比濕疹搵到想死

我個人應該係十八九歲先開始出濕診
最痴線係果陣係全部流濃
雙手關節位,腰後面,大腿內側都有差唔多十零撻...

試過中醫西醫都無效...
最後減肥時發現飲食同運動有關(由180磅減到125磅)
果期好早訓同食得好健康
烚雞胸烚菜自家制面包咁..(一日三餐都係咁)
真係可以完全退晒無事,得翻個印

不過之後近五,六年都變翻普通生活就每年秋冬轉季都會出翻來
可以用D無刺激性潤膚KEEP住查一個月到就會謝,好翻
尤其佢開始唔痕先記住要查,等佢埋到口....

不過都係治唔到本...

上個月開始試緊食益生菌

益生菌係有用，不過靚嘅益生菌都唔平，如果有錢嘅可以食建議份量嘅2-3倍，效果會明顯啲。
同埋最好吸收唔同嘅菌種，市面大部分益生菌都係建議一日1-2包，你可以買3種唔同牌子分早午晚1包

玩到咁大
我試緊PGUT果隻,未知有無效

不過其實我懶成日唔記得查潤膚,搞到佢唔痕但又結左招死唔斷氣

如果益生菌真係有效醫到濕疹,我診間廠賣2000蚊一樽都賣斷市..

R濕疹果種快感真係連仆野都有過之而無不及
不過R完出水仲慘過生花柳

睇中醫調理下身體
係身體入面出現咗問題多毒素

我自問睇左年幾中醫
每日都飲佢中藥,換個幾個中醫都係無用

真心想知有無人真係試過淨睇中醫可以醫到濕診

我睇咗4個月 依兩好返7788
你有冇介口先
我一開始都冇介我以為個中醫唔掂
聽完個中醫講介口每日都照鏡睇下自己條脷既變化真係好咗唔小

大唔大係睇你打算放幾多錢同時間落去，我最高峰試過一個月食咗4-5千蚊嘅益生菌，係幾好效果，但一唔食又爆返，最後無咁多錢而放棄咗。
有條件嘅可以試多幾款益生菌，因為唔知邊款先係你需要，要慢慢試。
我個人經驗醫濕疹係藥石亂投，要試到啱為止。除咗益生菌外，其他補充品，藥膏，生酮飲食，灌腸都可以試下，我都試咗有5年先搵到方法可以舒緩，未完全好返，但都好咗9成
出水可以搽氧化鋅軟膏，搽落個下好乸，但收水幾好，香港某網店賣成過百蚊，大陸某啲牌子幾蚊人仔有交易，可以考慮下

大唔大係睇你打算放幾多錢同時間落去，我最高峰試過一個月食咗4-5千蚊嘅益生菌，係幾好效果，但一唔食又爆返，最後無咁多錢而放棄咗。
有條件嘅可以試多幾款益生菌，因為唔知邊款先係你需要，要慢慢試。
我個人經驗醫濕疹係藥石亂投，要試到啱為止。除咗益生菌外，其他補充品，藥膏，生酮飲食，灌腸都可以試下，我都試咗有5年先搵到方法可以舒緩，未完全好返，但都好咗9成
出水可以搽氧化鋅軟膏，搽落個下好乸，但收水幾好，香港某網店賣成過百蚊，大陸某啲牌子幾蚊人仔有交易，可以考慮下

我自己戒口無,做運動,早睡早起就好左...

睇中醫果期無戒口,完全無用...
咁係中醫有效定係改善生活有效

不過只要生活夜訓唔戒口就會轉天氣出翻來
所以個天逼我要早睡早起,做運動,同飲食健康

我都係咁😢想問下你知唔知呢個係咩類型嘅敏感

灌腸

中醫 醫濕疹一味同你講係肺經同腸經塞咗，如果你咁啱濕疹真係關個腸事咪有效

濕疹係自身免疫問題殺乜撚菌？
人地上電視講你就真係信？
漂白水本身已經係刺激性化學品
仲要叫人搽落濕疹敏感皮膚上面想靠害？
就算真係要殺菌防止二次細菌感染都唔會直接敷漂白水咁raw啦CLS

係，咖啡灌腸同洋甘菊灌腸。個理論類似中醫個套，話個腸有宿便積聚毒素，我個人就無效，不過你都可以試下

我今日飲撚完凍野就痕到仆街 真係好撚慘
個天都要我介口仆佢個街

明明濕診就係唔好用化學品刺激佢，仲要落漂白水

我都唔知
兩個可能
1.唔夠瞓
2.床上用品污糟
上面依兩樣野改善左之後就無咁嚴重，但依家都會偶然爆發

我諗起夜勤病棟

我都係戒口，早睡早起算數

戒凍飲好撚毒

我可以戒食素

不過好肯定出得多街食飯，就好大機會翻發

營養學有套理論係出面食野用嘅食油有大量omega-6，會導致炎症，解決方法係補充返omega-3中和

戒口戒糖 飲多啲水同去濕飲品
保持皮膚乾爽 用天然油脂做body cream
唔好再用化學嘢 徹底清屋一次
好快好

咁姐係應該食omega-3魚肝油丸去中和

皮膚科醫生上電視講
唔信佢唔通信你？

魚油同魚肝油係兩樣野，唔好買錯

皮膚及性病科專科醫生林嘉雯表示，她曾指導合適病人使用，而且效果不錯。「千祈唔好將漂白水直接搽在皮膚上，會刺激皮膚令病情惡化。」林嘉雯表示，將漂白水稀釋後浸浴，只要用法正確，風險不是那麼大。

「不是所有類型的濕疹都適合。」林嘉雯強調，濕疹有多個種類，只有經常出現繼發性細菌感染（secondary bacterial infection），或因細菌感染而誘發濕疹的患者，才適合使用漂白水。正常皮膚上有很多細菌，研究發現，濕疹皮膚上細菌更多，包括金黃葡萄球菌，它們黏附着皮膚時會釋出抗原，刺激濕疹復發，令病情更重，「漂白水可以殺滅細菌、真菌、病毒，將引起濕疹的因素剔走，就有可能改善病情」。


唔係叫你唔好信皮膚科醫生,但佢都話明唔係個個啱用...