屋企人末期癌症入咗紓緩病房

真 要多啲陪佢

如果佢有氣力可以多啲傾偈
幫佢打俾親朋戚友傾兩句/視像

既然肯轉紓緩科
相信佢都睇得化啲嘢
要搵機會了解佢對後事安排嘅意願
E.g.儀式、地點、相…
了解吓佢有冇心願未了
確保其他屋企人都明白佢嘅意願

可以拎吓啲相簿一齊回顧
留住開心嘅回憶

一定一定要同佢講”我愛你”

老豆入過
最後都走左
好後悔個時冇帶佢番屋企

入咗紓緩病房
查實1日同兩個時間見到
仲要家陣未必比你見
如果仲精神唔洗訓床
就可以出走廊陪成日

真, 呢D事有時要搵個經歷過嘅人圍下爐先得,
就算幾好朋友/親戚, 如果佢地未經歷過, 始終冇嗰種同理心,
唔係同路人, 安慰你嘅說話只係好片面

肝有事，佢會突然間肝昏迷，跟住唔好救翻醒佢，救翻佢會受苦 take care

屋企人彌留咗未？ 肝惡化好快 呢段短時間留返多啲陪佢吧 有咩想講就要講出口了

你想佢走得舒服d 定係夾硬夠佢等佢繼續受苦

我有親人末期腸癌過身。最後會痛到叫醫生做手術 因為唔想痛死 想手術台度死，但親人唔想佢做
用完嗎啡冇耐就過身了。。用得嗎啡 我估真係離死不遠了

Same … 我係啱啱落機諗住去醫院探下 結果到醫院就發現岩岩走咗

利申： 喺外國，純粹share心情

我有家人未期癌症，未入舒緩病房之前個星期喺屋企情況好差，要24小時有人照顧，我哋已經請咗私家護士夜晚照顧佢，但對家人身心都好大壓力

到安排到佢舒緩病房，醫生話佢情況好差可能嗰晚就走我哋都好後悔，點解唔等佢留喺屋企走呢

但彌留嗰時D醫生護士都有打針令佢舒服D，又會mon住心跳血壓血氧個pattern，同我哋講佢D手腳開始紫，應該隨時走，所以成家人都喺床邊陪佢

事後諗番，如果留喺屋企自己唔會識睇呢D臨終徵狀，其他親友可能探完佢各自番屋企，陪唔到佢最後一刻。又或者佢斷氣之後都唔知點做好，又驚又傷心

所以樓主你屋企冇人24小時可以照顧爸爸，入舒緩病房都唔係唔好㗎。儘量多D陪佢同佢傾計，就萛答你唔到都可能聽到㗎。你都要照顧自己呀

巴打加油，可以探病就去陪下屋企人，傾多d計

入得去 代表瘋狂打嗎啡 得佢冇咁辛苦走
我嫲嫲走嗰陣都係咁 大腸癌 成肚腹水
我好記得我喊到崩潰 但佢叫我乖啲 佢會陪住我

最後屋企人揀左放棄急放 佢最後一啖氣都好輕咁就走左了。

加油，撐住
過來人經驗，呢d大事盡力理性去解決，
太過負面情緒家人同病人都唔好受，
要黎既都係要黎，考慮有咩做可以開開心心仲好，
情緒留返比之後再比時間去沖淡
利申：初入社會就失去家庭支柱，擔起左頭家

其實佢會好辛苦 既然都末期了 比佢舒服咁走啦

我到依家都未放得低 真係好掛住佢

迴光反照，想當年我屋企人都係咁
中午仲好精神，點知夜晚收到醫院電話趕去醫院見最後一面

我好記得當年私家醫生咁樣安慰我地, 你都食左咁多年藥, 做左咁多年治療, 而家同將來亦要繼續食藥, 咪當自己係長期病患者,
呢句說話對我地係好大comfort(亦可以話係阿Q)

I know that feel
啱啱經歷完 你要好好珍惜相處時間呀

屋企長輩啱啱過咗身
諗咗一輪 決定唔急救 比紓緩藥
我哋只可以video call講再見
好心up 好難過
但至少佢安祥咁去咗 無痛苦了

我好掛住你呢公公

紓緩治療其實就是一些病人，已無法完全治癒，甚至生命不會很長，在這段時間，我們如何讓他以最少的痛苦，走完人生最後一程。

珍惜仲可以傾計嘅時間
唔係個個有機會的

巴打頂住 你屋企人需要你

因為久病的病人或者老人，一般身體循環都不好，甚至有可能處於「循環衰竭」的狀態，那麼，在臨終前就有可能發生腳腫手腫現象的

自己google, 保重