自閉症譜系小朋友

其實細細個介入真係好好多
依家老一輩都唔係咁易接受
自閉譜系好大
一般都可正常生理到

因為我個仔得4歲，評估完話行為、讀寫障礙、專注力全部都高風險，成個人好能灰

巴打振作，係邊到評估？有無社工跟進了？

本身學校老師叫我哋睇睇，之後寫信俾我哋排政府，不過有排，所以我哋上網搵果啲非牟利，陣間搵吓太太先，之後都有搵社處社工幫，但未夠6歲好多嘢都未搞得住，好似依家寫信叫我哋排果啲o位I位e位

問吓太太

係呀要排呢d位，我仔仔都排緊
同埋可以搵住出面d機構做下訓練先

最近收到e位派位，本身讀高津上咗兩個月zoom，個女都有進步，依家二揀一，你哋會點揀

唔係派到位就停高津嗎？
如果揀我想去正常幼稚園，但保持高津

係啊 如果accept左e位個offer就要放棄高律，依家1516

高津佢玩得唔錯不如保持住，遲下又有面授
唔駛俾佢轉
跟手係正常幼稚園讀書

但都睇下小朋友情況係點，試下問下高津間中心意見

我仔主要係社交差想佢訓練完後有進展就係正常幼稚園
否則就要諗讀s位

cac做左兩次評估，第一次比s位，第二次個醫生覺得佢問題不大叫佢e位算 但最近派左位都係決定比佢入s位全面d等佢出年比人踢返出s位當贏

巴打S位裡面環境如何?
同埋你排咗幾耐先入到??

未入，下年入 排左2年

究竟醫學界幾時先可以搵到個成因

都好耐
我見仔仔呢3個月進步得唔錯...
我就希望可以唔駛入S位...

其實好多病都搵唔到原因
醫生都講得好岩...
唔好再探究係唔係/點解會有
做D野幫下小朋友仲進步得快
一樣可以正常生活
只不過社會越黎越進步...大家重視咗
其實睇返我地舊時咪仲多SEN情況

同自己比較無用，我個仔識好多野，但學校老師唔知佢識，所以跟本學唔到野，入s位有全面支援，第日入返主流都輕鬆d依家好多野都追到同齡小朋友，有d學識既野仲學得快過同齡，但行為問題比較多

岩，舊時班入面都有d好癲，依家諗返佢地可能係asd

暫時睇文件，係搵到N個既。

但搵到，唔等如改到

同埋，係近100年，人類先要咁強溝通能力，幾多千年，根本大家都係捉魚種田。

我覺得多少，係社會變化而做成自閉譜系。。。這個徵狀。

同我一樣
好多野佢都識,但肯唔肯做係一件事..
巴打你仔仔有咩行為問題?

仲有讀寫障礙呢..
呢家係大家對呢樣野熟悉多咗先多人留意
同埋社交問題都係
即使E家老一輩,都話大大下會變

自我刺激，有時會尖叫一兩聲，玩眼同自轉其實細個個陣有邊個細路唔玩眼同自轉

自閉有分lv
越早發現越好，其實有機會嬰兒時期已經有徵兆。
唔好拖，越拖越麻煩。
自閉99%有固執行為，越細個戒越易，大咗好難戒。
及早睇專業，唔好以為會自動好，自閉成因而家都未知，都唔可以斷定心係病黎。
圖書館好多自閉症書，大大小小書都有，連自閉走路姿勢都有，家長一定要去睇。
睇完好sad但要接受現實

自閉最麻煩就係人際關係，家長要由細教佢，如果唔係大個一定俾人欺凌。

如果可以，建議家長諗定大個佢可以做咩工，如果自閉唔嚴重，幫佢諗定啲唔洗點同人溝通嘅工，eg it n展嗰啲，然後由細開始要發展。

加油！
唔好盲目信專業人士，專業人士都有賤人，發覺條友9黎就要轉。

以前應該直接俾人罵/打
咁睇黎巴打既仔仔情況唔算太勁?
我仔仔有時日閒都會自轉...