[劇透討論] 點睇《救你命3000》導演s新戲《奇異女俠玩救宇宙》

呢套野d edit 好撚癲唔止係多同密仲好有心機，我睇緊個陣諗到底用咗幾多時間去剪 套野長咗少少到最後feel 到d 觀眾有dd 悶同埋某d 位一輪嘴講expo 有d 滯不過整體好有驚喜d 服裝都整得好好，我諗呢鋪應該係楊紫瓊嘅代表作。唱粵曲個度唔知點解好感動

絕對有sex related嘅嘢
雖然主題跟家庭倫理有關，但係一套要消化而偏另類嘅奇情片，未必容易欣賞。

啲笑位睇開8/90年代港產片一定接受到

我諗我喺你口中嘅其中一個柒頭
大家9up下戲名笑下唔使咁認真嘅
上次係幾好笑
今次真係牽強咗啲啵 師兄
你仲要拎返講 自吹自擂

Sorly 其實我喺呢邊本身都諗住輕鬆9up討論下姐～
只係好奇香港啲part名會點樣譯？ 想分享吓大家嘅睇法。
點知班友就咁認真惡死追住我黎咬 又冇乜建設性嘅提議

可能你同佢哋覺得我自吹自擂la 但我從來唔係咁嘅意思。
純粹想再分享笑下上次同一個Stupid Joke，你見佢哋都冇睇過另外一邊個Po 唔知之前個comment嘅存在啦，我點L知今次會變到咁兩極化，正皮負皮倒轉相反世界ar 如果真係牽強尷尬唔夠創意咁我喺度道歉，唔好再為拗而拗，打稻草人。同埋我從來冇講過自己個On9戲名係高質，當然比唔上專業嘅香港電影翻譯啦，而上邊我所講嘅「抄」只係代表班門弄斧 毫無高低之分，並十分尊重「碧落．黃泉」「一樹梨花壓海棠」能夠引用中國博大精深詩詞典故的高文化修養人士，只能夠講小弟才疏學淺 係普通人一個 唔識嘢。完啦好嗎

感覺係因為你一開始好驚訝咁否定咗中文翻譯先 所以大家當咗你係過嚟挑機

睇完

個女做得好
part 1好睇 part2我覺得佢遠左

如佢加一part 係唔好扯到太遠 會好d
頭一part 明明咁好玩

但part 2 要解畫就收左手咁

唔會推介俾朋友 因為後半佢地一定屌

吾系甘牙

可能我習慣咗連登乜都屌咗先 想扮高級連登仔掛
因為之前幾個post大部份人都唔滿意香港個戲名《奇異女俠玩救多元宇宙》追捧台灣個翻譯《媽的多重宇宙》 多啲；
而台灣嘅中文字幕又出現咗關公事件正常人睇唔明（咩武媚娘愛缺、王安石）俾台仔屌爛話懶高深Out of context
咪想問一問香港版本啲字幕點？睇吓呢度啲人覺得上面嗰幾句標題章節係唔係「超譯」，一齊討論吓個意思囉再加上自信copy之前成功吸正評嘅爛Gag點綴一下點知事與願違。

套戲前果幾幕都係動作戲又打得咁精彩，之後變石頭果野勁反高潮，開頭連配樂都冇得純文字同畫面，當下覺得好震撼

之後石頭look去救果女果part又係
可能我眼淺，之後同個老公/個女不斷係唔同時空對話果part睇到我係咁哭

後面我又笑又喊就黎痴線
睇完出戲院又無啦啦笑
自從戲院開返睇左n套戲有d失望有d感觸有d想𠝹櫈
係得呢套我睇完 真心笑左
輕鬆 好笑 又感動 又好似有d得著
好開心我揀左入場睇呢套戲
各種體驗都滿分

唔知有冇人講過

之前個女話it doesn't matter，係話經歷過所有野後發覺所有野都係冇意義，因為永遠有另一個「可能性」有另一種發展，現有嘅野根本不值一提，就算擁有幸福都只不過稍縱即逝、過眼雲煙

但後面楊紫瓊攬住佢話it’s okay, it doesn't matter，就係對應返之前話嘅「可能性」，因為就算錯左我地都繼續擁有唔同嘅「可能性」亦會繼續有可能去經歷果d人生中只佔有一少部分嘅「有意義嘅時間」

當然呢句亦可以單純指返母親對個女嘅愛與包容，但我認為父母對子女嘅愛其實就係相信佢地嘅擁有可能性，就算佢地幾失敗幾截墮唔會對自己嘅子女失望

最後個標題everything, everywhere, all at once, 就咁好似解全知全能(好似耶穌咁)

但我理解係望到其他人嘅可能性發掘別人好果一面，例如廢除老公嘅樂天&善良，稅務審查肥婆嘅人情味嘅一面；真正嘅everything, everywhere, all at once 唔係無所不能而係了解到其他人都有'kind'嘅一面或者有’kind'嘅可能性

雖然套野開頭睇起身好似d無厘頭嘅cult片但講d野都幾有意思唔好提佢仲講埋移民&家庭觀果類議題

我睇果場有幾個人真係喺中間假credit果度走左

我有兩秒都以為完左
因為果度睇左好多吸收左好多真係lost左好撚正

我覺得熱狗宇宙係講有缺憾既人既相愛
對手係熱狗係指身體殘疾既人，你見佢iphone係用我地用緊既size, 琴都係我地所認知既琴就知佢地對手係熱狗其實係唔正常
加上同性戀向劇中係一種禁忌亦都係唔正常既表現

明星個主題唔係講溝通，而係講初戀既遺憾，有幾多人始終放唔低個初戀

浣熊係講跨物種既愛，現實都係，貓狗可能就係對某個人玨親既伴侶

其實套戲所有宇宙都係圍擾緊一個主題

睇番好多野一早已經有伏筆
一開頭joy好慘咁望住個洗衣機轉已經預兆之後果begal黑洞
會計婆暴走果幕soundtrack用左改版clair de lune，又係之後同一角色用腳彈番

好睇
但尾1/3嫌太說教

CHING好波
仲有就係楊紫瓊前幾幕話討厭佢老豆咁易放棄個女
最後就到個女話「比我自己一個啦」 佢一開始話OK由個女走左去，但最後都捉返住個女

表達到比子女去做佢地想做既野既自由同時都對子女既不離不棄

個對比好強烈，睇到好滾動

個女會向咁多個宇宙都搵緊楊紫瓊係為左想搵到一個明白佢既呀媽
楊紫瓊都因為 one reason而向每個universe拉住個女唔放，就係愛呀哈利

會唔會係咁ON99

同咗老母睇 本身冇預期玩肛塞呢啲但佢都OK（本身佢係唔准人講粗口 連痴線都當係粗口個挺人）
反而比較尷尬係我同佢嘅關係exactly同套戲一樣

你睇佢一開始熱狗猿人打死正常猿人都知個宇宙係玩野

同埋佢有明顯舖排一個個宇宙一個個釋懷咁成長

我眼中明星宇宙既經歷係楊紫瓊開始對老公另眼相看，然後比機會佢發掘老公既內在美，呢個宇宙係用黎比兩公婆企後一步互相諒解。你記得一開始佢話「原來我當初唔跟你走會過得咁好」

不過唔緊要啦，唔同人睇到唔同主題先係好電影

真心好睇
玩多元宇宙已經精彩過dr strange
仲講埋家庭倫理 存在主義 移民社會問題
癲撚到

好好睇！楊紫瓊係咪第一次拍D玩到咁癲嘅戲？笑得嚟又有D感動。

其實套戲真心好睇
一開始以為鳩片，但原來好認真討論咁多野

猿人爭霸戰個幕真係好正

明星個段我再諗深一層之後比我既感覺係「名利vs愛」

男女主角都名成利就，但就缺乏愛情

男主更加係想要愛情多過名利，佢先係更值得講「I love you in every universe」