求救，老豆腦退化已不能自理

無人肯接出院，而屋企人話有caring problem係可以refer msw去安排老人院，等位期間可以去復康醫院繼續等，或者返住屋企等。
個問題係呢個情況唔係叫”申請社處做監護人”，唔會咁樣而申請guardianship，因為屋企人係繼續擁有病人個醫療決策權架

腦退化晚期臥床多，難搞就一定，但唔一定搞唔掂
最慘反而係初中期，行得走得又有行為問題個D，例如玩屎尿，玩尿片，走失，先至最難照顧

我明你意思
你個情況係屋企人仍然關心patient，但無能力照顧
我意思係屋企人直頭玩失蹤，完全唔理個patient
咁我唔知msw係咪咁大權力可以就咁安排patient去私院了

無話遺唔遺憾，人有生老病死，每個人都有呢一日。要怪就怪自己無做好準備，後生時要做嘅嘢無做，所有不滿，最後都係自己負責

唔肯接唔會逼？
當醫院係酒店？
個個都唔肯出咁死得啦
起多十間都唔夠

應該要視乎個病人有幾多身家。Guardianship order(GO)主要針對申請唔到綜援嘅精神無行為能力人士(MIP)，呢類人士一般個戶口都可能有十幾廿萬，但當成為MIP時，戶口就會凍結，最親嘅家人都唔會拎到錢，咁冇錢就自然俾唔到錢去應付日常開支，咁就需要申請GO去授權第三方動用到戶口嘅錢；

但如果個病人本身嘅錢唔多，可以申請綜援，咁其實就可以代佢申請綜援，然後開個戶口袋住綜援嘅錢，去解決日常生活開支。如果咩人都冇，咁醫院嘅社工就會轉介綜援，然後社署就會有社工負責管理個綜援戶口，幫佢找院費等等。

所以如果個病人本身係可以申請到綜援，社工唔會put up個case，Guardianship Board一般亦都唔會批。

頭盔，當然都有見過啲extreme嘅case都會批，例如有家人，但係反對去老人院，同時又唔接返屋企，又拒絕傾care plan，然後喺醫院滯留好耐（不過似乎唔係樓主嘅case）

最辛苦係樓主媽媽
講工人打理屋企家務
你媽媽只照顧你爸爸
你又多d 返屋企/同媽媽傾計應該係最好方法

學到野
但如果無屋企人配合
點樣check到佢有幾多財產

都曾經試過根本查唔到有幾多身家有時未必係屋企人唔合作，而係啲老友記好多時都唔會同屋企人披露自己有幾多錢，又或者個簿仔唔知擺咗喺邊。曾經有問過綜援個邊，佢哋嘅答覆係，會要求盡量搵，但如果搵唔到，佢哋又相信嘅話，都可以申請到，即係講到尾，都可能講個信字

睇你爸爸腦退化去到咩程度，醫生評估係中期以下，大約都要等兩年以上先去到政府津貼護老院。

有工人你老母都可以一齊幫手嫁姐

買airtag

touch wood 係屋企pk 有事上黎 真係會死
去左老人院叫做多人睇住，最多星期六 日 同佢飲茶
但你要預左入老人院之後，佢精神會drop得好快