一個創作人要自我突破其實係要全方位
唔只係轉曲風 玩新編曲完素 轉題材 換人合唱 轉唱腔咁簡單
其實係要所有野加埋 立意深意要創新之餘 個作品仲要俾市場大眾接受
用番你講既"比較大的大提琴"做例子
依首歌可能係作曲 編曲 同形式風格上係有突破
但成首歌既歌內容其實你講唔出到底想講乜 可以話只係一個有趣既民間小故事
你話作曲創新同玩唔同音樂元素唔同左 點解唔係突破?
因為依樣從周杰倫出道開始已經做緊
係比較大的大提琴之前 已經有雙截棍 有佢寫俾蔡依琳既布拉格廣場
講有異國風情既民間小故事 就有威廉古堡 有米蘭的小鐵匠(而我覺得米蘭的小鐵匠份歌詞已經好過比較大的大提琴)
同樣道理 你唔會話夜的第七章係太大突破 因為之前仲有以父之名
因為以父之名創新既元素真係太多 電影感 詩意 編曲 致敬《教父》 用第一稱講黑手黨故事
你會話迷魂曲 土耳其冰淇琳 係曲風係有創新 但你始終唔覺得佢同梯田 愛在西元前 甚至雙刀係同一等級
因為迷魂曲份詞竟然係個好傭俗既愛情故事 土耳其冰淇琳都係無故事既作品
今次依家首新歌 其實都係類似狀況 曲風似琴傷+夜的第七章+魔術先生
題材算叫做有多少少野講左 向法國1900年代前後既藝術作品致敬 但都未去到最後的戰役 止戰之殤果種有批判性既深度
周杰倫依個情況可以話係好極端 因為佢前期既音樂形式創作力太強
形式上到依家好似點都突破唔到
但佢既作品故事 歌詞既立意又無特別強既創造力 甚至愈黎愈差
無曬懦夫 梯田 最後的戰役果種社會題材 講來講去都係小故事 男女愛情 中國風寫左五六首就永遠武俠恩仇 反而上海一九四三仲識用歌詞去呈現回憶
情歌就連當年晴天 分裂 園遊會個份毒撚青春味都無埋
我諗稻香係最後一份詞令我覺得可以真係有內容
你可以問 嘩 周杰倫前期既作品咁強 要突破咪好難
的而且確係 但我諗佢依幾年俾人屌到咁狠 唔係因為佢突破唔到以前既自己之餘 仲要不斷退步寫糖水歌 連自我重覆都做唔到
歌手可以收山 可以封咪
當你要出新作品 觀眾聽眾就自然會更高要求 其實不論對導演 作家 都一樣
其實做唔到都無乜所謂 自我重覆係生意角度都唔係負面 總有粉絲會埋單
日本 台灣 大把歌手都係不斷炒冷飯 曲風二十年如一日吸水
但你要講到突破 其實無就係無