求救，老豆腦退化已不能自理

無辦法都要 唔係你媽病埋仲慘

最好梗係請個工人姐姐
由其照顧者都年紀大，有乜嘢事都有個人幫手睇下打電話報警
個老人家一定死都話唔入老人院，又話唔要第二個女人照顧，但請到返嚟都冇得佢say no
到時就會慢慢接受

唔好搵醫務社工
要最快應該搵長者中心
大部分醫務社工好鳩懶
收完個case搞一大輪都係refer返去長者中心開case做評估

利申：長者中心社工

問佢憑咩覺得可以揀

本身有冇排老人院？
你又可唔可以講多少少你阿爸個情況？
但係無論點，你都可以搵吓屋企附近嘅長者中心
幫佢排長期照顧服務既隊
到時嗰邊會安排一個評估，評估你老豆嘅情況
如果你想居家照顧，嗰邊啲社工應該會幫你搵居家照顧嘅資源。
如果你老豆情況差，可能會安排去日間中心，或者直接幫你排安老院嘅隊。如果去日間中心，最少日頭啲時間你阿媽都可以休息吓。

腦退化都已經唔知發生緊咩事啦

送佢入老人院啦

點解d廢老咁自私

老實咁講，有腦退化尤其去到中等到嚴重，基本都係要高度看護。
留係屋企三大要素，可以去自己去洗手間，可以自己沖涼同自己食飯。後面兩個都話可以請人或者屋企人幫手。但係失禁，尤其大小都失禁嘅時候，基本都係要老人院舍，因為好容易會出現尿道感染之類嘅問題。
仲未計佢可能開始wander，有比較aggressive嘅行為，呢啲作為家屬除咗會直接面對危險，同時間無可能24/7去望住而壓力唔爆煲。
係時候搵定社工介入同為患者同第一看護者做最合適嘅決定，唔好等兩個都唔掂先再亡羊補牢。

同埋而家冇得直接送去老人院
即使係，都係一啲暫時宿位
睇情況而定，會住42日去到90日不等
但係中間你就要同佢搵定一啲私營安老院

我唔建議去老人院
最好加錢請工人同媽媽照顧
我屋企人做老人院社工
去過幾間 大部分老人院嘅環境都差
沖涼會沖唔乾淨
patpat容易爛 尤其你爸爸腦退化
講唔到自己訴求 更加唔好去
真心唔建議
但一定要搵個人幫輕你媽咪
因為照顧腦退化 一個人會好大壓力同負擔
好容易有抑鬱
有人幫輕會好好多 希望你睇到個留言

唔易揾到人肯做。

係呀照顧者的確勞心勞力！好欣賞你關心阿爸阿媽。

可考慮盡快聯絡當區嘅長者地區中心或者長者鄰舍中心或者醫院醫務社工，申請長者照顧服務。除咗安老院可以考慮家居護理，送飯陪診護士物理治療職業治療師上門探訪等等，減低阿媽照顧者壓力。另外評估申請日間護理中心。

可考慮上社署長者資訊網參考資料。

送去瑞士安樂死

但其實點都好
都一定要排左老人院先
有認知障礙症，可以退化得好快
可能好快就會不能自理
照顧者嘅壓力只會越來越大

老人院嘅質素可以好參差
只可以排一間好啲嘅安老院

係
排定當買定保險

有邊個老人家會想住老人院
但你老豆又腦退化又行唔到路又失禁
仲可以有咩選擇 亦唔輪到佢選擇

樓主老豆照計應該有睇緊老人精神科，所以msw應該refer唔返到去長者中心。
其實一開始應該先揾長者中心起碼個社工對該區資源都熟啲，比嘅建議都切身啲。

帶埋你老母走等佢自生自滅算啦 啲死廢老唔見棺材唔流眼淚架

請外傭啦

老家係咩

醫務社工最多俾個list你自己一間間打去問有無位同幾錢

入左醫院住緊就搵醫務社工
唔係醫院就搵長者中心，長者中心社工會約時間家訪