屋企人末期癌症入咗紓緩病房

想問下末期癌症，醫生轉介去舒緩科，係唔係代表已經放棄醫治佢？
定係末期癌症嘅治療，同舒緩科嘅治療會一起進行？

有冇巴打有經驗，點樣安慰俾醫生轉左入舒緩科嘅末期病人？

我自己屋企人知道哩個消息，真係好沮喪
舒緩科嘅姑娘，上門來睇佢
佢都話仲想積極治療，屋企個女仲細，想陪得一日係一日，唔想留低個女係度自己走左去
見到佢咁，自己個心真係好唔舒服
佢仲好有求生意志，咩化療電療標靶，屋企人冇得入院探佢，佢都自己一個人捱過曬所有。

見到佢咁樣，真係唔知點安慰佢好

再嚴格黎講
其實DNACPR唔駛家屬同意
只要兩個醫生一大一細認為急救係futile就可以


不過暫時都一定係同家屬傾
Which is a bit weird to me
理想既情況更係同個病人直接傾
Prefer 係直程佢未病個時仲可以理性討論既時候
(急病除外)
成日臨到就死講唔到野個刻先諗
唉…

醫生有冇預計可以維持幾耐？

通常要轉入舒緩治療，係因為前存嘅醫療都幫唔到個病人，佢應該用過幾次唔同藥，但個癌細胞都不斷咁大，通常最後去到第3-4 線藥，而病人經過咁多線藥，身體狀態已經好弱，唔太適合再試下一輪⋯ 珍惜有嘅時間

問定佢有咩未完成，因為第時呢個會係你既信念
你要連同屋企人果份 好好活下去

有說話就好講定，好好咁say goodbye, 因為痛到打孖啡針就會開始昏迷，未必收醒得返

其實我地都明白
但係有時候病人好唔甘心，仲好唔捨得，睇唔開
真係唔知點好

大家都想佢好，都明白佢撐左咁耐，都係打唔贏仗，一定好嬲自己，又好唔開心
但係哩件事上，實在唔知點叫佢move on，點安慰佢好

我明白你
之前我都聽過醫生同我講呢啲嘢
我可以同你講我冇後悔放棄急救
對佢嚟㗎係一個好有尊嚴嘅方式同呢個世界講拜拜

你一定唔會想見到你屋企人俾人做急救嗰陣點樣俾人係咁樣咁心口撳到個心口扁晒

都就死 有乜危險過死

可以就儘量抽時間陪佢走埋最後一程...
我同屋企人都係咁陪住老豆走
有咩想同佢講就講曬佢
我有聽過話人嘅身體最後停止運作嘅係聽覺
所以去到最後一刻都要繼續同佢講嘢等佢唔好咁孤單

加油

我阿爸走之前都係咁，但當時決定接佢返屋企
係因為想儘可能陪伴佢行最後一程，同埋係屋企一定舒服過係醫院

最後阿爸都係屋企走

而家都開始有醫療機構提倡留喺屋企嘅做法
始終有啲病人長期住院，離開屋企太耐
如果知道係冇好轉嘅可能，屋企有能力接佢返去行最後一程都係其中一個選擇

其實真係應該有安樂死
襯身體仲冇咁辛苦時, 見哂最後想見o既人, 比佢舒舒服服咁走

呢幾日見得好見喇，珍惜你地最後嘅時光，保重巴打。

入得舒緩科基本上係可以做既都做晒 舒緩有名你叫 係幫病人等佢最後唔好咁辛苦 醫癌症無非都係手術 標靶 化療 電療 樣樣其實都對身體好大負擔 所以理論上住得去都應該會停晒

唔係放棄醫治, 舒緩科係以唔痛為目標,
如果係末期舒緩科同腫瘤科做既野一樣, 只係舒緩科多D姐姐照顧咁解

HA成日話要等病人有尊嚴咁走 所以有能力記得要同病人溝通好 到底想舒服啲但無得見屋企咁走 定辛苦啲但屋企人係晒到陪住行埋佢 急唔急救都係 take care

要睇個病人

我老豆肺癌末期入舒緩科,
係醫院不停屌D醫生無人理佢, 話佢身體咁差唔關癌症事, 係醫院唔比落床搞到佢咁 (佢轉移到骨, 落床骨好易斷)
醫生個個都廢, 佢話好悶要出院, 自己走去睇中醫好過

我同我細佬妹商量完之後決定由得佢, 帶埋佢去睇中醫, 比佢有假希望咁過埋最後一程好過困係醫院

多謝巴打你嘅回答
咁可唔可以理解為，舒緩科病人依然接受緊化療/標靶等等治療腫瘤嘅療程，但同時舒緩科都幫佢處理緊一d治療帶來嘅副作用？

同埋被轉介舒緩科，係咪代表一定會入住舒緩病房？如果病人堅持自己可以係屋企生活，唔入住舒緩病房又得唔得？

巴打辛苦你啦