屋企人末期癌症入咗紓緩病房

泰國會用醫用大麻治療 好過香港只用嗎啡

I am sorry to hear
但係要有心理準備 問下屋企人有咩野要做決定
後事，遺產安排 你地仍然要活下去

我呀媽早兩日入,今朝都走左啦
而家個感覺好怪
btw,頂住呀

你好，這是《自殺．自療．互助舍》。看來你已累積了不少負面情緒，是嗎？人就好像氣球一樣，若積存的鬱結和壓力太多，便會有爆發的一天。何不暫時停一停，到我們的網站
www.help4suicide.com.hk 。 那裡有一些勵志故事和有趣短片，你可以隨心看看。你也可以進入網站內的『Chat窿』（星期一至五：下午4時至凌晨1時；星期六、日及公眾假期：晚上８時至凌晨１時），讓我們的義工為你加油打氣！

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

《自殺．自療．互助舍》

加油呀, 幫你同你家人打個氣
頂住呀

你都要加油呀 I know that feeling

巴打你爸爸點啊？我爸出咗院6日又入返H1

咩事入番H1？本身復活節後接我老豆出院，不過早兩日血小板又突然跌番，要輸血未出得院，再加上屋企都有啲情況所以未安排到人照顧佢，哩排去H1拎嘢畀我老豆都見好多人走咗行去H1嗰段路好壓抑

佢係屋企跌低咗，入院照發現盤骨位置多咗個腫瘤，醫生建議試下做電療止痛。我屋企都冇人可以24小時照顧到佢，醫生建議要住院舍，但我老豆唔想，所以都諗緊出院後點算

入骨係好痛，我老豆都係用電療止痛，院舍我之前都有考慮，但一來爆肺炎爆得太勁驚佢身體太虛弱中咗就係咁先，二來佢自己都唔想住院舍。

想問下呢類型紓緩電療後會唔會有咩副作用？醫生建議做一兩次電療，再睇下適唔適合打補骨針，唔知幾時先出得院

其實明知有都要做, 唔去做電療控制佢, 好易影響病人行動能力, 仲無尊嚴

我媽起未影響佢行動同大小便個陣, 醫生同佢電左一次, 而家靠標靶控制

更正, 佢係脊骨, 唔係盤骨

以我哩段時間同醫生了解，電療嘅好處係基本上一電啲細胞都會即刻死晒，所以初期知道有癌症的話，針對番嗰個部分做電療的話，醫到嘅成數係好高；不過我喺私家睇嗰陣醫生話我老豆個situation係唔適合做電療，因為雖然電療係一電就死晒，但佢係不論好定壞嘅細胞都會殺死，如果擴散咗嘅癌細胞靠電療去醫，病人會頂唔順而好快就死；我老豆近哩兩次嘅做法，係醫生取捨針對病人最痛嘅位置去做電療，希望透過電療去減輕病人嘅痛楚，而死咗嘅正常細胞，病人由於身體狀況未必可以修復得好快，有機會身體都會變到好虛弱，只係現階段嚟講，除咗止痛都冇其他嘢做到。

我老豆又係擴散到成條脊骨都有癌細胞每郁一吓都好痛

樓主加油

都係睇病人身體狀況，我阿公之前有初期前列腺癌自己去醫院做完電療自己走，完全唔駛人陪。