(精選) 近年值得一睇嘅動畫

請問香港邊度有得買小說幾鍾意呢套

皇帝聖印戰記
2018年




國家戰爭政治奇幻類

其實呢類作品通常輕小說就好睇，出動畫就麻煩，因為好難記得咁多人名地名。
呢套野世界觀都幾大下，其實唔算適合做動畫
不過當年A1-P做咗呢個挑戰，都算係挑戰成功。

當年鬼頭明里仲未咁紅，同埋頭幾話啲節奏快，俾人笑坐火箭，開局送馬送老婆送城堡。仲有應該冇乜主角係綠色頭髮。

可能係一開始就係想飛走啲開場，令到套野快啲入戲肉
雖然都兩季嘅量，但係啲劇情都算係咁，起碼完哂就完哂，冇爛尾感。
除咗開頭幾話俾人踩之外，仲有茅野愛衣個角色被野外中出、後尾有個女王打仗唔著衫、妖精尾巴等等都好多人講

講男主係一個普通鄉下仔，而係呢個世界有聖印就可以上位，主角就係一關一關咁打落黎，最後一統天下。
佢本身個家鄉俾個垃圾領主糟蹋咗，但係佢冇能力，唯有出去升lv
差唔多完呢套野個陣，佢啲下屬個個知佢想返家鄉搶返領主個位，一齊去幫佢搶返返黎（其實幾遠下）
裡面有幾條愛情線，都幾好睇。

估唔到有正常介紹post

呢套睇到第二集 見到d角色畫風好撚低B 太大反差棄咗

刀使之巫女
2018年








Studio五組原創、日本刀、輕百合、輕科幻

呢套野嘅刀法全部都係參考真實日本刀流派
有職人參與俾意見
一共兩季，第一季同第二季有關連但係可以獨立睇
手機遊戲連登好多討論po

本渡楓其中一套成名作。
一開頭個故仔都幾痴線下。不過啲劇情真係正。雖然係sell日本刀嘅知識，但係佢用anime嘅方式去做呢件事，而且有主線題材，好難得。

女主係遇強愈強型，永遠都係55波唔會輸，亦都唔會大贏。
係第一季，大西沙織想復仇，但力量微少做唔到。本渡楓其實一開始完全乜７都唔知，但係想幫佢，最後感動咗大西，肯俾佢幫手。
其實本渡楓先係關鍵，得大西一個係無可能。

基本上第一季就係講主角隊同敵人隊嘅對打。除咗打仲有雙方嘅故事。敵對燕結芽（水瀨祈）嘅故事係最好睇，用咗成集黎講。一話成神。

第二季就係主力講世界觀，敵人嘅實力係次方級咁上。除咗主角兩人之外其他人已經去到極限，追唔到個級數。最後打完兩個女主已經脫離咗人類層面，變半神。
最後戰力: 主角二人>>主角母親二人>>主角群=>第一季敵對群>>普通刀使>>普通人
(排唔到燕結芽)
https://www.youtube.com/watch?v=eFPJQNfxKsQ


順帶一提第一季敵對boss CV係麻衣學姐／釘哥／尚文大人的劍，用老女人聲配

對比４年前，
而家本渡楓唱功好好多了
https://www.youtube.com/watch?v=OuL8uWl9gjY

呢套睇到好尾段先知個世界觀
觀眾係用角色視角睇唔係上帝視角
都好深入下，唔係小朋友識睇嘅作品
但係可以同小朋友一齊睇

zombieland saga

在魔王城說晚安
2020年



奇幻搞笑

講人類公主被捉去魔王城，但其實人類公主先係魔王城嘅真正主人
人類公主外表可愛但內裡惡魔過惡魔
以訓教為籍口破壞魔王城嘅生態
唯一治到佢就係人類勇者，人類勇者會不斷黎救佢，但係點都救唔到
其實公主好鍾意魔王城亦都冇諗過要返去人類城堡
成套片玩大牌ＣＶ玩膠

實驗品家庭
2018年



奇幻日常

其實呢套內容唔算係咩好特別
不過呢到係連登，既然呢套係香港人漫畫家創作，一定要提下
搵日本ＣＶ配音，日系畫風，日本播。所以都係日本動畫

故事背景係取材南丫島
講呢個家族係一班人類同動植物合成實驗體
因為同動植物混咗ＤＮＡ，性格同習性都會有相似，而且智力冇正常人咁高。
得男主係正常人。佢地係以兄弟姊妹相稱
講日常生活嘅現實。不過都唔算悶，幾有趣。
其實而家播緊套Spy x Family都係咁，唔好覺得日常現實會好悶好無聊。
支持香港人

有一套好少眾 Banana Fish

推咗我入king gnu坑

仲有野良神
好鮮明咁刻畫神明性格 同人間之間既關係
不過原作早幾年大病 好似停咗更新成年 最近都冇追啲劇情都越嚟越複雜

86 神作呀

強風吹拂有冇份

冇86

好嘢嚟

必睇

樓豬post個d都算正路

平穩世代的韋太天
https://youtu.be/ebUv84bunwg

以為又係手機俠個啲垃圾po

映像研
比宇宙更遠的地方
Oddtaxi

Lovelivesuperstar