有無諗過究竟係自己唔夠膽去表明自己既意思定係純粹佢根本一開始當你係friend?
到佢有左另一半
你先會後悔你無表過態
你會諗究竟你有咩比唔上佢現任？
你會好怕佢冷落你
我的小小故事:
我係返工時識左一個女仔
我主動去接觸佢 發現原來佢剛剛失戀
我安慰佢 同佢一齊分享我既感情史
可能我打開個心同佢傾訴 佢都好相信我
大家後來好好傾
日日whatsapp ig都會分享下啲得意野
放假既日子都會一齊行街
價值觀 人生觀 理念都好接近
發展得幾好 相處得好舒服
我一直都無表態話對佢有好感
即使我出左外國繼續學業
我地互相傾計既時間有增無減
直到佢近期同我講佢對一個男仔有好感
大家出左幾次街
佢仲要不斷同我分享當中既細節
我先發現 原來佢一直只係當我朋友
與此同時
我係佢既say at me到留言 "其實我對你有感覺"
佢一估就估中係我
佢只係不斷笑 話以後有我痛腳 唔好亂黎
我會諗
其實係咪我錯失左一齊既機會
我係唔係錯失左佢對我有好感個段期間 猶豫不決
自己走入左friend zone?
佢可能一直等緊我表態？
定係可能由一開始佢當我只係一個好朋友？
大家有無想分享既故事？
利申: 95
