我覺得倉頡wordle難過粵拼喎
利申細個學打字已經係學倉頡,打咗十幾年
粵拼小學時老師有教少少,打字就用咗幾年(輔助用)
而家兩樣撈埋嚟打
我打倉頡識拆碼,但我個腦首先要出到個字先
玩咗幾日倉頡wordle
可能係我太廢,好多時諗到嘅字都唔係五個碼
或者諗到嘅字都有重覆碼,會浪費試嘅機會
日日都要周圍望下有咩字去搵靈感
同埋我打緊嘅倉頡冇得用*幫手,要靠自己慢慢試
但粵拼起碼我可以口噏噏到啲詞語嚟試
同埋zidou受限於得五格,配搭上都唔係得好多個可能
排除晒佔三個位或以上嘅韻母咁滯
如果試到第四個位係n,答案就好大機會得一隻字
(唔係出唔慌呢種詞語嘅話
)
詞語絕大部分都係2+3/3+2嘅形式
我自己玩就用韻母諗先,確定到韻母嘅話再試聲母個範圍細啲
試韻母嘅過程中都有可能估中聲母,即使估唔中都可以排除到
元音都不外乎aeiou嘅啫,起碼試到一個先諗會唔會係複元音
個人認為i出現嘅機會都高,所以每日開局都有用i
而佔三個位嘅字尾音試n, m, p, t, k
如果呢啲都唔中就試兩個位嘅單元音 aa, oe, yu
(打到呢度諗起aasoe
)
無聲母/聲母已經佔兩個位就難搞啲
所以睇人哋之前啲日子估嘅過程都學到嘢
打完一大輪 諗諗下大家個flow都應該係噉
嘗試講返啲阿媽係女人嘅嘢畀大家聽
希望對覺得粵拼版只係亂噉撞 唔知點玩嘅人有幫助