【文學】嚴選十大香港小說作家

其實佢學咗好多前人例如梁羽生嘅嘢，新武俠唔係單靠佢一個先成體系

直頭係偉大. 金庸小說傳播力華文世界數一數二
未見過有華人小說作品嘅IP 勁過佢
幾乎全部作品都被改編過做影視作品 有啲仲要翻拍幾次
仲有改編過舞台劇/歌舞劇
另外通俗嘅漫畫 遊戲 周邊人偶玩具 同人作品無數
已經證明佢雅俗共賞嘅藝術性係極高
高到可以成功橫跨不同界別
絕對經得起時間考驗

文藝成份，包括結構/表現手法/創意/意象寓意/等等 好多時都係圍內人圍威喂構建嘅大臺
呢個臺好似左膠個龍門咁靈活 有時就內容為主 有時就撚下文句 有時又吹下意象新奇
好似詩品評陶淵明詩為中品 夏志清貶損魯迅
評論員準則唔同 又受時政局限 唔洗咁認真
時間會證明一切

詩經係山歌 柳永詞係倡妓傳唱嘅流行歌
白居易嘅詩淺白到文盲阿婆都聽得明
水滸三國集街邊講故佬口水而成
撈埋紅樓金瓶 誨淫誨盜 直頭違反國安 例為禁書
但偏偏最多人睇
嗰啲扭結構文句用字
十隻字九隻都唔識嘅楚辭漢賦 如今安有人識？

文藝成份好多時都係圍內人圍威喂構建嘅大臺
正皮比呢句金庸我就唔讚啦 陣間又比人話係金庸fans發脾氣

真

講得幾好金庸真係爐火純青、大小說家

家國情仇、身份認同、兒女情長，天龍八部講貪慎癡，半部佛學全部都有晒，都仲係輕小說家

天龍八部根本就係小說頂峰例子，三個主角三條主線互相交錯構成一個綜合故事，喬峰嘅悲劇段譽虛竹嘅喜劇故事都可以結合無抵觸。
少林寺三英戰三惡已經係故事高潮，但之後蕭遠山慕容博出場解開謎團，再有掃地僧出場，簡直係高潮後再高潮。
古今邊本小說劇情鋪排可以有呢種功力？然後你同我講都係不入流？

我睇咗d snippet
冚唪冷「這那們不是的了」。邊撚度粵文？
https://book.douban.com/subject/11538656/annotation?sort=page

https://www.books.com.tw/products/0010565026

乜試讀好難搵

當然比起其他作家佢嘅知名度同嘅影響力係冇咁大
但我又感覺佢嗰啲刻劃本土情懷嘅作品寫得好好
呢類型嘅作品嚟講佢算係表表者
例如《太陽下山了》同<鯉魚門的霧>
入面有小人物喺城市生活嘅具體刻劃
定係50年代嘅社區舊貌都好細緻咁呈現到出嚟
睇完之後都覺得為之動容
可惜嘅好似流傳度唔太廣
好多人未睇過

但除咗上面兩本，其他佢都寫得麻麻

唯有飲者留其名

高汁帖
個個個名都識，但真正只睇過幾本
幾慚愧

唔覺，睇左1/4

唔知你有無研究香港文學史。

武俠小說興起係因為報紙，純粹係市場主導，商業作品，但商業作品都有高低，金庸係商業市場上係絕對成功，但你話係文學性嘅程度上，我唔覺得有咩出眾嘅位。

咁到底咩係文學性呢？

有幾個layer可以討論

第一層，佢嘅結構上有無獨特之處，例如劉以鬯嘅對倒用左平行方式表達兩個人不相干嘅人係世界中有一種互相影響嘅引力；James Joyce嘅尤里西斯最後一章係全文無用到符號，全部都係用連結詞連結起，去表達意識嘅流動。呢啲就係結構上嘅創新。

第二層，就係文學作品嘅歷史與哲學意味，例如余華嘅傷痕文學去表達緊文革嘅一代人受到嘅傷害，係人文世界上有一種教育、傳承嘅意味。

第三層，就係本身有無一個創新性、對文學世界嘅進展有無推進力。

金庸嘅小說本身嘅目的得兩個字-賣錢，你睇返六七十年代嘅文學評論，佢地係認為武俠小說嘅本質係娛樂主導，所以劇情一定好睇，但同情色文學係同一個類型，甚至破壞當時嘅文學風氣。

情況就好似我地而家去睇連登文學一樣，可能幾十年後啲人吹捧連登文學世界級，但我地當代去睇，連登文學純粹娛樂，無咩文學性可言。

你完全無答到任何嘢，咩叫文學性？金庸嗰啲喺報紙連載嘅小説係缺乏咗啲咩所以先會導致你口中所講嘅唔夠文學性？

如果話金庸冇文學性 ，係同咩小說家比較？

點睇張愛玲〈論寫作〉入面對通俗文學嘅睇法？

你可以去圖書館睇吓有幾多研究金庸作品既評論書
睇返一兩本係咪仲係你所講無文學價值
連城訣寫人性醜惡寫得幾好
笑傲江湖日月神教諷刺文革
呢D 你又唔承認係文學?
唔係寫到好似文人叫春文先係文學
用文字帶出背後意思都可以有文學價值
你就好似覺得去大牌檔食唔到米芝連既廚藝咁，總係覺得大眾睇既小說無文學價值

我唔知自己有無理解錯，張愛玲話作品要得多啲人睇，要注意到群眾興趣範圍，我自己認為呢啲就係商業主導，我估世界上超過一半數量小說作品都係為娛樂，因為人嘅吸收有高低，寫得太深奧就淪落到孤芳自賞。

劉以鬯明白到全職作家無可能永遠寫自己喜歡嘅嘢，所以日頭就寫商業文搵錢，夜晚就寫自己喜歡嘅嘢投稿去星島晚報，先有後來嘅「酒徒」「打錯了」。

作者寫一本小說本來就有目的性，有人為搵錢，有人想說故事，有人係想挑戰自己。紅樓夢定係金瓶梅都唔係一本容易讀嘅書，最起碼，紅樓夢除左娛樂之外，更多嘅係歷史、哲學嘅貢獻，我認為呢啲就係「文學性」。