懷疑自己玫瑰痤瘡 有冇皮膚科醫生推薦

我今日去咗睇皮膚科 確診咗係玫瑰痤瘡
我有一路影低塊面做record
比醫生睇佢話呢排有好轉 宜家唔太嚴重 （可能係因為中藥/supplement）
所以淨係開咗抗敏藥 兩隻藥膏 同埋保濕面霜

咁手指黑線即係代表咩？
話說我都有

我以為係皮膚癌嗰啲
佢話我得一條同埋咁淺色係良性黑色素細胞活化

我最近都確診左rosacea
我唔覺平時有 好似突然間嚴重就睇醫生
唔通真係打咗針

你打完針隔幾耐開始咁樣？同埋你有咩症狀
我覺得打針真係有影響

不過我又唔係最近打 上一枝係十月尾
個症狀係兩三個月前爆瘡 全部喺面珠墩同下巴
對上生暗瘡係十幾年前 啲瘡係消完又有
好多印 同有微絲血管 塊面帶完口罩會微紅
但帶左兩年都無事 就係呢兩個月好似勁敏感
醫生無比藥我 佢話避免做啲刺激塊面嘅野先
我呢排無用任何護膚品化妝品
淨係用醫生開嘅洗面同保濕
暗瘡佢就有比藥膏我 依家好似好左啲
但塊面近望都係一撻撻紅

同你個情況真係好似
我都係生好多瘡喺面頰同下巴 塊臉好易紅
你會唔會好痕同好乾？
我去睇醫生佢都有俾暗瘡藥膏同保濕面霜
仲有隻退紅藥膏 口服藥嘅話佢開左隻敏感藥
暫時用咗幾日我覺得粒粒藥膏冇咩用 不過支保濕面霜幾好
之前聽過來人講話keep住簡單護膚一排會慢慢好
可能我哋都真係要啲時間先穩定到
你紅嗰度佢有冇開藥膏比你？

塊面先排好乾 摸上去hi sap sap咁 搽保濕會好啲 但始終無得用面膜又好多野唔用得 都係乾乾地
佢無開退紅藥 佢覺得我唔係好嚴重
諗住比啲時間觀察下先 用少左野塊面紅嘅次數係少左 之前一紅係會興興地添
諗過遲啲再係咁就做laser
咁你係一紅先食退紅藥？定係keep住食？
好奇怪係有時起身 塊面又好白淨 好似無事咁
一返完工除口罩係特別肉酸

佢開左咩洗臉同面霜俾你？
我嗰個開左支Cetaphil嘅止痕醫生配方 我覺得幾好用 搽完第二朝已經唔會好似蛇皮咁乾 不過我望過啲舖頭唔覺有賣
之前試過幾個抗敏牌子都冇用 所以呢支遲啲我應該會keep住用
紅嗰度因為呢排長期喺屋企唔見人我就冇理到
淨係試過用佢隻退紅藥膏一次 Mirvaso gel 0.33%
搽完嗰啲位即刻會白左變番正常膚色 都維持到大半日
我觀察過自己多數係緊張同焗就會特別興 食熱嘢都會 所以宜家喺屋企都攞住部風扇仔吹 出街就一定擔遮 感覺都有好啲
醫生都有話焗/熱/情緒起伏會trigger 盡量避免吓會穩定好多
我估可能你係口罩焗左成日所以放工會差啲
同埋如果你想打laser 前面都有巴絲提過有啲醫生幾好！話有得claim保險

我係皮膚會長期紅, 如果一熱/郁動 就會更加紅,好似長期敏感咁
反而暗瘡多唔多又唔覺太關事,慶幸我只係紅 未有出現你話痕又或者痛既情況....已經無用好多保養護膚品, 只係洗面奶+基本保濕 最近有介埋口,但似乎無咩大作用, 試左唔同方法一段時間所以依家先會覺得要睇醫生了

如果長期紅嘅話都有機會係
因為玫瑰痤瘡都有分幾種 唔一定會生粒粒
你會唔會都覺得好乾咁？
同埋紅係成臉啊定係有特定位置咁

我睇中醫都有戒口 主要係話唔好食蛋 牛 甲殼類海鮮 同奶 不過so far我戒左兩個月都覺得唔太大幫助 純粹個心會定啲

可能我聽日睇完陳醫生再同你講 因為佢有免費諮詢 同埋我見都幾多巴絲打推薦佢睇皮膚問題

你指轉護膚品?

thanks 絲打! 我其實最主要只係真係會紅, 又無話其他唔舒服感覺,同埋我係出得多油既 但又唔會感覺好乾(我本身係油性肌) 同埋戒口方面我都係大致同你差唔多 都係唔大變化

我有啊！
因為上網睇話基本護膚程序就okay了 唔好搽咁多嘢
所以我淨係用醫生開嗰支止痕面霜
洗臉都轉左支極溫和嘅
你宜家用緊咩牌子？

咁你有冇再去複診？
就咁聽似係對護膚品敏感
Curel我都有用過 係幾好的唔會敏感
宜家有時對睇太乾會偷用佢隻眼霜

咁都好彩！
不過就算淨係得紅冇其他症狀 其實都已經好困擾
同埋如果持續左一段時間都真係幾令人擔心

咁都好啲
可能一開始你轉嗰隻護膚品有啲成份令你敏感 或者有刺激性
keep住用啲溫和嘅嘢應該會避免到再發

最壞情況可以食a酸 但要驗肝先 laser都唔建議，原因係因為你個仲有瘡 咁樣整爆佢好傷 要好番晒先可以打laser