www.instagram.com/p/Ci5SjIrvn05/?igshid=MTA0ZTI1NzA=