六個鐘100%電子精靈同餵大嚟食再加全武器升到滿級，最後連十個鐘都唔洗就爆機...
隻game反而大佬唔難打，尤其是如果佢地有屬性弱點的話就全部都係魚來。最後個複製X唔洗上左右平台，直接用支長矛向上捅死佢。
反而遊戲後期個保護工廠任務仲難搞過最終場景。一開始個忍者係精靈外掛下只係一條魚，但之後要拆8個炸彈，而其中2個炸彈就放正係死亡木頭平台到。要上去個炸彈位到都算容易，但回程就好大問題，因為個screen細到你係睇唔到下面D木頭平台，搞到要好冒險咁貼牆去睇下見唔見到D木頭平台邊沿位。如果連貼牆都見唔到的話就真係玩信仰之跳，咁就無左1UP啦！究竟當初D人係點樣無Save States的情況下過呢一關？
最後任何舊game合集都要提一句：除非你真係對Capcom好有愛，否則直接RetroArch模擬器免費玩洛克人Zero 1好過，起碼可以自己較制，唔洗特登開Autohotkey去Remap D制去。
