求救，老豆腦退化已不能自理

老竇老母早幾年走咗，臨走之前都係咁樣嘅情況，工人都未必搞得掂，要搵社區服務上嚟幫佢哋沖涼，一個星期上嚟兩次，之前仲搵埋送飯嘅服務，清潔就另搵鐘點上去幫手清潔。但係做仔女嘅自己都要跟。同埋老人家開始要用尿片，要識得換片。

次次見到呢啲case都諗…
係個跟緊既社工跟得唔好定case屋企人咁堅持

轉個角度同佢講請工人幫你呀媽手

工人起碼可以分擔其他家務 例如洗衫打掃之類

媽媽可以做少啲 無咁辛苦

咁長遠計送入院舍長遠計會係最好選擇，尤其係媽媽年紀都大
宜家要搵外傭都好麻煩，短期內都唔會即刻幫輕到媽媽
我諗呢刻真係首先考慮左NGO嘅鐘點嗰啲，雖然一至五都係上門兩三次
但都好過五日都一個人困獸鬥望住自己老公病情愈來愈差
可以的話睇下有冇辦法申請到送餐服務，咁媽媽又可以做少一樣
我一開始都格硬頂，係有一次入醫院覆診講左個情況，去左見醫務社工後發現原來坊間其實都幾多support，但真係要自己搵/社工教路


辛苦你啦，希望你同屋企人都可以好好照顧自己

屋企當年爺爺嫲嫲都有腦退化
就算當時我有工人加我媽唔洗返工咁照顧
再加我成堆親戚每星期探望
都係搞唔掂
腦退化除左精神脾氣變差
仲會好易走失 同埋失平衡跌倒
屋企就係試過幾次大跌爆盤骨
屋企人精神壓力好大 夜晚唔敢瞓
所以就算我老豆點唔捨得 都要送去老人院
起碼有人分擔到
就算送去老人院 你排都要時間
果時無疫情 我老豆日日會抽時間去老人院陪兩老
星期六會湊佢地去飲餐茶
咁樣照顧者無咁大壓力 亦都可以確保老人家有照顧
送去老人院唔代表唔孝順
Or 你搵下有無日間照顧中心
平時可以湊佢去 起碼你媽媽有時間休息做下自己嘢
而爸爸又可以係中心做下訓練
以上方案你爸都唔肯的話 遲下你要照顧埋啊媽
一開頭係需要時間比爸爸接受 但無辦法
樓主加油

呢樣唔肯,果樣又唔得,唔好理囉,樣樣都唔得
現實係請工人
工人做日常生活飲食,老母就專住照顧
一個唔得就請兩個,難就梗㗎喇

你以為啦，好多工人揀工㗎，知道要照顧老野厭惡性佢哋唔會嚟同你做。你唔會夠人搶

香港係有護理員兼職嘅。救急就穩住佢哋先。
樓主講得有考慮比老人院就預咗萬幾二萬蚊㗎啦。老人院，除咗政府嗰啲，私院真係盡量唔洗入就唔入。政府嗰啲就排四五年啦。

不過你搵咗醫務社工之後呢，佢係會安排一啲上門嘅服務嘅。基本沖涼同埋上嚟同老人家做運動都有嘅

主要政府民生問題解決得唔好
真係迫到一個辦法都無打去問社工仲有咩辦法
都係叫我地唯有等輪候

唯有見步行步等老豆湊住先
不過我情況無樓主咁差
我有兄弟姊妹同屋企人住
兩老不是獨居
老豆未至於大壓力成咁

老人院不過香港啲老人院

長遠計一定係入院舍架啦，雖然唔啱聽，但照顧者年紀有返咁上下又開始有情緒問題
呢個時勢請外傭又有排搞，同去親醫院覆診都見到啲外傭唔係好識照顧老人家
CCS應該暫時係最急切可以舒緩到媽媽壓力嘅方法

https://www.pinecaregroup.com/silverage-collection/
靚過大把人屋企

屈你你母咩！鬱呀！
Btw呢啲情況只可以即刻辭咗份工返去照顧佢，陪埋佢最後嘅日子。

我明啊ching
之前好難得請個工人
做咗兩日都頂唔順
因為老母見到唔熟悉會郁手打工人
而且英文又溝通唔到更難照顧
而且失智唔係殘障
仲行得走得 控制唔到佢周圍郁
工人都控制唔住

所以請工人其實貴之餘係唔一定解決到問題

你知唔知萬幾蚊私院係已經最cheap最無私隠無衛生的一個床位

咁如果有正常屋企人照顧
通常都會叫你加油就算
因為社會資源就係多
未去到最差嘅情況，都唔會想動用社會嘅資源

又唔好嚇鳩人，未到最cheap嘅
但唔會係好㗎囉

但其實都好悲哀
後生一代無可能唔返工日日係屋企湊老母
開飯都要錢架
老豆係仲湊到但年紀都大
只能盡量等到公立院舎有位囉

雖然好似黑心

但政策下最好最快最正最平

一巴摑落去叫佢收嗲

請鐘點
一日做幾個鐘果啲
雖然未必識照顧老人家
但洗衫煮飯都幫輕吓

如果你要照顧有腦退化、無法治理嘅人，起碼要有2個人一齊照顧先唔會崩潰

呢個真，唔好俾老人院個名呃到，入邊其實好大浸味同埋污糟