個人覺得真正重點係依度
如果我地用2022年同2020年比，香港總人口淨流失人數確實都「只係」18萬9千左右，但如果分年齡層去計，就會有以下結果：
1. 0-59歲人口，兩年間流失34萬5千人，減少百分比-6.29%
2. 59歲以上人口，兩年間增加15萬6千人，增加百分比+7.86%
60歲以上銀髮族老年人增加自然唔係因為外來移民，而係因為年齡自然增長。
姐係話，過去兩年香港社會，已經愈黎愈少年輕人同中年人，而老年人大多選擇留港繼續高齡化。
如果我地淨係拉0歲到39歲既變化，兩年流失人口更係幾近27萬人，跌幅達到約-8.8％。
依個數字「睇落」仲係個位數百分比，但其實係好撚嚴重既人口流失。時間關係，我簡單搵左出名少子化既日本的數字去粗略對比（非一手官方資料，有錯請指正），數字係2020至2021既人口變化：
https://news.cnyes.com/news/id/4854066
「15~64 歲工作年齡人口數為 7,450 萬 4 千人、減少 58 萬 4 千人」
計番條數：58/(7450+58)=0.7%
當然你可以話日本個數字係1年，香港既數字係2年，年齡層亦不盡相同，但兩者百分比差距會唔會有10倍之多？
如果你話日本有以億計既總國民人口、0.7%咁樣既人口降幅已經係停滯不前，香港既人口降幅簡直係IFC墜樓式急插。
五、60歲以上老年人，已佔香港人口比率近3成
政府仲有另一個數字都值得留意，就係唔同年齡層佔總人口既比率。
如果我地一樣將60歲以上人口為一個群組，拉總百分比去睇，就會老年人人口比率由2020年既26.6%，升到29.4%，即差不多去到3成。
用同樣方式計算0歲到39歲，青壯年社會人口佔比兩年間已由41.5%，縮減至38.8%，佔比跌破4成。如果流失率係未來三至五年都唔放緩，60歲以上年既人口佔比，大有可能會高於39歲以下人口既佔比。
TLDR簡單總結：
一、香港年輕人急劇減少，同時老年人口不斷增加
二、20至24歲人口流失最嚴重，兩年無左兩成人
三、流失率不只限於年輕人／青壯年，香港40歲至59歲中年人流失率同樣顯著，而且沒有增長趨勢
四、59歲以下香港人2年來跌幅超過34萬人
