【文學】嚴選十大香港小說作家

我睇書唔多
陳慧 拾香紀
蕭紅 呼蘭河傳
散文有買過幾本 胡燕青老師 作品
最近睇o左 卡繆 異鄉人
都覺得以上幾好睇

最近想睇 劉以鬯
睇邊本先好

最知名就《酒徒》 ，《打錯了》都係個好選擇

蕭紅唔係香港作家

劉睇酒徒喇

上面D人話無啦啦又戰﹐我想講﹐之前我真係算請教緊﹐而家就真係想寫戰下：

1.結構
批評家會吹《對倒》既架構何等精妙﹐人地賣文無辦法唔吹﹐但你真係信既話﹐我真係會懷疑你既判斷力。
《對倒》成本小說既結構係check list黎﹐男主角既諗法A，之後直接對應女主角係同一件事既睇法B﹐然後列舉唔同主題﹐就咁寫成本書。場景都唔洗點用。其他唔講﹐係結構上《對倒》反而係非常簡單、甚至講得係匠氣。
(同蔣捷首《聽雨》一樣﹐導讀賞析吹到幾神妙﹐章法上反而係好簡單)

再睇返《安娜·卡列尼娜》既雙線敘事﹐人地果種就真係自然﹐列文同安娜既人生觀/諗法無刻意咁並排一齊(納博科夫指出左佢地時間線上既不一致)﹐活出各自既人生﹐但我地又睇到當中既對比。

反觀《對倒》﹐一章係淳于白諗到「唉﹐而家既人真係拜金」﹐下一章就係女主角(唔記得咩名)諗「我一定要做明星搵大錢」。下一章就係淳于白諗到而家既電影好無聊﹐下一章就女主角睇住狄龍眼金金。

咁既架構之前可能無咩人做過(其實我唔信無)﹐但咁真係稱得上叫「好」?Are u serious??

(酒徒要做既野甚至更簡單：併貼、將自己既諗法講哂出黎了事)

2.歷史與哲學意味、思想價值 (劉以鬯既人物同對話)
你似乎好睇唔起金庸既文化內涵﹐依點之前有討論過﹐唔重複。

但《對倒》同《酒徒》(《島與半島》等)既思想意味就好好? 從劉以鬯既眼光裡香港六七十年代完全係垃圾、道德破產﹐後生妹就係拜金﹐新世代就係不仁不孝、膚淺低能。

《對倒》可能係用左新手法呀﹐但係佢眼中一個六七十年代既後生女只能係咁––––佢真係有寫得出當時青年既靈魂?寫出當時青年真正追求、疑惑既野?

無﹐係劉以鬯眼中﹐u guys are all so selfish,so foolish , that's all.

我會好懷疑佢呈現出黎既圖景﹐今日文化研究同香港史都發掘左好多當前有趣既野。到底膚淺果個係青年、係社會﹐定係作家自己呢?唔係好多老人話﹐粵語片教佢地好多人生道理咩、6,70年代既人比較單純咩?

再如《酒徒》﹐入面除左主角老劉﹐其他角色﹐張莉莉(拜金女)、司馬莉(lolita)、楊露(良心未泯既舞女)、荷門(智大才疏既文學青年)、吳老太(認錯主角係仔既可憐人)。先唔講佢地個個本身都係肥皂劇走出黎既人物﹐佢地本身非常扁平﹐好就係好、衰就係衰﹐角色個性別無成長。
(我唔知係咪刻意為之﹐但劉以鬯作品既對白基本完全係功能性﹐似乎無諗過下工夫﹐咁樣寫小說真係OK?)

然後呈現出現黎既就係香港社會人心不古、社會墮落、亦唔重視文學...。
(我地而家成日提既重要香港作家西西、也斯、崑南等﹐就係當時出黎！)

依種老調真係公平?咁樣既小說世界除左憤世嫉俗﹐真係教到比我地更有意義既野?觀察到更多人性?認識到更多既「真實」?
《酒徒》原文就講過新手法可以比傳統現實主義可以發現更深既人性同「現實」﹐我同意﹐但我唔認為《酒徒》自己有成功做到依一點)。

3.六七十年代(甚至80,90年代)既文學評價

//你睇返六七十年代嘅文學評論，佢地係認為武俠小說嘅本質係娛樂主導，所以劇情一定好睇，但同情色文學係同一個類型，甚至破壞當時嘅文學風氣。//

周星馳既喜劇當時都比人日日屌低俗﹐結果今日就係我地既文化/戲劇遺產。
我地仍會睇周星馳既喜劇﹐60、70年代有邊個文學評論我地仍然會睇?

莎士比亞時代既批評家都覺得當時戲劇低俗﹐難登大雅之作。今日又係點睇?

拎當時充滿精英偏見、有文學無文化既批評黎講﹐我諗你自己睇既時候都唔會當真﹐但點解而家用黎嘈既時候反而會用上呢?

4.太狹窄既文學批評會傷害嚴肅文學、亦會傷害商業作品
//情況就好似我地而家去睇連登文學一樣，可能幾十年後啲人吹捧連登文學世界級，但我地當代去睇，連登文學純粹娛樂，無咩文學性可言。//

咁咪代表左﹐當下、當代既批評唔一定公允。文學批評需要時間沉澱﹐而既然你都明白﹐咁拎當時文學批評黎貶低金庸﹐似乎唔係一個好方法。

大仲馬係商業作家、奧斯汀、狄更新、甚至莎士比亞既作品都有商業考慮。但都唔影響佢地既文學成就。

我地而家唔知連登會唔會出到好作品﹐依個要時間黎證明(暫時都應該係無)。但係﹐香港好多純文學人貶低商業作品時﹐佢地似乎都無諗過去介入商業作品(定係﹐佢地根本寫唔到?)。而好多有心既新手作家寫野時﹐佢地無辦法接觸到公允、合適既評價(一句商業就打死你)﹐得到技巧上既啟發同指點﹐只能靠直覺同自身經驗去寫野。結果一再寫D淨係識叫春、出軌、發泄既垃圾(依D係佢地用真心寫出黎的)﹐咁好出奇咩?咁果D自命要推動文學事業既人唔通無責任?

日本ACG都會有意識流(EVA、今敏)、輕小說都會用後設技巧(涼官春日)﹐依D野其實已經係大平賣。但我地好似重係要糾結D咩嚴肅/商業﹐咩商業作品害死文學之類既低能議題﹐依種諗法先至係最有害。佢不單令嚴肅文學變狹窄﹐變成博物館入面既古玩﹐亦會令商業作品得唔到應有既養份﹐結果無法成長。

我完全唔擔心純文學會死﹐我反而擔心某D人就算去到大學教書﹐都只係不廢江河萬古流。咁唔只係對自己無益﹐對「文學」本身都無咩幫助。

睇到一半覺得篇篇形式太似。

劉以鬯我推介一本相對少人留意的陶瓷

劉以鬯正到

侶倫都放到咁高
就知道呢個po係廢嘅
也斯同西西應該爭第一
金庸俾你低估晒

想知佢憑咩高過金庸嗰啲

粵語入文 睇過烈佬傳 要比上金老真係...............

S rank: 地圖集 V城繁勝錄 安卓珍妮
A rank: 體育時期 自然史三部曲 衣魚
B rank: 後人間喜劇 貝貝 練習簿 心
C rank: 雙身 命子 神 愛妻
D rank: 美德

十幾年嚟由沉迷董啟章到理性看待嘅主觀排名

以為鐘曉陽會有十大

西西浮城誌異真係形式技術巔峯

老實講冇乜人識

十五大會有，香港太多小說作家

倪匡一定頭三唔洗睇落去

我讀u先識

樓主點睇陳雲

倪生