(武俠驚) 俠之道終於有更新消息 有冇人一齊等

無聊入返巴哈個俠客風雲傳系列討論區睇下
唔睇由至可 一睇竟然話steam成就更新咗
即刻自己入steam碌兩下 好似第三年嘅成就已經出曬 我驚劇透唔敢睇太多
啲台灣佬話跟返經驗嚟講 應該一兩個禮拜就有得玩
有興趣又唔怕劇透既師兄可以自己入去steam嗰度睇下

諗番呢隻game都幾屈機
遊戲入面三年 我現實世界都真係等咗你三年
奈何真係已經冇乜人出單機劇情武俠game 唯有全部硬食
見到佢終於更新真係有少少想喊

想佢出俠客風雲傳2多D

嘩！估唔到第三年咁快就出咗

等到連desktop都壞埋
得返部macbook唔知點玩

河洛仲未死都算執到
唔介意佢慢慢整 整得慢都唔會催或者埋怨 總之唔好難產就得
反正冇得玩都冇乜所謂 總有其他GAME可以玩
同埋今次俠之道有好多設計同劇情都係勉勉強強
前期一大堆垃圾武功又要限4招
明明以前個個都係一兩種武器玩到尾 依家逼人玩千手觀音轉武器
四藝要玩SL又係ON9 唔SL會哂回合 SL又哂時間
傳書仲垃圾 一大半既傳書都係送垃圾 食之無味 棄之唔可惜
劇情就馬馬虎虎 第一年都還好
但係第二年有多太人變哂空氣 風雅師兄同赤腳妹完全無影
有幾件大眾臉仲死埋
講真如果佢唔砍掉重練 執返好劇情同個遊戲設計既話
整出黎都唔會好玩得去邊 遊戲時間得三年咁短點樣變個絕世高手出黎
東方末明開成堆外掛 有咁多高手教路都要四年啦
俠客我都玩左廿幾輪去試唔同武功同劇情路線
但係俠之道我稔最多解全成就睇哂劇情就唔會再玩

今次仲要冇情聖 雖然情聖都唔係遊戲重點
但係果幾條女人設立繪同劇情都唔算特別吸引
七夕個妹 沐櫻又冇得溝
淨係可以溝同學 冇得好似以前咁闖蕩江湖識下紅顏知己
以前藍婷任清旋風吹雪果種老套劇情仲好睇

同意
唔太鍾意俠隱閣設定

個台灣佬係我嚟

俠隱閣#3 準備出第三年完整版 想買可以買定先
https://lih.kg/2919221
- 分享自 LIHKG 討論區

一早開左po
我自己幾鐘意呢隻
但有部分巴打麻麻地
見仁見智
不過我覺得都係一舊水就支持吓
等佢地長做長有

其實係幾好玩
岩岩出第一年個時喪玩
之後等到冇癮

留返第三年一次過玩

個人覺得俠之道做得唔錯
頭兩年劇情舖陳節奏適中，第一年營造到武俠校園感覺，留低唔少伏筆，第二年都有收返。第二年透過竊天塢、恒山及重岩村等事件，表達到唔同角色對俠道既詮釋。至少我係遊玩過程係會有掙扎，例如啲角色殺定唔殺，支持楚師傅定段師傅。暫時見到玩家做既選擇對重大劇情都有影響，例如救唔救羅老闆，但整體劇情分支略嫌少。希望第三年做既選擇更加影響劇情發展，唔只停留係一句加好感、師傅傳授武功。

整體遊戲性都唔錯，出完第二年再update後，大部分武學同心法都平衡返，玩唔同武學都打得嬴boss，尤其佢第二年開始中旬讀書一次讀兩頁，令到唔同玩法空間更大。二週目打後，有更強天賦同更多能力點，無論揀咩武學、好友同四藝，只要一早Plan好哂，雙特、劇情同角色強度都輕鬆達到。

隻GAME值得支持

河洛咁多隻驚劇情最好係呢隻 我覺得

買左幾隻河洛 未得閒玩晒

同意，今次正反兩面角色都有塑造到。前傳同本傳啲反派冇乜着墨，而且啲對白好出戲。

無左吳亞古好好多，佢太多周星馳對白/橋段

吳亞古躝返去做同人垃圾
整十年都剩係識用舊rpg maker 整垃圾大雜燴

舊年打爆第二年 已經唔係好記得啲劇情

唔通又要重玩

我覺得俠客風雲好好多，真係有武俠feel,俠隱無呢種感覺

變咗火影閣

我都想體驗佢原始少少嘅武俠多啲
不過佢個名好似畀智冠侵佔咗
可能會出類似嘅嘢 但係官方嘅俠客風雲傳2可能已經永遠出唔到了

返大陸出囉
個銷量都係大陸谷上去
唔係台灣出無得告啦掛

我覺得千手觀音冇咩所謂 最大嘅問題係佢嗰啲招式平衡性完全唔對路
你要好打基本上你係唔需要上堂學招 係咁喺度埋頭苦幹基本功
再唔係就墨染加踢腳
我玩到後幾次已經完全唔SL 忍唔住開修改器 因為真係畀佢玩死

其實自從河洛重組之後佢嘅文本都開始有少少問題
俠客風雲傳可以食老本 但係都好明顯見到佢哋有大量嘅情節接近係照抄金庸古龍
我覺得前傳冇咗亞古之後dlc寫得幾好
真心覺得三年係唔夠做 依家個故仔好似淨係開咗個頭咁樣 趕頭趕命咁完我覺得真係唔對路

Pk 我仲次次都讚佢靚女
立繪同劇情唔吸引呢單嘢就真 都真係完全冇溝佢哋嘅慾望
淨係對Miss有興趣咋
可以闖蕩江湖嘅時間真係太少了 永遠淨係喺同一間學校