N年前做老麥經理未係佢做一姐
到我離職果1年果時佢先岩岩上位
係我離職後老麥既員工福利係大幅度上升..由其經理層
(應該話佢之前條台灣婆ceo係仆街黎,所以顯得佢更好)
之後因為轉左工都仲有同老麥有小生意往來
所以都見過佢真人幾次
我親眼見佢對下屬無架子(開會追數果啲就唔知)
但佢會同下屬攬頭攬頸
至於佢管理能力我會比佢S+
因為老麥係佢管治下由上一手個爛攤子
比佢玩到有進步成績係好明顯
而且佢下一把交椅都係女人黎
兩個係我眼中都係好有能力唔係單靠關係既人
(言談之間傾得出,我同第二交椅傾既機會多啲,都係勁人黎)
而且問返舊經理同我睇佢行既新政策
可以睇得出佢地係用心經營,少過我當年果啲on9政策
始終香港做大型連鎖要攪得起好難
租金都玩9殘一間老麥
咁都比佢係員工福利同盈利中搵到中間點算係咁
再講少少人性野
聽聞麥難民佢無叫人趕(唔confirm)
2019年示威作為有中資背景既連鎖餐廳
佢地無出過文去譴責示威者
而且我「咁岩」路經唔同區老麥果時…員工係可以派水比受影響既人洗眼
可能會有人話係前線好黃啫
但講真要揸正黎做2019-2020都見唔少公司跪住含
最近女狗落水單野又無發聲明炒人
佢唔係黃都好
最起碼真係無迫員工含或炒人了事
然後唔用單春容姨轉mirror
種種手法都係「識玩」同真係「政治正確」
而且2020年仲見到當年分區經理派既係黃既利是封
咁都說明左個ceo無對下屬施壓
當然如果有人認為佢都無企出黎大叫光時就唔夠黃
咁又另一件事啦
所以我一直無當老麥係藍店
真係要杯葛美心吉野家依類同老麥比
真心唔覺佢藍係邊