金庸主角 每個都負碌既垃圾 不服來辯

古龍未係太熟，唔敢講。
但金庸筆下，個個唔係負碌就係靠親戚關係上位。

主角成功因為
性格
思想
意志
品性

令孤沖無幫儀琳，就唔會上思過崖

明顯唔係啦

楊過好慘wo

樓主舉既例子入邊

我認為喬幫主 郭靖同遊狗 都算叫係靠自己
你可以話佢地負6有際遇

但同時佢地三個都仲有一個共通際遇 唔係死老豆死老母就冚家產

呢點起碼段狗虛竹都冇


其他主角例如胡裴都算係靠自己

多隆笑到最後

咁楊過呢

武俠小說定動漫電影嘅主角, 好多都係天生異稟父幹符碌撚, 因為咁樣劇情先dramatic, 開掛戰力封頂先合理, 個作品先好睇
路人大眾靠自己努力醒爬發圍唔係冇, 不過創作難度高啲, 冇咁好睇

游坦之都主角咁林平之都主角啦

阿青唔負碌

有奇遇啦
入古墓又遇鵰兄咁

阿青 石破天 狄雲？

以樓豬邏輯
會話佢負碌遇到白猿

石破天先係最負碌喎

悟性好先學到神功

睇翻歷史背景。

舊派武俠小說，主角係冇咩奇遇。
都係硬橋硬馬，打吓綠林山賊，好似蕩寇誌，兒女英雄傳，洪熙官。

所以金庸頭兩本書，主角都係拜高手為師，先有蓋世武功。走翻舊派條路
去到射雕神雕，都仲係拜師，但已經有隱世秘笈渣手嘅雛形。開始創新。
倚天就係負碌撞棍嘅開始，完全改革晒整個武俠小說嘅原始思路。

明顯係成功，如果主角唔負碌，冇嘢好睇，更加滿足唔到讀者，想不平凡嘅心態。
至於垃唔垃圾，就另一件事。唔明你垃圾嘅意思。

金庸設計角色要包攬世界上所有性格嘅人。
所以點都有啲蠢，有啲醒，有啲捱艱，有啲輕鬆，有啲仆街，有啲正直，乜春都有啲。

咁係你接受唔到主角有缺點，有缺點係理所當然，且更人性更立體。
冇缺點嘅主角不過面譜化，字典中一堆優點嘅集合體。當然，金庸都有啲又醒又叻又正義，例如逍遙子，達摩，掃地僧。
但金庸認為眾生皆苦，唔認為有完美嘅人，所以書中就冇。

最近寫緊四大才子傳記，同香港歷史，對金庸好熟。
你可以問，見到就答。見唔到就算。

虛竹都有死老豆
死埋老母添

依樓主之見，有咩角色係實力勁+人品好但係唔夠負碌？

黃蓉又算唔算唔係符碌？
先天老豆老母基因好，外貌同天資絕頂，從細接受優質教育，繼承老豆一身絕學
後天情商高兼夠勢利，識做表面功夫，仲又有急才又夠狡猾，為達目的不擇手段

佢老豆老母係佢學晒武功先死呀馬

係，我純粹講佢老豆老母都有死啫
btw 郭靖死老母嗰陣都差唔多學成哂啲武功

咁一定係有運氣先成到大人物，
冇奇遇冇人幫冇神功學，
正正經經由低開始練武功，
成世做死門派嘍囉啦

最尾
金庸修訂版覺得點
笑傲江湖人物分別影射邊個
其他小說創作年份又影射邊個

唔係樓主想點
以前睇過一段野
話咩你威震一帶只係黃河四怪 江南七怪
你係大門派領袖只係全真七子
你師祖係絕頂高手 咁你只係藏邊五丑
你師父係絕頂高手 咁你只係漁樵耕讀
你兄長係絕頂高手 咁你只係裘千丈
父幹固然有用 但主角光環先係最緊要