自閉症譜系小朋友

讀個幾個credit 係到鳩up?


利申
sccw + sw + psychology background

跟 hku Ben law 講
社工係唔識sen架

但係咪玩玩下，玩厭咗新
又去玩返車？同你好似
鐘意玩開門關門、睇車轆
依家就加入一點情境素同佢玩

我仔好動，又會同佢跑下公園踢下波
但返到家都多玩車

啱啊 不過就有啲貴
但如果負擔到 小朋友由唔識講嘢變開口講
利申:個學生去咗幾個月外邊訓練 之後識得開口叫我

幼稚園時期仲可以頂得住佢發展慢，到升小學先係惡夢開始，唔好以為最壞打算入S位就攪掂

有無話去咗邊間做訓練？

不想再諗了
我都驚佢小學追唔到
今日想同佢睇下書、畫下線、畫下畫都唔理人，發脾氣

未排到個隊嘅話，
可以搵兼職嘅言語治療師，
至少唔係 三萬一個月
千幾至2000一堂？印象中

搵社工就算了，真係冇乜咁嘅training，通常都係幫手做轉介。

除非佢自己出邊仲有上其他有用嘅學位之類

如果唔係，有相關經驗嘅兼職職業治療師都可以搵吓，
佢哋都有呢個背景嘅訓練。

我係過來人覺得香港教育係對自閉症小朋友好殘忍，當年排治療，等評估都等成年，排訓練又要等，到排到啦都成5歲又話到6歲就唔啱佢做，得1年可以做得咩，仲要係你俾全費都要排，資助條隊更加長

我淨係知道喺綠色線應該係黃大仙嗰邊
佢係外間機構大概課程$8000到$9000上一個月
佢嗰陣上午上完堂之後下午就會去嗰邊上堂
大概一個禮拜三日 似返學咁樣

因為佢兩個小朋友都有自閉症
兩個都係我教
學校除咗心橋之外 唯有靠自己再俾錢出去
兩個都屬於極度嚴重嘅自閉症
不過見到佢哋兩個都有進步所以我都好開心
最主要係佢哋識得開口已經爭好遠

其實都有小朋友係屬於入咗s位之後再轉返幼稚園然後升返上小學 但呢類型嘅自閉症小朋友同人溝通語言可能相對慢啲但係唔係完全活係自己世界裏邊 所以其實都真係有分小朋友本身嗰個程度去到邊度
其實我覺得大概係分三類型
第一種就係輕度啲語言比較慢比較固執與人相處上係有障礙 但可以透過老師嘅教導同埋一啲心橋服務慢慢有改善通常呢一種類型嘅小朋友就會留級一年或兩年 通常就會追得返正常小朋友

第二種就係中度 佢哋嘅自閉症症狀更加明顯 語言慢係一定 其他例如自理能力各樣都要啲時間去培養 呢一種上到小學之後就會好擔心 屬於踩界 但主流小學有機會讀得好辛苦 去S位又嘥咗佢

三種就唔使講佢哋真係會係自己世界裏邊屬於一定要去S位學校 呢一種就係老師盡量幫佢希望佢開到口講嘢或者同人地溝通得到基本嘅語言其實已經好大進步

呢d係佢地病徵之一黎， 最多都係時間丟淡d

同愈黎愈無咁嚴重， 我之前都係尤得佢企係度睇飽佢先行

見到有進步係好開心
嚴重個類真難想像，父母辛苦了

如果跟你咁講，我仔是第一類…
希望及早有訓練鏟好點
固執方面真係第一

有訓練加上父母又努力係屋企做訓練
小朋友實會有好轉
都真係見過K1係幼稚園 K2出去Special school
K3可以返得黎幼稚園成個人進步左好多 係學校仲有朋友
唔敢講一唔一定可以入返主流小學 但情緒 溝通好轉左好多
加油!

我細女2歲7個月之前同其他同齡小朋友比講嘢都係差好多，人地個小朋友雖然講唔太清楚，但起碼都講到
我個女就直情係講唔到，只係發到單聲
爸 媽 呢d都係單字
佢除左我兩公婆之外 基本上都唔肯同其他人接觸
係有時會打下大女
果陣都同老公都諗住帶佢去睇醫生，但我老公就話再觀察多一年先
點知有一日突然就講到兩個字，然後就三個字，愈講愈多
而家3歲半已經同其他同齡既小朋友傾到計同玩

我之前見到YWCA 有個叫Y SENse都有個別訓練同密集訓練，不過就係九龍嗰邊，未必近你。
佢顏色形狀哩d識未呀？之前有個朋友個仔都係3歲幾，仲未識顏色形狀，數唔到1-5，都好擔心佢認知發展。