返個intern叕中伏

喺學校招聘平台上面搵嘅以為信得過，佢個公司又係關於公關推廣嗰啲事，本身覺得幾有趣就去in下，雖然上網搵唔到資料不過都諗住試吓先。

結果星期三交申請，星期四晚就同我講約星期五夜晚10點幾做面試，已經覺得有啲奇怪不過以為佢太忙所以就應承咗，做完面試之後當晚就同我講叫我做second in嘅test，望咗一望個內容好似唔係一個測試而係一份工作，不過我都照做俾佢。做完之後佢又叫我第二日去視察一下個環境，我以為係去佢公司嗰度視察我就應承咗。結果第二日去到見面嘅地方係喺個客嘅公司，跟住我明明係嚟視察嘅佢了叫我幫手影吓相又做吓嘢咁樣，但係工作內容係幾有趣嘅。 完咗之後返到去我都冇話應承佢要做呢份工嘅時候，佢已經send晒啲時間表俾我，雖然都係有啲奇怪不過因為工作內容真係幾有趣所以就諗住試吓做先。

結果返咗三日我就頂唔順要辭職，原因有幾個
首先佢比出嚟嘅工作同工作時間係完全唔成正比，我返短短幾個鐘佢就要我自己搵資料搞計劃書搞PowerPoint然後又要hold meeting嗰啲，然後又好即興咁樣叫我去參加其他meeting，冇俾個任何指示話要做啲咩然後就叫我去hold場。 另外就係計劃書呢一啲由research搵資料開始其實都幾嘥時間，佢叫我寫千幾字十幾版嘅計劃書，本身已經冇咩概念但係佢淨係比一個鐘我叫我做完，我已經用最快嘅速度做結果都用咗接近兩個鐘 。

其次係我名義上收工之後佢就開始不斷send WhatsApp叫我交返佢今日叫我做嘅所有工作，我同佢講話我已經唔係工作時間，但係佢照要求我當日之內要畀返晒所有嘅嘢佢，但係佢唔會加OT錢。

再者成個所謂嘅intern冇contract簽，我之前去其他公司返part-time嘅時候都有contract簽，反而去到一間返實習嘅公司係冇簽嘅，當下就覺得幾冇保障。

接住就係佢嘅要求好奇怪，五時花六時變，尤其是約出外景嘅時候，啲時間係可以一個鐘頭轉一次，搞到我完全準備唔到，有時遲咗一兩分鐘就俾佢鬧話冇時間觀念。跟住做嘢個方面一時又叫我唔好抄佢比我嘅資料，一時又叫我全部抄晒，又話我唔聽佢講嘢，有時真係幾想屌返佢轉頭。

仲有好多好多好多嘅嘢可以講不過暫時講到呢度，我send完辭職信俾佢嘅嗰下佢就冇再覆過機，我相信我呢幾日返工嘅錢都應該拎唔番，但係我拎到左平靜，唔會再夜晚11點幾都收到佢電話，唔會再24小時見到個‎WhatsApp無限轟炸機，真係短短返咗三日工我好似返咗三個二十四小時咁樣。

有啲嘢真係不可一不可再，今次買個教訓下次真係要醒水啲，致各位搵個intern嘅同學仔，就是揀工都係需要運氣。。。

佢由second in都駛人唔駛本咁叫你做野，間公司出好高人工？


Btw 絲打篇文都有紋有路…
祝你搵到正正常常嘅intern

無contract簽果下已經可以唔洗返

咩學校

我公司啲intern 一係填tender 份rfp
一係叫佢哋rend 圖
電腦廢一張圖都碼90mins
最勁試過請三個排排坐
係到rend 圖
冇野做

你冇簽contract 咁點證你幾時開始返呢份工
好彩你走得快 當買個教訓 下次小心啲

未做過野先覺得乜野都唔合理

學校都要簽架咩

人工好低
多謝你

間公司做推廣公關嘅，我都唔係幾敢開名，費事。不過間公司就算google 咗都只係搵到個地址

係呀，講到自己公司有好多個部門咁樣，返左工之後先知佢係一人公司

唔簽contract就唔洗供MPF

學校只係agent, 阿豬阿狗都可以放份工上去, 點會信得過.

佢連口頭offer都未出, 擺明食你夾棍. 你當自己做左3日義工算la.

佢連offer都未比你, 係糧都唔使出.

呢份intern唔係由學院去搵嘅，而係我自己係學校介紹嘅招聘平台上面搵，所以某程度上其實都唔係幾關學校事，學校只係提供左平台。。。

利申學院提供嘅intern少得可憐再加上係咁多yrs 嘅學生一齊搶實在搶唔過

我做親嘅工都好chur…..

所有嘢都係WhatsApp裏面deal

其實萬一有咩事真係冇咩保障
(利申 我sd咗辭職信畀佢佢已經冇理我，都冇諗住畀返我返咗幾日工嘅錢。。。)

我以為對方只係唔想供MPF….

今次真係當一個教訓教醒自己醒水啲

我都算返過唔少工嘅，chur又chur過，撐又撐過，辛苦係辛苦嘅只不過啲公司從來唔會完咗working hour無限催我交嘢然後又唔計OT囉。。。同埋冇contract簽我試過返一星期嘅工都要試contract 。。。

以為學校介紹嘅有保障啲冇咁伏，但係遞得多嘅時候都看咩料㗎喇

唯有係咁都冇諗住可以拎返啲糧㗎喇

咩類型

咁係你問題，返過都知正路要簽咗約，做咗功課先

學校邊有資源同你check咩料, 你記得返學校投訴等學校處理唔好再比條友害人.

咩科？建議唔好喺學校搵 Jobsdb LinkedIn 學校SAO 啲公司最正常最大路