五個鐘就爆埋，仲快過Zero 1，最主要係因為可以用Filter Shield Ex技可以快速刷錢，唔洗慢慢磨敵人。
相比起前作，今作遊戲難度再一次提升，有D Boss亦唔再係雜魚，可能會有一翻苦戰同小心打。一開始的鳳凰要一下一下斷斷續續咁打；青蛙又唔可以貪刀，否則被佢條利打中就係咁吸血，得不償失。
關卡亦有比較麻煩的冰雪關卡會影響跳躍，未適應好就好容易誤中尖刺，不過最仆街都係中期的飛空艇關，要不斷跳躍小飛船，萬一唔小心比豆豆砲打中，咁就立即硬直變Fall Guy又要重玩啦！
不過好彩Zero能力有所加強，有各種形態。我自己鍾意用Rise Form，可以令Zero有三連斬，連擊起上來可以重傷Boss。最後攞到的Ultimate Form雖然可以禁制出大技唔洗儲氣，但我自己用鍵盤玩比較難出技，實際玩起上來都唔係特別勁，可能用手掣打會好D。
另外亦有只有A、S級過關的Ex技，因為有Save Assist的關係，要85分A級過關比我想像中容易，最主要係要小心慢慢打，減少傷亡去增加傷害積分。不過實際上Ex技都唔算太實用，去到最後都係用屬性儲氣劍打魚。比較實用有光幻刃，劍氣可以破盾，唔洗用鎖鏈打走個盾先。同埋Filter Shield可以將敵人子彈變成水晶去快速刷錢，可以更快餵飽精靈畢業。
