[劇透討論] 點睇《救你命3000》導演s新戲《奇異女俠玩救宇宙》

作為一個得唔到父母認同，覺得人生毫無意義嘅人，覺得Joy真係同自己好似
睇到一半真係忍唔住喊咗
睇完之後，除咗個口罩濕曬之外，仲覺得有啲釋懷
好耐冇試過睇戲睇到咁感動

由劇情、鏡頭、剪接、美術到演員都好鍾意
科幻 + 無厘頭 + 喜劇 + 功夫 + 文藝 + 玄妙
成套戲同一時間咁多元素，咁多人物角色都可以處理得咁好，真係好撚犀利
睇呢套戲之前，我冇諗過有人可以將王家衛、迪士尼、太空漫遊2001、Martix、臥虎藏龍全部擺曬落一套戲裡面，仲融合得咁好咁和諧

真係好撚好睇，目前為止係我今年睇過最好睇嘅戲

好撚好睇

由頭到尾無冷場，一大堆元素炒埋一碟，但完全唔會令你覺得難以吸收，反而覺得全部恰度好處。

見到有人話後半段太多講經，我覺得係開始比觀眾沉澱反思既時間黎，我睇到去兩母女望bagel, nothing matters 果part 都好身同感受，然後又再比raymond 打動，成套戲又笑又喊冇停過

想知個女究竟換左幾多套衫

巴打講得好 It doesn’t matter呢個立意幾有深度 對應返主角楊紫瓊個宇宙由於充滿失敗 所以有更多可能性 衍生出無限個多元宇宙

同埋it doesn’t matter 所有嘢無意義甚至可以解讀成所有嘢無限制 = 自由 不過都可能係我過份解讀

唔會過份解讀呀
最直接既解讀就係咁 無野重要 所以樣樣都可以重要

覺得條友好似成龍

換後生就成套戲都格格不入
唔會有呢種味道

part1 個feel直頭好似92黑玫瑰好正

其實我覺得呢到係要代入返佛學哲理去睇
當佢睇盡所有可能性時
明白人類只係宇宙循環的一粒沙塵
去到第三章all at one 對應佛學的一即是全 全即是一
而It doesn't matter嘅意思亦都係佛學強調提升心靈嘅方法就係放低執着 放低自我 去順應世界

落花流水

It doesn’t matter, nothing matters.
But only you matters.
I am coming to get you.

戲入面都有個大鼻

石頭呢part好正

一開初佢個種煩厭法比得上佢奪寶奇兵2既演出
但之後既反轉同舖排令到佢變到幾討好
掃玻璃時同秀蓮攬攬個下我都咇左少少眼水

「無用之用，方為大用」

睇呢套嘢眼濕多過笑
佢除咗肛塞真係sell on9之外
其實好多笑點背後都係勁sad
不得不讚佢啲象徵、鏡頭都玩得好撚正
尤其最後將所有展現過嘅嘢放埋一齊再昇華真係好爽皮

如果係後生版, 變咗30歲evelyn?
佢嘅煩惱同掙扎係.....阿女升中試? 驚老公出軌?
成件事唔同嘥
就係要有mid life crisis 一定歷練/後悔/遺憾嘅先有呢個味道

有啲人睇戲好趕時間 出左劇終the end就即刻起身

唔會過份解讀啦
其實所有野無意義=自由其實就係存在主義嘅核心思想，我覺得勁多影視作品都有受到存在主義嘅影響，從世界冇意義(虛無主義) -> 正因為冇意義所以我地先咁自由 (存在主義)係常見嘅技巧

我反而覺得呢點正正就係電影先表達嘅野之一

另外我覺得佢地認為自己人生冇意義其中一點仲係因為其實自己宜家所處嘅人生好「虛」，只要有一念之差成個人生就會有翻天覆地嘅變化，咁證明左自己嘅人生冇野係注定嘅冇野係promising，世界都建立係一個唔穩定嘅基礎之上，所謂「菀物皆虛」
但之後就好感動咁in every universe 都 I am coming to get you, 係所有universe都有嘅就係愛 (愛嘅對象可以唔同，其實一個對象仲係報稅肥婆)
不過呢part就可能真係我過份解讀

覆錯人
原先先覆呢位ching的

個老公我一開波仲以為成龍黎

我反而感受到套戲講存在主義多過家庭倫理
好似比較少人用呢個角度講呢套戲

想講老公老婆真係好似Beth & Jerry

一路睇一路諗番起好青年荼毒室有次講起宇宙虛無感
去到最後都係自己定義人生同選擇點睇人生

喺Bagel個白色世界入面，阿Joy有幾幕個樣好似阿Joyce