【文學】嚴選十大香港小說作家

金庸一定係第一
淨係個影響力前無古人 後無來者
有咩理由金庸唔係第⼀
我自己唔睇武俠小說都係咁話

高質 留名得閒搵書睇

珍

btw 見到你個名想開個嚴選十大藝術家

盛世戀

董啟章同黃碧雲都係黃

樓主既排名好個人，好難講咩對錯，但咩係「文學價值」，似乎有討論既餘地。

當一d大學生文學人好隨口咁講xx作品文學價值有限，佢地口中一直講既「文學價值」到底係咩？

講文字工夫，金庸果種傳統小說白話冼煉到爐火純青（修訂版，新修版都差d)。五十幾年黎個個寫武俠既學養再深，拍馬都追唔到，想學都學唔黎。
相比之下，例如西西咁，某哲學教授其實講得無錯，西西中文的確係「唔好的」（唔理後來根本係雞同鴨講既罵戰）。
咁點解拍落去，金庸小說既「文學價值」又會被比下去呢？

再講情節、人物塑造、創意，金庸都非常強。
大作家最恐怖既地方係，你睇小作家既作品時，無啦啦會有「屌，阿大作家本xx咪寫過類似既野？」小作家眼中既絕橋，只係大作家無數條細橋之一。
金庸之於武俠小說，就係咁樣創造左一個新宇宙既大作家。最近重讀返小小金庸，發覺就算係古龍既風格，其實金庸多少已經hi到過。金庸既司徒千鍾，咪就係古龍司徒摘星陸小鳳等浪漫武俠既雛形？只係係金庸既宇宙，佢會落得過不得好死既下場。

通俗唔等於低俗（金庸既文化內涵恐怕唔洗講），你比納博科夫簡大仲馬定一位二流既嚴肅作家，佢都會簡前者。（甚至講「人性」，金庸既工具係粗淺，但效果未必會輸嚴肅作品）

兜左一輪，到底咩係「文學價值」？文字工夫唔計、情節想像力唔計，咁樣田忌賽馬式既「文學價值」真係可以令我地更有品味？定只係窄化左我地既眼光呢？

我都係嚴肅文學既讀者，明白佢既追求同價值，當然都明白現代文學既追求同金庸既通俗小說唔係同一條路。但隨口就講xxx無文學價值、xxx難登大雅之堂，我會覺得咁樣係雅得太俗。

哈利波特夠多人睇影響力都大，但唔會有諾貝爾文學獎
影響力大小多唔多人睇同藝術成就未必成正比

btw 有睇金庸

但金庸嘅小說係有學者去研究喎
就算佢唔係第一，都應該係前五？

金學
咁哈利波特都有學者研究

亦舒係倪匡個妹
一個屋企出兩個咁勁嘅作家

勁嘅作家一般都係

小思呢？

金庸如果唔係連載小說，而係直接寫，同埋結構上執好啲，排名可以再高2-3。

流行小說玩情節同人物，唔會令人讀得辛苦

而讀得嘅辛苦嘅嚴肅文學有高手嘅有低手嘅

西西小說語言唔係最好，語言好唔好係評價小說嘅其中一個Point，但係好多當代華文大家其實語言讀得辛苦（有啲仲多方言），語言可以係用來評價散文嘅重要指標。但小說被翻譯之後，影響力同埋水平就係睇情節同主旨隱喻嘅嘢。

西西黃碧雲都係穩定嘅高手，西西小說係贏形式，小說要發明新嘅形式幾難下。例如哀悼乳房同我城。

董啟章就間唔中都低手

王証恆《南歸貨車》

韓麗珠《黑日》《人皮刺繡》

潘國靈《離》

鍾意愛情、冒險可以讀天航嘅小說，流行但質素係近年流行作家之首

我諗呢到嘅文學價值其實係講緊喺文學呢個藝術表達形式嘅價值，即係其實都可以用藝術價值去諗咩叫文學價值。

點解直覺上一講文學價值，我哋會將西西、劉老等人排喺金老之上？我覺得係之於我哋對藝術本質嘅直覺。藝術係一種挑戰或者反思表達形式，同時要表現出美感嘅活動。劉老將兩件事都做到極致，老實講我未睇過咁易入口又有咁大趣味性嘅意識流作品，佢完美地將挑戰形式同保留可讀性之間取得一個平衡。

金老文字工夫確實上乘，喺武俠題材方面亦有獨創性，更加配合中華文化去講，成件事爽得嚟又有若干深度，如果純粹以睇小說嘅個人體驗去講，可能金老都幾頭。但劉老、西西等人可貴於佢哋發掘更加多係文學上表達嘅可能性，同時表現出趣味性，可以話係好少實驗失敗嘅實驗性作家。

厲害

一直由體育時期開始追
最近本後人間喜劇睇到我有啲r頭個風格好似連登故咁鳩鳩地

金庸真係低左d
做到雅俗共賞都唔係咁易

如果想睇董啟章嘅小說,各位巴絲推介邊本？

十大詩人好難揀

講青春成長期、故事性豐富啲嘅個人會推體育時期
成熟少少而又不失故事性嘅可以試下神
天工開物嗰類我就唔是好識欣賞住

Who the fuck?

如果金庸都係得第八 咁黃易頭30名都唔會有佢份

最愛黃碧雲