懷疑自己玫瑰痤瘡 有冇皮膚科醫生推薦

哇原來啲藥膏可以搽咁耐架？咁你係keep住返尖陳到配？
其實我都有rozex gel嘅但搽完塊面會甩皮，所以我停咗我想問你嗰陣會唔會洗完面搽完護膚品之後塊面就特別紅？我發現我成日都會咁，其他時間就唔算太紅

可以啊！佢都建議我繼續搽，如果對塊臉有幫助，因為喺我身上冇咩負作用
我嗰陣洗完臉都會有啲紅，因為洗臉同搽嘢上臉，係會直接刺激到塊臉，啲血管一擴張就好易臉紅。

咁之後點解決搽完野面紅呢個問題？另外你有冇食咩supplement幫手？
咁我都返去再試下rozex gel啦唔知係咪我保濕唔夠呢

我之前有食omega3同zinc
Zinc要飯後食，唔係肚仔會易唔舒服

Rozex gel嗰度你有冇同醫生講過會甩皮？睇吓佢suggest你繼續搽定停會好啲 我怕未必啱你用啊

臉紅嗰度我通常搽完cream過一陣就冇試，所以冇特別處理。不過如果你塊臉仲係咁sensitive，睇吓會唔會試吓用退紅面霜，如果你睇尖陳嘅話，佢可以開比你，係skincare嚟咖

我通常搽完cream一個鐘左右就會退紅嘅，不過好搞笑嘅係有時搽完cream又唔會紅，所以我都唔知個問題出係邊
我個醫生話其實soolantra同rozex功用差唔多，二揀一都ok，不過我見好多人都搽晒兩樣，所以又有啲貪心想再試下rozex
Omega3係魚油？不過我見四環素好似唔可以同zinc一齊食

有陣時我覺得都好多因素影響，eg嗰日天氣會唔會特別焗/熱/濕、沖涼洗臉用熱水、朝早出街有冇搽足防曬，而食四環素又會令皮膚再敏感啲 另外我嗰陣會戒口，唔食中醫講嘅「發物」，特別係甲殼類海鮮，我食親一啲會成臉生粒粒同紅一噠噠。不過都係因人而異，都係靠摸索，盡量避免會刺激自己皮膚

omega 3我係食魚油丸啊，可以揀啲rTG型嘅omega3，純度同吸收效果會高啲。我仲食左排biotin同益生菌，同埋有再check每日建議攝取量嗰啲，不過全部我都係停左四環素先食，食左一年左右，宜家就淨係食益生菌

咁你而家係咪都仲係要避太陽同繼續戒口？另外食魚油塊面會唔會出多左油？
睇完你講嘅嘢，睇嚟呢個病真係好難好返，只可以控制

係呀，基本上我都冇做過戶外活動，出街都會擔遮，同埋拎定風扇仔。我繼續冇食甲殼類海鮮啊，食完棧自己辛苦 不過我都識人係完全冇戒口，靠打laser都穩定到。食魚油係幫助消炎，唔會影響塊面出油量

不過我覺得可以逐步試吓先，睇吓有啲咩會令你容易啲發，盡量避免就OK。so far我而家都好咗好多，希望幫到你啦

Laser我就暫時冇考慮住，如果可以靠食藥同藥膏就穩定到就最好啦
幫到我好多啊，真係好多謝你，祝你啲皮膚永遠又白又滑

請問可唔可以分享埋你用嘅skincare俾我參考一下？