自閉症譜系小朋友

你好 可以加TG bobodragon831 傾下計嗎？ 謝謝

巴打，想問你出面私人有搵咩機構做訓練，效果會好d ?
想參考下，黎緊我都要搵，等政府服務應該好耐，想爭取時間

我覺得要夾人，有d導師麻麻感覺打份工
有d好有心，會教你返屋企要點做，睇咩書、資料去學
我就用過耀能幾好，協康反而麻麻
你可以試下睇下小朋友咩反應先
做訓練可以試咗特殊幼兒訓練先，比較全面，但唔係最專

想問吓耀能同協康當時分別係上咗咩野班？

因為我見都係日中去上堂，

而家小朋友上岩岩開始K班，應該部份時間都係下午請假去出面上堂咁樣


特殊幼兒訓練系指邊間機構，我上網就咁搵唔到
唔該晒你巴打，現時很徬徨

我上咗特殊幼兒訓練同言語治療
你小朋友上幼稚園k1了？有無排政府服務？應該有到校服務幫佢
特殊幼訓練即係最普通個隻，應該間間都有
唔駛太擔心，我建議你google耀能 樂同行
佢有個電話俾照顧者打去，你唔明可以直接打
佢中心係樂富，近既話佢d堂都好平
可以試下

但最熟小朋友都係父母，唔駛太擔心睇下係咪真係好嚴重先追返返黎

巴打，我見你當初話你小朋友唔識講完整句子，到而家佢近況如何，講嘢係咪好好多了？

當初由淨係識得講單字唔識表達自己，到宜家中間嘅轉捩點係點樣？

我仔情況同你當初講嘅九成相似，啱啱問咗耀能嗰啲都要排隊，而家搵緊出面私人pt 訓練下先

係，當初去大口環時，講唔到一句句子，個陣2歲多D。
而家好好多，講野叻咗，仲識串下你。

我覺得首先要爸媽接受咗每個小朋友發展唔同先，唔好驚咗，個醫生話係就係，其實我地後天仲可以做好多野幫小朋友。
我個時都好似你咁，好徬徨，明明個仔咁醒目，點解會話佢咁樣，O哂嘴
之後都接受咗，自己上好多家長堂學習，又俾佢出去接觸多小朋友、上下訓練。

水平同佢眼神接觸，傾計，傾乜都得，如果鍾意睇書就更加好。
出去同佢去公園,遊樂場，接觸下其他小朋友，教佢社交方法。
除咗俾錢佢做訓練，唔係訓練完個一個鐘就算，同姑娘傾下計，睇下返屋企可以做D咩，有咩好方法介紹俾你，因為個個小朋友都唔同。
用鼓勵代替罵，最常用就貼紙，之後儲貼紙換獎勵，當然唔好太物質或者太貴重，我會換爸爸出街抱五分鐘、扮怪獸呢類，當然小朋友越大就要變個獎勵。

當然唔知你小朋友咩情況，但我個個越大就越好，當上咗K1之後，我就無俾錢佢上特殊/言語治療，都係靠政府既到校服務，一個月6堂左右。
然後係幫佢報出面既興趣班,我當時恆常就游水同跆拳道,之後有D暑假興趣班又參加下
依家幫佢讀埋數學同踢波

揀興趣班都要留意個老師岩唔岩教佢,
好似游水咁,佢屬於唔逼得唔罵得既,就唔好揀呢類泳班,揀D有愛心D既好D
陪佢學游水時,你會見到唔同泳班都有唔同既教法.
同埋問下佢既諗法

出面私人你可以搵住先,你可以問多幾間機構有無位.
唔知巴打你財力點樣,有D可以上埋門一對一,但我就無試過了
你GOOGLE下或者FACEBOOK揀下都會易搵到

另外如果佢上緊K1,可以睇下駐校社工有咩意見俾到你

我本人就覺得而家大眾多關心咗,以前我個年代咪會話呢個小朋友蠢/頑皮,但我地咪又越大越正常
當然有D嚴重D既你會比較易睇得出,就需要更加多服務/照顧
但我諗你初初都係覺得個仔無咩野,所以唔會係好嚴重個類.
俾D耐心/支援佢,等佢越黎越好就得

多謝你呀巴打