(武俠驚) 俠之道終於有更新消息 有冇人一齊等

題外話
想問前傳有咩dlc
上網見到可以成功救返孟婆
但試極都試唔到

頂唔小心撳咗置頂 其實都幾同意你

對比起先前嘅作品 首先佢未出完其實睇唔到結局嘅大變化都冇咩重玩價值

同埋佢嘅招式配搭太少 之前玩北冥幽冥又得 殘花六脈又得

拖咁長呢隻game真係蝕底嘅
同埋似火影忍者我會覺得係嗰個畫風問題 我第一眼望落去 火紋嚟嘅喂

但係我反而好欣賞佢今次加咗新元素落去 現實世界最頂尖嘅著作 可能你中學圖書館都有幾本 每個門派都拎啲少少出嚟其實某程度上都合理呀 同埋我覺得今次其實都有門派嘅感覺 喺逍遙派得兩個師兄一個師妹 當然人少人物刻畫可以完整好多 但係人多都體驗到大門派嘅感覺嘅 當然要承認佢未必做到一開波嘅效果 但係好似上面嗰個師兄話齋 真係冇時間同冇成本

make sense呢單野其實睇你點睇 內功勁咗用普招打死人呢單野大家都知啦
但係我就覺得佢唔夠自由 當你有最優解嘅時候大家就會忍唔住用 嗰件事係練招式嘅收益真係太低

以前笑傲江湖都有講啦 一開波練會係劍宗好打好多 跟住落嚟氣宗先會慢慢追上嚟 最大件事係上堂嗰啲招基本上完全係廢喎 我入嚟讀書完全唔使上堂淨係做打雜跟住最好打

如果佢前期上堂嘅招式可以畀多少少提升我嘅開心好多 不過今次冇咗熟練度系統 其實我都唔知要點做

佢做到火影咁既日本風但個個都中國姓真係無乜代入感
下下俾你選擇對話但d dialogue根本刻劃得唔出主角性格
武俠game好唔好玩除左畫面打鬥操作
人物刻劃都好重要
俠客逍遙谷連埋主角得六個人容易handle好多
俠隱閣十幾廿個人物無咁上下功力其實好難每個角色都handle得好
搞到d角色互動有d odd同俠客差好遠

招式係用嚟彌補技巧上嘅不足我又唔太認同 其實有冇技巧已經差好遠 就算係段譽 佢內功高人咁多 如果佢唔係有六脈神劍同凌波微步可以放風箏 佢畀啲內功低佢好多嘅人打死左十世

我希望佢個數值真係可以調整好 不過佢個大致框架已經定咗出嚟 應該都係小修小補

如果可以嘅話真係想買兩隻返嚟畀河洛出續作

希望佢武學可以分兩面發展，一方係睇基本功同傷害，比極限流玩家玩，另一面係玩buff 同debuff，玩控制。由正傳前傳到俠隱，河洛啲buff 同debuff 都係好雜好亂，有啲例如霸體好突出，其他好多時無焦點，配招個時望到都覺得廢，例如咩回血回氣5%，加幾%命中/反擊。

仲有裡面啲生活都唔似江湖人嘅生活
武俠除咗武功，刻畫人物，俠義精神之外，就係描繪古代人嘅一啲生活模式，令人有種代入嗰個時代嘅感覺

想佢出返類似前傳咁，但唔再係大地圖係，逐個逐個地圖load ，再加埋fast travel。
最驚佢地又想出河洛群俠傳個類開放世界，間公司明顯冇人力冇資金冇技術整呢類作品，當時新出河洛個時，玩左幾個鐘已經頂唔順，而家再玩都係覺得好垃圾。

岩岩係steam買左河洛
玩左個幾鐘已經頭到暈
ching有冇咩方法快速過關玩完佢唔想花時間練功

好想佢出俠客續傳
用返前傳/正傳個種養成或者開放模式延續個故事就ok
老屎忽唔想適應咁多新模式新操作

佢咪就係力量完勝技巧既最好例子
力量唔單止係力量
速度 內力 全部都係力量既一種
佢咩都唔識 單挑吸既內力輕功獨步天下

咁我都覺得你講得啱嘅 佢哋唔食老本嘅文本質素真係相當參差
嗰種古風味道的確同以前差好遠
唔知佢會唔會捲土重來再請多個寫手 做番真係好純嘅武俠
但係同時我都欣賞佢呢一次嘅新嘗試嘅 係炒咗少少車咁解啫
只可以求下佢下次唔好再眼高手低
依家單機武俠真係買少見少 佢哋都唔出就真係好大鑊

建議唔好玩任務標識好差，大部分時間哂係搵地方搵人，就算開住攻略玩都搵唔到任務對象，個人唔期望有自動導航，理想係witcher 3 個種地圖mark 好行過去實有。
而且啲武學平衡極差，低精力武功係完勝啲高精力絕世武功。
冇玩哂成隻game，所以唔評價主結劇情，side quests 係有武俠感覺，至於主線劇情同主要角色，唔少人評論都係虎頭蛇尾，眼高手低。

今次隻驚有武有俠，就係無武俠感覺，變左江湖鬥爭×哈利波特學年制×火影中上忍考試×喪屍×機器人

早知退款

食返俠客條水出返d獨立世界觀既純武俠故啦
好似仙劍軒轅呢d咁點都好過懶係另辟蹊徑搞到兩頭唔到岸

當然速度內力會係既一種 但係可唔可以淨係靠力量完勝技巧就係另一個問題 我反而覺得佢更加唔係力量完勝技巧 係一定要兩樣嘢搭配先有用 佢唔識同人見招拆招 唔代表佢冇技巧㗎嘛 凌波微步雖然可以練內力 但係我覺得佢就係技巧巔峰嘅嘢 六脈神劍更加唔使講啦 使用內力嘅最佳招式 如果佢冇咗六脈凌波微步呢啲招式 淨係得北冥神功 如果冇主角光環我保證佢死得仲快

或者舉多個張無忌出嚟 殷野王同滅絕內力速度明顯輸波啦 但係佢哋要殺早期淨係得九陽張無忌真係輕而易舉

我會覺得呢個係技巧嘅用處 唔係用嚟彌補力量既不足 而係等你嘅力量使用得更加有效率 淨係練其中一樣遲早會畀人睇到破綻 我唔會否定力量嘅重要性 假如可以練到石破天咁樣一個人高過成個江湖 佢真係亂嚟都可以打死人 但係我哋都唔可以重一樣輕一樣㗎嘛

講返落隻game度 以前笑傲江湖都有講啦 一開波練會係劍宗好打好多 跟住落嚟氣宗先會慢慢追上嚟 實在冇理由一開波你練招式嘅效益可以咁低 如果佢可以平衡多少少 成件事真係開心好多

咁我覺得武俠最緊要嗰個江湖 到依家都徹底未出到去 第三年就完game嘅話佢補救機會得咁少 睇嚟大機會會好似你咁講變咗四不像

力挽狂瀾我就覺得未必得㗎喇 不過如果佢修正得好好睇睇單獨睇隻game我都覺得好玩嘅

其實我幾鍾意仙劍6劇情 嗰陣時買返嚟等到佢修復曬大部分Bug之後玩曬
真心覺得後期劇情好正嘅 至少我真係有啲感動嘅

不過第7集唔知佢咩事 個戰鬥系統好玩咗 但係變咗大陸偶像劇

DLC好似就係幽冥路
救番孟婆冇乜印象喎

買左隻game三年都未開過諗著等佢出曬先玩

我見佢有Post過大地圖，如果第三年完之後，會用大地圖方法補足返啲角色劇情、門派設定同Side quests，個遊戲應該都會幾完整，希望唔會燈死。

Lm

你老味無後宮都算
老師就只係有得溝淨又無得裘笑霜同寧楚楚
同輩又係冇得溝沐櫻金絲薰連自己個妹都冇得食
我三年前睇定唔買住既結論係岩既

..老細你黎錯po
Galgame po 好似適合你多啲