香港根本唔應該咁多 大學&大學生

調理農務系

傳媒乞食唔再講，其它果啲行情都唔好，因為供過於求，揸fit果啲人都認為個個做得，自然唔會好pay

冇人話產業多元化一定係玩高科技
你有冇諗過曾經香港有強大嘅文化產業？仲有好多高科技以外嘅嘢
你睇下啲外國神科喺香港變乞食科就知
就算港共自己推嘅新產業都推唔掂

就係講緊香港個大環境
同出面世界嘅分別

我講香港姐，至於出面世界係用英文，華語圈基本上香港係最好了

點解香港會變成今時今日咁樣？
因為香港人嘅DNA就係炒賣、做轉口港，甚至多年前有報張記者吹奏「學生賣淘寶貨唱k神器創業」

曾經香港都有唔少工業，唔使下下入中國貨，可惜短視嘅香港工廠佬只想玩cost down紛紛北移，唔識搞Branding、提升品質嚟溢價增加利潤

香港需要嘅係經濟轉型，產業多元化，改變經濟架構，咁先至俾到機會年輕人發展，做金融公廁、炒股賣基金賣保險、炒樓谷地產、物流零售旅遊，唔係高級文員，就係低賤工種

然而香港經濟經歷多次送中後，已經無力轉型...

第一次送中：香港工廠北移，香港去工業化、產業空洞

第二次送中：中資合拍片、奶共藝人圈，一味迎合中國市場低劣品味，去山寨商場表演、帶貨做小丑，文化產業衰落，香港文化缺乏吸引力，自己人都唔睇，更無出口能力

第三次送中：自由行令香港進一步劣化變成低質旅遊業、周街藥房金鋪、炒樓，買樓送身份證令地產業吸晒其他產業血，中資入侵，股市變中資垃圾回收站、中共白手套，中資充斥嘅香港股市，近年喺中共監管大企業下，變成國製金溶中心

所以結論就係香港讀中英文晌全世界都無位置可言

睇過佢地D測驗..係背蛋糕材料 係真有需要定係昆錢呀

上面我有提過其實可以做翻譯
重有語言本身就係文化嘅載體

啲大學俾你本地人讀既咩，俾大陸仔讀ga

無又唔係無
行情唔好姐

日本都有轉賣廚 兩岸四地都有炒賣成風
係因為出面世界會阻止炒賣/令炒家乞食
東亞社會統治你嗰個人都炒賣
變相鼓勵炒賣

如果D書賣得你覺得會冇人請人去譯咩
市場調節職位空缺
你望下香港最暢銷書係咩?

應該咁講,分返開大學課程同職業訓練
大學應該要係出D研究人員出黎
職業訓練就係訓練唔同行業人材

醫生護士工程it狗呢D就係職業訓練
科技研發呢D要最頂尖人士先做到

翻譯都有翻譯系（+好多年經驗）做
亦都唔需要咁多位
專業嘅翻譯唔到你做
唔專業嘅翻譯唔需要你做，行情亦都唔好
翻譯非英文外語嘅翻譯會好啲嘅，日文韓文法文西班牙文

有雞先定有蛋先嘅問題
冇高技術產業
就冇人需要睇專門書藉

職業訓練香港都有i大
如果要同發達國家並列
都要有大學人材

翻譯呢啲專業書根本唔到一個中英文系甚至翻譯系畢業生去做.. 工具書會由果行專家去做，小說會由小說家譯；仲有華文翻譯好多都台灣出版社做台灣人譯

而家最慘就係大學當自己出研究人員，社會老闆當大學係職業訓練所expect啲人

樓主重點係造反 唔係大學生

香港學科個問題係唔夠多元化
傳統既科太濫
一間半間好似中大人類學梗係要
但中文、英文、哲學、歷史、社會學 開到間間U都有
反而農學、檔案學、圖書館學、犯罪學呢啲就冇

其實好多行都需要中文好既人，記者啦公關啦企業傳訊啦都需要，你睇下依家啲記者同出面企業發果啲稿就知啲人既文筆係幾咁差，啲歐化中文嚴重到一步地步
明明中文係講到簡潔有力，但依家上至政府下至小店出果啲文筆都好災難級，啲用詞好擁腫，最常見就係雙動詞，明明英文文法雙動詞都錯，但啲人中文都係好鍾意寫雙動詞句

支共梗係唔想人有學識 因為似你咁撚無腦先掌控到

行業結構問題.. 唔重視咪無人理，報館都唔理，因人地收入係廣告，爭取嘅view數，鬥快鬥多鬥嘩眾取寵先有收入繼續營運