洛克人Zero 2心得：https://lihkg.com/thread/3066435/page/1
洛克人Zero 3心得：https://lihkg.com/thread/3070144/page/1
洛克人Zero 4心得：https://lihkg.com/thread/3071092/page/1
洛克人ZX心得：https://lihkg.com/thread/3075603/page/1
同ZX一樣都係要成9個鐘以上先爆到。同樣最浪費時間係支線任務，係咁跑地圖真係好撚悶。不過今次地圖已經簡化左而且大多數係線性唔會有太多分岔路。而且任務目標會有圓框標記，唔洗再擔心無方向唔知要點行去任務地點。但最重要係遊戲裏面多左中繼點，只要洗100EC去啟動，就可以係傳送點到任意傳送。雖然唔包回程，但節省左來程時間係做支線任務跑地圖時已經舒服返少少。
至於劇情就成個系列到中二到爆。簡單來講就係Albert要一班洛克人玩一場大型食雞遊戲，邊個最後生存到就可以成為洛克人王者，成為新世界的神，帶領人類創造新世界。個Cut Scene仲要直接話自己I am a god，然後主角打贏Albert之後主角仲要串柒佢話呢個係我的故事，我唔會比個故事完結架。好似睇住班小學雞嘴砲咁，十分尷尬。
今作最大特色就係可以變身成為類洛克人，係將成個身體變成為動物朋友，而唔係單純攞佢地的能力。但好多時班動物朋友大大份又行得慢，如果你打佢地時覺得佢地係魚，咁自己用上手時就更加弱化成為浮遊生物。你睇下上面條鱷魚已經佔左超過1/4個mon，點樣跑地圖過關架？最後只會淪為Pokemon HM Slave，用來爆電箱然後就沒有然後了。個人覺得過關類洛克人最實用係蜜蜂，任何高位唔洗思考就咁飛過去搞掂。而打大佬就推薦用海鱟，雖然係陸上無任何移動力，但可以發動時間減速。減速之後班Boss就好似日本SP咁，隔成3秒先會有反應。呢個時候就轉成ZX型態無腦揮劍就可以輕鬆斬魚啦。
就係咁用左83個鐘全成就曬個合集去。今作的Extra Mode係Z Chaser，要鬥快Speed Run指定關卡。而為左節省時間，所有pit 位、尖刺、熔岩一律唔會即死，只會扣血，而係Boss戰戰死後第二次打佢時會用返之前的血量繼續打，而唔新重新滿血打佢。所以遊戲節奏好快，無腦衝衝衝。Steam成就需要全部關卡以A級過關。A級係普通難度，基本上打爆過一次機，橫衝直撞下都會快過A級時間。但第十三關隱藏關需要前面十二關以S級時間過關，以S級時間要求更高，未必可以一take過搞掂，需要反覆練習，甚至要睇Youtube影片教學先過到。而Z同ZZ級就係電莖吮手難度，係真係比班Speed Runner技術切磋的地方，唔係普通Casual Gamers玩的地方。總結就係要打通Z Chaser攞成就就需要至少12S1A的成積。
最後任何舊game合集都要提一句：除非你真係對Capcom好有愛，否則直接RetroArch模擬器免費玩洛克人遊戲好過，起碼可以自己較制，唔洗特登開Autohotkey去Remap D制去。