建議啱唔啱用就因人而異,但都係我自己溝到女嘅經驗同心得,就嚟聖誕希望幫到想出pool嘅你
1.千奇用太多時間溝一條女
想溝一條女大概幾日到三個月就溝到,再多嘅時間都係白費,因為對方將你放咗係fdzone入面,愛情嘅火花稍縱即逝,你唔係嗰個moment比到愛情嘅張力佢,過咗之後你地就會變成好朋友。過咗半年都未溝到都幾肯定對方將你當咗朋友,想擺脫fdzone,好簡單,斷一段好長嘅時間再嚟過,變返做陌生人,再溝過。從來溝朋友係最難溝,你好少見到識咗幾年先一齊嘅人,通常一齊得嘅都係,啱啱先識咗一排嘅人。千奇唔好追一條女追太耐,會浪費你好多時間。
2.千奇咪撚識咗一排就表白
表白,好似好浪漫,一句我愛你,係對關係轉變嘅確認,更加係對女人未來嘅承諾。但我同你講,表白是沒有撚用的,一條女中意你係唔會因為表白就中意你,條女中意你嘅話,就算你唔表白都中意你,表白係無意思,真係想表白,唔需要講好多嘅台詞,一句簡單嘅我中意你就得,打一大篇嘅表白文係嘥時間嘥心機嘥心血。溝女就好似睇一套戲,你知道咗結局嘅話,仲會唔會好想睇到戲?女仔係會因為不確定性而上心,唔會因為確定性而上心。所以你就成日見到啲所謂嘅渣男隨隨便便就溝到女,點解我呢啲比到人安全感又專一嘅男人只可以匿埋一邊睇住佢地一齊呢?好簡單,因為你嘅安全感扼殺哂你地之間嘅愛情張力。未有結局嘅小說,先係最引人入勝,但一切已經變得塵埃落定嘅時候,慢慢就唔會再想睇。
3.千奇唔好成日傾計
當你中意一個人嘅時候,有冇細心諗過你點解中意佢,係咪係佢唔係你身邊嘅時候,不自覺地諗起佢呢?無錯,男同女都一樣,當對方唔係你身邊嘅時候,你不斷諗起佢嘅時候,就代表你已經開始中意咗佢,而我地溝女嘅目的,就係令到條女產生呢種心理狀態。你不斷傾計,只會令你之間越嚟越熟,無咗嗰種神秘感,最重要嘅係,你不斷咁同佢傾計,下下秒覆嘅話,人地邊有空間諗起你?傾計係需要嘅,但不斷傾計係多餘嘅,只會扼殺哂你地嘅愛情張力,日日傾計係無問題,但下下秒回就一定好有問題。最好溝女嘅時候,試下日日傾計,突然一日唔傾計,或者隔好耐先覆,如果對方係唔習慣,難受,甚至嬲咗你嘅話,恭喜你,唔可以話佢一定中意你,但起碼對方緊張你同在乎你。
4. 千奇唔好對條女太好/太主動
呢個係死忌,千奇唔好對條女太好,太主動。太好太主動,傻嘅都知道你溝佢啦屌,唔好太多寒暄問暖,天氣凍就叫人著多件衫,人地肚餓嘅時候就撲出去買嘢食比人,人地見到咩中意就送咩比人,當人地未一齊時就知道你對佢太好嘅時候,佢就會對你嘅愛情張力開始遞減,無人係會中意啲隨便得到嘅嘢,我地只會中意啲,有付出先會有回報,辛辛苦苦換返嚟嘅嘢。女人係唔會中意你對佢太好太主動,女人只會中意啲佢地辛辛苦苦先可以得到嘅嘢。
5.比條女知道有競爭者
簡單啲嚟講,溝女就係投資,我地要做嘅係分散投資,咁先可以增加回報。女人見到你其他女人都無人想要嘅時候,佢地係唔會想要,但當佢見到你有其他人要嘅時候,佢地就會想要返你,呢個就係人性。
老實講,溝女係無一定嘅答案,但我可以話比你知有啲咩唔好去做,減少錯誤,先可以增加成功率。其實女人最尾同唔同你一齊,最尾都係睇樣/錢。不過大部分女仔都係睇樣。
試過最快啱啱見面個幾鐘就溝到女,亦都試過就咁出去玩一晚就溝到女然後上埋床,亦都試過好認真追一個女仔三年,表咗三次白,對方比個好多假希望我,最尾都係失敗告終。呢到想帶出一樣嘢就係,溝女係真係唔需要死溝,追唔到就放低,你遲早都會反覆遇上一個你覺得唔可以無咗佢嘅人。