懷疑自己玫瑰痤瘡 有冇皮膚科醫生推薦

所以尖陳係邊個？

尖沙咀陳婉雯

可唔可以講多少少，諗住睇佢..真係work?面有淺色紅斑/血管，暗瘡紅印就勁耐都唔退..搞到塊面好花
同埋玫瑰會痕既咩？因為我有埋慢性蕁麻疹，睇下佢幫唔幫到我……….

我咁既情況已經年幾..

你可以睇番我pin左嗰度
蕁麻疹你之前有冇睇過醫生啊

有，中醫，佢叫我戒野，同開藥粉。我乖乖聽話，跟住少發作好多同冇咁痕！但我前排忍唔住又飲凍野，跟住食咗牛嘅第二日，起咗個大嘅蕁麻疹，同埋呢排起得密左，但我冇理由一路咁戒，我忍咗成差不多三個月。所以決定睇西醫，食抗敏感藥，睇吓斷唔斷到。蕁麻疹都係上一年先起。

話說，我今日睇咗尖陳，佢話我唔係玫瑰痤瘡純粹係我皮膚薄，或者皮膚乾，所以會有時泛紅同血管比較明顯，叫我做好保濕就夠。跟住開咗一個抗敏感藥俾我叫我食一個月再複診，400 only

400一個月藥
仲平過我樓下攞醫生紙個醫生

你食左一排抗敏藥有冇好啲啊？

笑死
佢真係做爛市

我就係俾佢打pico 搞到依家變玫瑰座艙 佢仲同我講可以打落去

係咪你冇保濕好啊？你原本皮膚係咩事先打？

凹凸洞先去打 佢之前打我凹凸洞個啲位仲有紅印 多撚謝
搞到我要去睇專科 差啲想自殺 好唔開心

要時間退紅架wo 我皮膚仲敏感過你 打完揸個枝退紅保濕cream 完全冇問題…. 我懷疑你自己用個枝保濕可能刺激到

我用佢俾嘅洗面同藥膏架

咁可能就係冇保濕

做足牙 唔關事啦 其實點解一定係個patient 做錯野 可唔可以係個醫生睇patient 唔夠細心 冇留意到我根本唔岩打pico

係打完仲嚴重左？
依家睇完專科好返？

其實只係因為好多時大家同為patient俾到嘅意見，通常都只能從自己嘅經驗、理解出發先

咁依位ching之前睇過覺得個醫生好又幫到佢，同埋亦有幾多同路人讚過個醫生細心，所以即使你嘅判斷可能係事實嚟，但我哋都好難起初一下子就可以咁武斷咁質疑你嘅不幸係由個醫生唔夠細心造成，我哋正常都只可以喺打完pico嘅皮膚保養方面入手去搵吓個問題係邊

無論點都好，希望你可以搵到一個適合嘅醫生，快啲好返

多謝你安慰我 我依家都好盡力去搵緊岩我嘅專科睇
我每日見到自己個樣都好好好唔開心
事關我本身食完A酸療程（唔係尖陳到睇），好辛苦咁捱過左成個爆發期，完左之後已經冇晒事，直程人人都讚我皮膚靚個種。

我自己唔係個啲追求完美嘅人，冇咩事我唔會去美容院整色整水，例如我本身塊面嘅色tone黃、有眼袋，仲有少少暗瘡印啊，個D對我嚟講都唔太重要，我只想要一個正常人嘅皮膚。

A酸完左之後剩番好少凹凸洞，呢個係唯一一樣我想處理嘅皮膚問題。
事實上我之前去搵尖陳、最後都揀佢，都因為係呢度見到佢比較多好評，而且佢係醫生，我相信佢。但冇諗到俾只係俾佢打左1次pico，不但冇改善我凹凸洞問題，佢打得好深個D位一攤攤紅印，冇啦啦令我塊面花晒

依家我塊面會覺得熱，俾口罩焗兩焗就紅哂，以前就算食A酸都唔會咁，冇啦啦變埋敏感肌 好彩專科開D藥膏令我起碼啲印冇咁紅，但老實講，可能最後都係要做另一D退紅嘅laser，例如Excel V

有皮膚問題嘅人一定會明，平日被人笑、細個開始被人改花名，到咁努力終於有D成果嘅時候，冇啦啦又跌番去谷底嘅感覺有幾難受

我依家再出去睇專科醫生，身心皆疲，生不如死，仲要不斷俾錢，每日都問自己當日要做pico。

我以前食完a酸療程
之後醫生開左含酸性既護膚產品預防暗瘡
從此就變左濕疹敏感肌
唔知係a酸定護膚品引起

睇過幾個皮膚醫生 每個斷症都唔同
依家皮膚狀況都係差 唔穩定
我都諗住去試睇陳醫生 不過睇完你經歷
如果佢推介做機 我都考慮清楚先決定

好既皮膚醫生真係好難揾 我都仲揾緊
如果試完陳醫生唔得又要準備試第2個
希望大家都盡快遇到適合既醫生 加油
你揾到好既都分享下 介紹俾我

師兄 可以留tg嗎 方便交流
我都覺得搵岩醫生好煩
同埋每個斷症斷出嚟都唔同
同埋陳醫生唔係專科醫生嚟

唔好意思 我無用tg
係到傾都ok 幫樓主推下post

我自己睇醫生經驗
係唔係專科其實都唔太重要
睇過一個皮膚文憑普通科
斷症用藥同另一個專科一樣 但係收費平一半
反而有d專科用藥仲無咁新

就算個醫生好 有時都唔適合自己
所以真係要試 不過要用好多錢又難揾

依家我塊面有時會覺得熱，食熱野會泛紅，俾口罩焗兩焗又會紅，以前食A酸都唔會咁，冇啦啦變埋敏感肌

最後再去左幾個專科醫生睇，每位斷症結論都唔同
有話rosacea/post inflammatory erythema/ folliculitis

但幾個醫生有一致講我如果呢D紅印一兩個月都唔退，最後要做退紅laser，laser效果最快同好，其中一位建議我做 Excel V，考慮做唔做好，但價錢好貴

有冇巴打係生緊/生過