屋企人末期癌症入咗紓緩病房

有心理準備，佢會隨時離開

巴打加油 好好照顧身邊人
老豆會知道的

我都係咁同自己講, 但好唔捨得, 無諗過咁快你就要走

rip

Hug hug 好好過 佢會安心啲嘅

入紓緩其實係減輕痛苦，等佢舒服啲咁離開。樓主要好好珍惜陪佢行埋最後呢一段路。

你講個樣野叫做[死亡質量指數]
2016年英國第1 台灣第6係亞洲入面最好
而香港係排到22

就係因為大家都避諱去講死亡
唔肯講唔敢提先會搞到病人走到最後一程都要受苦

安樂死唔通過已經夠on9
但係連DNR同紓緩治療都唔夠宣傳係純粹守舊思想 同埋政府配套/資源落後

而家都可能好少少既
至少有唔少醫生護士都會冒住比家屬屌到飛起既情況下去叫佢地簽放棄急救協議

其實份DNR係醫生負責簽
屋企人唔洗簽咩同意書
佢口頭承諾醫生就當valid架啦

當然衰d講句到最後一刻你都可以反口要救嘅
但入得紓緩病房就唔好折磨佢啦

記得我呀婆臨走果朝，仲可以同佢傾計，點知下晝就走咗

係阿， 唔好以為佢無事
要把握時間陪佢多啲

明呀, 道理個個都明, 但真係殺到埋身就好痛苦,
我十幾年前經歷過一次, 而家諗返都仲係痛, 原來時間唔會沖淡, 只能與傷痛共存

我屋企人嘅經驗，如果佢腳嘅水腫一退即係差唔多要走架啦，多啲陪佢啦

感同身受

邊有口頭承諾樓主話默許喎

係
開始滲水 手指腳指發黑就好差架啦

過來人
要有心理準備
情況隨時可以好短時間內變差
如果佢覺得痛就唔好慳止痛藥啦
捱痛好辛苦
樓主有得探病就見多啲啦
坦白講 都冇乜野可以做到

默許已經係口頭承諾
因為你地有錯覺家屬係要簽一份同意書
但實情係兩個醫生已經可以決定唔為病人急救
只係依家可能郁下話投訴
醫生做依個決定前一定會知會同問家屬意願

想請問拎佐銀行密碼
等佢過身後，自己轉走D錢
但最後要俾死亡證銀行close account個陣
佢會唔會見到戶主死後仲有transaction而有法律問題？

接去善寧之家， 有一家人陪伴

自己都有答案 問黎做乜
早啲死仲好啦

Sorry呢層要等其他識法律嘅巴打答

因為我地喺佢生前就少少咁轉去媽咪戶口
到走左後得返好少錢
所以都無close account由佢喺度

原因主要係媽咪唔捨得
想偶然收到銀行廣告信
當佢好似仲喺度咁