講吓男仔應該點樣追女仔

話說最近同幾個男仔朋友傾開
發現好多人連基本相處都唔識
我絕對唔係專家，純粹分享下d基本
希望幫到單身緊嘅你
啱睇就正評，唔啱睇就負評喇

自我形象
首先身一件事係要管理好自我形象
不修邊幅嘅就執一執自己個樣先
唔洗一定要gel頭/潮牌/名牌
總之睇落乾乾淨淨，正正常常
基本儀容整潔做返好
總之你望鏡果陣要覺得自己OK
咁先係成功嘅第一步
如果你照鏡都覺得自己樣衰
人地又點會鍾意你呢？

行為
而加呢個世界好多唔正常嘅人
我都唔敢介定個行為正唔正常
總之唔好做啲kam嘅嘢
同埋多啲以人地嘅角度出發
諗咗人地先諗自己
咁你做嘅行為一定唔會差

對象
首先一定要有對象
所謂對象唔係代表非君不嫁
對象可以係你朋友、同事、網友
但第一個條件係你唔好當呢個對象
就係你唯一一個要追求嘅人
要當佢係朋友咁相處
要盡量做最自然嘅自己
如果係啱嘅，你做返自己
對方都會受落

心態
最後一環係心態
溝女唔係一件容易嘅事，但亦都唔難
千萬唔好沉醉係一兩次嘅失敗
莫道你在選擇人，人亦能選擇你
如果對方唔啱嘅，未下個
呢個世界無話無咗邊個唔得嘅！

總結
如果你仲係單身嘅話
拍唔拍到拖都好
人與人之間坦誠相處
已經係一段好開心嘅過程同回憶
唔一定要強求對方成為你邊個邊個；
而如果你而加拍緊拖
記得要對佢好！令佢開心！錫住佢！
呢個世界之間，兩個人嘅相遇唔係必然
如果可以一齊，就係幾身修到嘅緣份
希望你好好珍惜呢個另一半！

祝大家有情人終成眷屬！

多謝樓主
今次掂硬
thx

搞咁撚多野不如叫雞算啦

拍定手先喇！
祝你好運喇巴打！

絲
幫手撐吓場

打左好耐嘔心瀝血
希望幫到受單身之苦嘅連登巴絲

有心栽花花不開
無心插柳柳成蔭
溝女一樣
死追爛追通常都追唔到
反而鍾意你既都係最普通平淡既相處

所以真係唔洗特別去追
用識朋友嘅心態係好重要

無錯
通常咁樣一齊左就會好長久
反而好目的性咁一齊
最後就會好目的性地分手

請認真討論
錢嘅話去成人台

見到咁大段嘢 我選擇躺平/叫雞/揾大陸妹算鳩數

其實都係成篇講緊人際相處
完全無溝女技巧
如果連呢最基嘅都做唔到
連朋友都做唔成

圈子細都係得兩個主要方法
一係去興趣班
二係玩交友APP

交友APP識，如果覺得悶
可能係巴打你要增加你既溝通能力
多啲同吓唔同人吹下水
街坊／看更／買送都得
講得多自己識講野
個人就悶極有個譜

「追」女仔呢個概念已經錯左

一開始已經將自己個位放得太低

我睇得起你係你嘅榮幸

想同你一齊係平等關係唔係做你待從

啱就一齊唔啱就next

就係你啲on9 搞到條條港女都當自己好高級吊高黎賣

你呢種心態唔適合用係巴打身上
如果會咁樣諗野嘅人
因為本身一定有過人之處吸引人

就係你d 仆街做爛市

佢又未係你朋友已經做哂奴隸任勞任怨又送禮物

用下腦啦

唔同你拍拖可以同時收幾隻奴隸又收禮物

咁點解要拍拖斷自己米路

你對一般frd 都唔會送哂禮物啦

一齊既時候可以have fun 感覺啱就自然一齊

拒絕做奴隸atm

執完個look都覺得自己樣衰可以點?

我從來無叫大家做奴隸
絕對無叫人送禮物討好佢
純粹係基本人際上做一個正常人
做一個貼心嘅好人

將自己身段擺咁高唔係唔好
但好多時如果無其他吸引人之處
只會變得孤高同傲氣
繼而變到更加獨、自大

你同人做朋友果陣
都唔會將自己身段放咁高啦

首先要接受自己不足
然後盡量改善
最後就係欣賞改善咗嘅自己

講個重點
係溝女從來唔係睇樣
而係睇你點樣去表現自己
如果你因為樣衰而廝廝縮縮
咁人地更加唔討好啦；
反而有自信，表現得正正常常
對方起碼唔會一黎就反感

香港地男多女少，女尊男卑，與其學溝女，不如學做女仔

男人都可以有好多選擇
如果你係唔享受搵一個伴侶
咁我覺得冇咩問題

但如果你想搵，然後又因為搵唔到
我覺得係可以解決嘅
唔洗灰心住
只要有用心對人
最後都會搵到對的人