求救，老豆腦退化已不能自理

個人經歷排到去咗都未入到
物色下私家

呢樣真
可以問醫務社工拎指定地區所有私家老人院list逐間問

有冇唸過試下搵社工

已經不能自理 唔到佢肯唔肯
但私營安老院要跟緊啲
多啲探佢
啲職員見到就未必會怠慢你老豆

可以搵啲日間照顧中心 一日放你老豆去幾個鐘
幫唔晒 但等你阿媽有少少時間抖下
仲有啲家居照顧服務 可以送飯 做家務 上門做運動之類
（但所有政府野都係要排）
唔知有無啲老人中心會有埋呢啲日間中心喺附近，到時叫阿媽推佢去日間中心 頭幾日問下可唔可以全程陪，等佢熟集下，慢慢同佢講我之後就去隔離參加活動 你喺到等我接你返屋企，
一開始實發脾氣嘅 捱過咗就慣架喇


腦退化都幾影響脾氣 不能自理更難搞
佢唔想唔代表唔可以幫佢排嘅 因為排都唔係即刻有（政府嗰啲）點你都搵社工幫佢申請咗先，排到就送佢入啦，係為佢好

多謝樓上熱心巴絲意見，全部睇到哂，謝謝先

唯今之計，真係只有趁佢唔舒服call入院再直入院舍

講道理已經講唔明佢

揾左當區社上左表俾社署等上門評估

我老豆係第一代宅男
無事無幹已經成日宅係屋企
何況而家行動不便，連床都唔肯落
唔駛諗送佢去日間，

咁無仔女又有腦退化既老人會點？😢

咁其他人入院就因為咁 冇床訓 訓廁所門口 訓冷行 投訴啦on9

其實你唔係求救 你係覺得無得救
所以所有方法你都唔會覺得可行
雖然佢的確係惡頂唔肯郁
但佢唔郁 你又有野想轉變的話 你就要做郁嗰個

或者應該問 你覺得有無咩方向係可行少少？
因為最熟你屋企嘅都係你

首先一定要搵醫務社工，幫你排住老人院先，同睇下有冇咩社區支援先(其實好多）。

正如你所講，有咩唔掂去醫院，可以係跌到，亂多咗，etc，跟住入院，同醫生講有caring problem，會搵辦法幫你。睇下你排邊種老人院同咩價錢，有時好以好快嘅....

之前有冇做個formal 嘅test呀? 入了院會做MMSE/MOCA呢類嘅test證明佢認知障礙程度，有其他assessment判斷佢自理能力如何(e.g. Barthel Index)，之後就算佢唔肯但屋企人要求其實都送到佢入老人院，迫不得意亦可以搵精神科同事證明佢not fit for decision making

（醫護，想知多d 再講)

通常彈俾醫務社工都係因為個case要申請傷殘津貼、綜援加補助金要醫生紙
至少我做咁多年，只有msw開完case連form都冇上社署就彈過黎，我哋係甚少會有個案俾msw，反而ifsc都叫有機會

有，醫院病史已存檔認知障同腦退化

唔夠床位就鬧使用者
知唔知根本問題係邊呀？

咁你哋好負責任
我做0個區真係食得屎

msw跟嘅LTC case係有覆診開老人精神科先會跟, 否則都係轉介比居住服務範圍嘅長者中心社工, 呢個係一早deal好的, 唔關咩區咩醫院事
(當然你第一步鍾意搵邊個都得, 但社工係係跟指引做轉介嘅)