自閉症譜系小朋友

唔好等 少少錢唔好慳
去協康
三個月差好遠

其實唔好咁快諗S位住，因為就算評咗你適合入S位，到時都可能根據小朋友嘅情況排先後次序。我training緊嘅小朋友去到K3都未排到入S位。

喺呢個階段真係爸爸媽媽搵多啲資料，自己幫佢做一啲訓練。唔好覺得自己唔識就冇用，睇多啲咩都試下，點都會有少少作用。而家疫情咩都停晒，其實好難靠外人。我有個家長真係好有心，自己喺屋企同佢做好多唔同嘅活動，做手工、小食製作、砌圖、去公園玩、睇書。家長自己本身都好積極去聽講座，本身個仔都甩咗2年左右，而家追返好多，甚至認知同同齡小朋友差唔多。

如果未揀幼稚園嘅就睇下附近嘅幼稚園邊間老師相對有愛心啲，間學校有冇I位 O位服務，又或者你哋之後揀中心training(E位)。未有S位前，呢啲服務都好幫到小朋友。

有一個SEN嘅小朋友，家長真係會辛苦啲，但係見到小朋友有少少進步其實個成功感又會比其他家長再大啲。所以加油啦！

最後果句

自閉症譜系之所以叫「譜系」，係代表每個小朋友都係好獨特同與眾不同嘅。有啲可以冇認知問題、冇感統問題，甚至言語能力都OK，單純到得情緒控制/社交困難；有啲可能就好多方面都需要協助。所以最終都係要搵治療師們去做評估，建立返屬於你小朋友能力嘅「profile」，先可以準確咁做下一步訓練。

不過喺而家嘅情況，都唯有係爸爸媽媽喺屋企嘗試做下初步嘅訓練。未見過你小朋友，只係憑追post上嘅內容，諗緊除咗玩多啲唔同類型嘅玩具，可能同小朋友玩嘅時候，都可以嘗試建立佢同「人」玩嘅概念，而唔係佢自己單純玩玩具。

例如：玩車嘅時候。除咗互相推車畀你，然後推返畀個小朋友，都可以係試下畀啲角色。可能係玩完一輪，啲車要返屋企訓覺啦，咁小朋友就將啲車一架一架咁推畀你擺返喺停車場。又或者啲車已經好污糟啦，幫佢地沖涼先。咁你就一架一架咁推畀佢，拎盆水畀佢真係洗下啲車，然後媽媽就負責抹車咁。喺個遊戲裡面，佢係需要同其他「人」一齊玩/互動，唔係得佢自己一個，喺度轉車轆。唔知咁樣講清唔清楚。

加油呀！

社署服務就真係停晒實體喇，我意思係NGO仲有實體嘅自負盈虧服務

試下每日用15-20分鐘同佢玩吓玩具啦
父母如果無乜時間quality input 好重要，要喺玩嘅過程互相有交流，你可以模仿佢嘅聲音/語言，回應佢嘅動作/眼神等，不過唔好問好多問題同要求佢聽你指示點玩

遊戲技巧係可以提升認知
家長語言輸入係可以令小朋友語言進步

不過最好都儘快搵專業人士幫助，越早做訓練效果會越大

邊間唔怕死

多謝你
你講既例如中的建議
我地E家都做緊...同佢玩去卜市買菜,坐車、洗車遊戲(過程中有咩現實生活中既人係入面)、推車就基本每日玩

雖然無離開車,但都會講多D現實既野

但最慘係佢對車真係情有獨鐘,想佢放低玩下其他野都唔得
琴日想同佢砌形狀、砌圖,佢完全無意慾
都係要拎架防車黎玩撞(撞砌圖),之後見佢爸爸媽媽唔理佢用車玩

個樣完全係一個唔開心樣...唔開心咁砌
睇到都覺得係逼佢咁...好似仲影響佢成長

多謝你E家都搵緊,無一間覆有位住
睇黎都要等4月20日政府唔好再延長先得...
「不過唔好問好多問題同要求佢聽你指示點玩」
↑我琴晚好似就做錯咗...但佢真係玩黎玩去都離唔開D車..

想玩其他都好抗拒

琴日係誠品睇到
係幾有用
我覺得最大幫助一定係父母每日同佢訓練

咁又唔好咁諗，畢竟小朋友佢之前嘅世界可能得玩具車，佢鍾意點玩都可以，而家突然有啲新嘅
嘢，佢又冇咁有興趣，一開始覺得唔想玩都好正常呀，咩都有過渡期嘅。

如果係呢個情況，都唔一定要佢完全放低唔玩部車，可以嘗試「用啲車」黎達到你想要嘅訓練目標。假設啦你想佢將相同顏色嘅砌圖擺埋一齊，咁可以拎架車黎載住相同顏色嘅砌圖，或者直頭用藍色嘅車去搵藍色嘅砌圖等等。即係將啲車融入入去個遊戲/訓練裡面，唔一定要小朋友完全唔玩架車。可能佢會容易啲接受。

求介紹

我兒子已經喺佢到畢業了
我要再聯絡下老師會唔會再收生

唔方便喺度留佢電話畀你
師兄有冇contact

1,2,6,9,10我仔中重度
就2歲半媽都唔識叫

3歲咁快check到，無記錯之前同個仔做評估，醫生話有d小朋友發展得遲，話通常小一先準，個醫生咁快已經確定都好明顯下